მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
TOP 5 ბესტსელერი აუდიოწიგნი, რომელსაც უნდა მოუსმინო, სანამ სახლში ხარ
13:54 / 27-03-2020
არის წიგნები, რომლებზეც ყოველთვის საუბრობენ; წიგნები, რომლებიც თაობებს აღაფრთოვანებს და წლიდან წლამდე ღირსეულ ადგილს იკავებს ბესტსელერი წიგნების თაროზე. თუკი ყველაზე მოთხოვნადი წიგნების წაკითხვა რაღაც მიზნით ადრე უკვე რამდენჯერმე გადადეთ, ახლა მათ გასაცნობად საუკეთესო დროა.
მოსახლეობის დიდი ნაწილი დისტანციურ მუშაობაზეა გადასული, მოსწავლეებისა და სტუდენტებისთვის ონლაინსწავლება დაიწყო. ასე რომ, თუკი თვლით, რომ კომპიუტერის წინ ისედაც საკმარის დროს ატარებთ და თვალების გადაღლა არ გსურთ, აუდიოწიგნების პლატფორმა gudabooks.ge-ის ესტუმრეთ, სადაც სხვადასხვა ჟანრის, უცხოეული და ქართველი ავტორების 200-მდე წიგნია გახმოვანებული. ამჯერად, 5 ბესტსელერი აუდიოწიგნი შეგირჩიეთ, რომელსაც უნდა მოუსმინოთ, სანამ სახლში ხართ.
1. ფრედერიკ ბეგბედერი - „99 ფრანკი“
წიგნში აღწერილი გარემო და მოვლენები ავტორის პირადი გამოცდილების ანარეკლია, რაც კიდევ უფრო ამძაფრებს რომანისადმი მკითხველის ინტერესს. ბეგბედერი აღწერს გამოჩენილ ადამიანთა ზღვარგადასულ სიმდიდრეს, როელთაც კეთილდღეობა დანარჩენი მსოფლიოს უბედურებისა და სულიერი გაღატაკების ხარჯზე მოიპოვეს.
რომანის მთავარი გმირი წარმატებული სარეკლამო მენეჯერია, რომელსაც თითქოს ყველაფერი აქვს იმისთვის, რომ ბედნიერი იყოს: ფული, ქალები, აღიარება... მაგრამ ერთხელაც ხვდება, რომ ეს ყველაფერი ბედნიერებასთან ახლოსაც კი არ არის.
2. კაზუო იშიგურო - „არასოდეს გამიშვა“
კაზუო იშიგურო იაპონური წარმოშობის ბრიტანელი მწერალია. მისმა პირველივე რომანმა „იქ, საიდანაც გორაკები ჩანს“ უდიდესი აღიარება მოიპოვა, მას ახასიათებდნენ, როგორც ერთ-ერთ საუკეთესო ახალგაზრდა ბრიტანელ მწერალს. იშიგუროს ჯოზეფ კონრადსა და ვლადიმირ ნაბოკოვს ადარებდნენ. წარმატებული აღმოჩნდა მისი რომანის ეკრანიზაციაც.
უფრო დიდი წარმატება მოჰყვა რომანის „არასოდეს გამიშვა“ ეკრანიზაციას, რომელიც ბრიტანელმა რეჟისორმა აქცია ფილმად და არც შემცდარა – იგი ბოლო დროის ერთ-ერთ საუკეთესო სამეცნიერო ფანტასტიკურ კინოფილმად აღიარეს. თავად რომანი კი ჟურნალმა „ტაიმმა“ყველა დროის 100 საუკეთესო ინგლისურ რომანს შორის დაასახელა. ასე რომ, წინ მართლაც დაუვიწყარი მოგზაურობა გელოდებათ.
3. მიხაილ ბულგაკოვი - „ოსტატი და მარგარიტა“
„ოსტატი და მარგარიტა“ მსოფლიო ლიტერატურის ისტორიაში ერთ-ერთი ყველაზე იდუმალებით მოცული რომანია, რომლის არსის ამოხსნაზე დღემდე მსჯელობენ და კამათობენ კრიტიკოსები, ფილოსოფოსები, მწერლები. ამ ნაწარმოებში ნებისმიერი გემოვნების მკითხველი იპოვის მისთვის საინტერესოს.
სახელწოდება იმთავითვე გვაუწყებს, რომ ხელოვნების რაობაზე დაფიქრება და ამაღლებულ სიყვარულთან ზიარება მოგვიწევს; „წიგნი წიგნში“ – ახალი აღთქმის მოტივებზე მოთხრობილი ამბავი პილატესა და იეშუას (იესოს) ურთიერთობაზე – სიკეთისა და ბოროტების მარადიულ ჭიდილს კიდევ ერთხელ დაგვანახვებს; რომანის მესამე შრე – ეშმაკი ვოლანდისა და მისი ამალის თავგადასავალი კი ჯადოქრობისა და მისნობის ასევე ოდინდელ თემებს ავითარებს. ამგვარად, თქვენ წინაშეა მარადიული წიგნი მარადიულ საკითხებზე.
4. ელიფ შაფაქი - სიყვარულის ორმოცი წესი
თუკი ამ წიგნის გაცნობა ბევრჯერ გადაგიდევთ, ახლა ამისთვის საუკეთესო დროა. ცნობილი თურქი მწერალი ელიფ შაფაქი ქალაქ სტრასბურგში, დიპლომატების ოჯახში დაიბადა. ცხოვრობს ამერიკასა და თურქეთში. მშობლიური თურქულის გარდა, წერს ინგლისურად. თანამშრომლობს ამერიკულ და ევროპულ პრესასთან.
შაფაქის რომანებმა დიდი გამოხმაურება ჰპოვა მთელს მსოფლიოში. რომანი „სიყვარულის ორმოცი წესი“ ინგლისურად დაწერილ მის სამ რომანთაგან ერთ-ერთია. თანამედროვე ამერიკელი ქალის ერთფეროვან ცხოვრებაში ქარიშხალივით შემოიჭრება ორი საოცარი და საოცნებო სამყარო: სიყვარული და... აღმოსავლეთი!
5. ია კარგარეთელი - სხვა უდაბნოს საიდუმლო
ახალგაზრდა, მომხიბვლელი ქართველი მწერალი ქალი ეგვიპტეში მიემგზავრება. უცხო, უჩვეულო და ანდამატივით მიმზიდველი სამყარო მას მოულოდნელობებით ხვდება. მთავარი მოულოდნელობა კი ახოვანი, ვერცხლისფერთვალებიანი ბედუინია, რომელიც ტელეეკრანიდან გადმოსულ აღმოსავლელ გმირს ჰგავს. თამთას მოგზაურობა იქცევა თავბრუდამხვევი, წარმოუდგენელი მოვლენების დინებად, რომელიც ძირფესვიანად ცვლის მის ცხოვრებას.
იდუმალი, ამოუცნობი სილამაზითა და ხიფათით სავსე სამყარო - უკიდეგანო საჰარა, არაბ ბედუინთა სამფლობელო, სადაც უძველესი კულტურების გზები გადაიკვეთა; ტანჯვა, ცრემლი და ტკივილი; მოულოდნელად, უდაბნოს ქარიშხალივით მომსკდარი გრძნობა და დიდი ბედნიერება - ამ ყველაფერს ავტორის უშრეტი ფანტაზიის წყალობით ვეზიარებით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
