მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართული ყავა „მეამა“ Amazon-ზე გაიყიდება - კომპანია საექსპორტო ბაზრებზე გადის
10:39 / 09-03-2020
ქართულ ბაზარზე გამოჩენის შემდეგ, „მეამა“ უკვე ექსპორტზე გადის. თავდაპირველად, საქართველოში წარმოებული პროდუქციის რეალიზება Amazon-ზე მოხდება, უკვე შემდგომ კი ის არა მხოლოდ მეზობელ ქვეყნებში, არამედ უფრო შორს, ამერიკაშიც გაიყიდება. საექსპორტო ბაზრებს შორის იქნება - თურქეთი, ჩინეთი, აზერბაიჯანი, უკრაინა და ა.შ. მეტიც, როგორც „მეამაში“ აცხადებენ, წარმოებული პროდუქციის 80% სწორედ უცხოეთში გაიყიდება.
„მეამა“ მაღალტექნოლოგიური კაფსულის ყავის მწარმოებელი ქართული კომპანიაა, რომელიც მსოფლიოს მასშტაბით ერთადერთია, ვინც ერთდროულად აწარმოებს, როგორც ევროპული, ისე ამერიკული ფორმატის ყავის კაფსულებს. ქარხანა სამგორის რაიონში 30 ათას კვადრატულ მეტრზეა განთავსებული. ამ ეტაპზე საწარმოში 150-ზე მეტი ადამიანია დასაქმებული. „მეამას“ ყოველთვიური წარმადობა 12 მილიონ კაფსულას შეადგენს. კომპანიის ტექნოლოგების მიერ „მეამაში“ ამ ეტაპზე ყავის 15 განსხვავებული, უნიკალური გემოსა და თვისებების მქონე კაფსულა მზადდება, რაც ნებისმიერ მსურველს შესაძლებლობას აძლევს მარტივად აღმოაჩინოს საკუთარი გემო.
„მეამას“ ყავა წარმოდგენილია ორი ფორმატის კაფსულებით - ამერიკული (ამერიკანო) და ევროპული (ესპრესო). „ამერიკანოს“ ფორმატში 9 და „ესპრესოს“ ფორმატში 6 უნიკალური გემოა. ორივე ფორმატში გათვალისწინებულია უკოფეინო ყავაც. კაფსულები სიძლიერის, კოფეინის შემცველობით და ინტენსივობის მიხედვით დაყოფილია და იზრდება ნომრების მიხედვით. თითოეულ კაფსულაში მოვათავსებულია 5 და მეტი განსხვავებული ქვეყნის ან სახეობის ყავა.
საწარმოში ასევე მზადდება წმინდად დაფქული ყავა, რომელიც გემოს სრულად შენარჩუნების მიზნით, ინდივიდუალურ შეფუთვაშია მოთავსებული.
როგორც კომპანიაში აცხადებენ, ამერიკული ფორმატის 51 მმ კაფსულის შეფასება აშშ-ს რამდენიმე მსხვილ სადისტრიბუციო სავაჭრო ქსელში უკვე მოხდა. ამერიკელმა მომხმარებლებმა აღნიშნეს, რომ ქართულ ყავას აქვს განსხვავებული და სასიამოვნო გემოვნური თვისებები, ასევე მიმზიდველი შეფუთვა. უკვე 2020 წლის მეორე კვარტალში დაგეგმილია, რომ ამერიკული მაღაზიების თაროებზე "მეამა"– ს კაფსულები გამოჩნდეს.
გარდა ამერიკისა, კომპანია აქტიურად მუშაობს სხვა საექსპორტო ბაზრების მიმართულებითაც. "მეამა"-მ უკვე მიაღწია შეთანხმებას უკრაინაში ევროპული ფორმატის 37 მმ კაფსულების მიწოდებაზე, პროდუქციის ექსპორტზე ასევე მიმდინარეობს მოლაპარაკებები ბელარუსთან და აზერბაიჯანთან.
იმ დრომდე, კი ვიდრე „მეამას“ კაფსულები აღნიშნულ ქვეყნებში გავა, ის Amazon.com-ზე გაიყიდება. კაფსულა ამ სავაჭრო პლატფორმაზე 1,10 დოლარი, ხოლო აპარატი 160 დოლარი ეღირება, რაც რეალურად სხვა ფასია, ვიდრე „მეამას“ პროდუქცია საქართველოში. „ეს გამოწვეულია კომპანიის ლოიალური დამოკიდებულებით, რაც მიზნად ისახავს ადგილობრივ ბაზარზე საქართველოს რეზიდენტებს შესაძლებლობა ჰქონდეთ ხელმისაწვდომ ფასად შეიძინონ, როგორც მაღალი ხარისხის კაფსულირებული ყავა, ისე აპარატებიც“, - განუცხადეს „ბიზნესპრესნიუსს“ „მეამაში“.
როგორც ცნობილია, მსოფლიოს მასშტაბით ზოგადად ყავაზე, განსაკუთრებით კი კაფსულირებული ყავის მოხმარებაზე მოთხოვნა ყოველწლიურად იზრდება, რაც უზრუნველყოფს ქართული, მაღალტექნოლოგიური კაფსულის ყავაზე დიდ მოთხოვნას. კაფსულის ყავა 21-ე საუკუნის ტრენდია და როგორც „მეამაში“ აცხადებენ, კომპანიისთვის მნიშვნელოვანია, როგორც საქართველოში, ასევე ჩვენს რეგიონში აამაღლოს ცნობიერება კაფსულის ყავის შესახებ, შეცვალოს ყავის სმის კულტურა და მომხმარებელს ხარისხიან პროდუქციასთან ერთად შეათავაზოს პროდუქციის შეძენის ახალი, თანამედროვე და ინოვაციური მეთოდები.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
da vin unda mixvdes rom meama qavaa
ქართული ყავა ისევე არ არსებობს, როგორც ვთქვათ, რუსული ჩურჩხელა ან პაკისტანური შამპანური...