"არ ვიცი, რა მოხდა, რა ჯოჯოხეთი დატრიალდა..." - ნიკა გვარამიას დაცვის წევრი და მძღოლი გარდაიცვალა
ტელეკომპანია "მთავარის" გენერალური დირექტორის, ნიკა გვარამიას დაცვის წევრი თემო სამხარაძე გარდაიცვალა. ამის შესახებ ნიკა გვარამია სოციალურ ქსელში წერს:
"გუშინ, ამ დროს, ბედნიერი იყო. 6 საათზე მეგობრებს ეს ფოტო ჩაგვიგდო, თავისი საყვარელი საბასი.
არ ვიცი, რა მოხდა მერე, რა ჯოჯოხეთი დატრიალდა, მაგრამ ამ დილით გადაწყვიტა, რომ უნდა დავეტოვებინეთ და მუდმივი ტკივილი მოესაჯა ყველასთვის, ვისაც გვიყვარდა და გვჭირდებოდა.
დაცვის წევრი და მძღოლი არა, დავკარგე ახლო მეგობარი, მარჯვენა ხელი, ჩემი ოჯახის მოყვარული და გულშემატკივარი, ჩემი ბრძოლის თავდადებული ჯარისკაცი - თემო სამხარაძე.
არასდროს დამავიწყდები, იძინე მშვიდად", - წერს ნიკა გვარამია.
ბოლო წლების განმავლობაში მის ირგვლივ განვითარებული მოვლენების გამო, ნიკა გვარამიას პირადი დაცვა ჰყავდა და სამხარაძე მუდმივად თან ახლდა მას.
"რატომ გინდათ ეკლესია აღდგომის დღესასწაულზე წირვის გარეშე დარჩეს? ღმერთმა არ ქნას, მაშინ ნახეთ განსაცდელი" - პეტრე კოლხი
"კორონა უნდა მჭირდეს რომ მომაქციონ ყურადღება, თუ უნდა ვკვდებოდე?" - რას წერს ორსული, რომელმაც "კომენდანტის საათის" გამო, წამლის ყიდვა ვერ შეძლო
