4
მაისიდღის ზოგადი ასტროლოგიური პროგნოზი
10 წლის ნიკუშა ჭიჭიკოშვილი ინგოროყვას კლინიკაში სიცოცხლისთვის იბრძვის. როგორც ცნობილია, ბავშვს დაბადებიდან აქვს ჯანმრთელობის სერიოზული პრობლემები - თირკმელების უკმარისობა. ის გადანერგილი თირკმელით ცხოვრობს. რამდენიმე დღის წინ გავრცელდა ინფორმაცია, რომ ნიკუშას მდგომარეობა უკიდურესად დამძიმდა. პატარა ბიჭუნას მთელი ქვეყანა გულშემატკივრობს. როგორია ამჟამად მისი მდგომარეობა, ამის გასარკვევად AMBEBI.GE ბავშვის მამას, ზურაბ ჭიჭიკოშვილს დაუკავშირდა:
"ბავშვს უკეთესობა არაფერი არ აქვს, ველოდებით რომ რაღაც უკეთესობისკენშეიცვალოს... როგორც იყო, ისევ ისე დარჩა - სტაბილურად. ისევ აპარატზე და იმ მკურნალობით როგორც იყო" - ამბობს ზურაბ ჭიჭიკოშვილი.
ნიკუშა ჭიჭიკოშვილი 2017 წელს ნამდვილი ინტერნეტ-ვარსკვლავი გახდა. ბიჭუნას ვიდეომ ინტერნეტსივრცეში მილიონობით ნახვა დააგროვა და "ქართველი ლუი ანდერსონი" მთელმა საქართველომ შეიყვარა.
AMBEBI.GE პატარა ნიკუშას მალე გამოჯანმრთელებას უსურვებს!
ავტორი: თიკო გურაშვილი
