მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დიდი სცენა" როკ-ტურისთვის ემზადება - რაზე საუბრობენ აუტსაიდერები გადამწყვეტ ტურამდე
18:28 / 30-01-2020
პროექტი „დიდი სცენა“ მორიგ ტურს როკს მიუძღვნის. კონკურსანტები ამისთვის ახლა ინტენსიურად ემზადებიან, მათ შორის, აუტსაიდერებიც - მარიამ ქაჯაია და ანანო ჩიტაიშვილი. თუ ვინ დარჩება მათგან პროექტში, ამას მორიგი ლაივკონცერტი გამოავლენს.
AMBEBI.GE მარიამს და თამთას ახლოს გაგაცნობთ:
მარიამ ქაჯაია 21 წლის არის და თავისუფალ უნივერსიტეტში, ბიზნესის ფაკულტეტზე სწავლობს, ამასთან, ერთ-ერთი კომპანიის თანამშრომელია, მაგრამ დღეს მუსიკალური პროექტის „დიდი სცენა“ კონკურსანტია. როგორც ამბობს, ბავშვობიდან მღერის და თავიდანვე სურვილი ჰქონდა, დიდ სცენაზე დამდგარიყო.
„პროფესიული განვითარება ჩემთვის მნიშვნელოვანია, მაგრამ სიმღერას ყოველთვის პირველ ადგილზე ვაყენებდი. ამ პროექტშიც ზუსტად ამიტომაც მოვედი. მინდოდა, ფართო მსმენელისთვის გამეცნო თავი და უკვე პროფესიონალურად გამეკეთებინა ის, რასაც სამოყვარულო დონეზე მანამდე წლების განმავლობაში ვაკეთებდი,“ - გვეუბნება მარიამი და ბავშვობის პერიოდს იხსენებს: „პატარაობიდან ჩემით ვსწავლობდი სიმღერას, ვოკალის პედაგოგთან არ მივლია. მერე 7-8 წლის ვიყავი, რომ ჭოხონელიძეების სტუდიაში შევედი, მაგრამ მერე თავი დავანებე. პროექტში ჩართვა რომ გადავწყვიტე, უკვე ვოკალის პედაგოგთან მივედი და პროფესიონალური მომზადება დავიწყე... თუ რატომ არ განვაგრძე სწავლა მუსიკის მიმართულებით? გეტყვით, რომ ეს პროფესიებიც მაინტერესებს, რასაც ახლა ვსწავლობ. ბაკალავრიატს რომ მოვრჩები, სურვილი მაქვს, ამერიკაში წავიდე და მუსიკალური განათლება იქ მივიღო,“ - აღნიშნავს კონკურსანტი, რომელსაც პროექტი ბევრი რამის გამო მოსწონს, განსაკუთრებით კი, ხიბლავს ის, რომ სხვადასხვა ჟანრში აქვს სამღერი: „ყველა ჟანრში თანაბრად ვცდი ძალებს. ჩემი უპირატესობაც ისაა, რომ ყველა ჟანრში სტაბილური ვარ. სცენაზე დგომა ძალიან მიყვარს და აქ ამის საუკეთესო საშუალება ახლა მეძლევა. ყველაზე დიდი ადრენალინი მაქვს მაგ დროს და ამით სიამოვნებას ვიღებ. თუ პროექტს დავტოვებ, მინდა, რომ მანამდე ჩემი ნამღერით ვისიამოვნო.
- პირველად ხარ აუტსაიდერებში. რა ემოციას იწვევს და როგორ აპირებ ამ ყველაფრის დაძლევას?
- ვერ ვიტყვი, რომ განსხვავებული გრძნობა მაქვს. ჩემი მიზანი მხოლოდ ისაა, რომ ღირსეულად წარვდგე მსმენელის წინაშე და რომ გავვარდე, ვიღაცას ამის გამო გული დაწყდეს... რაც შეეხება კონკურენტებს შორის დაძაბულობას, ასეთი რამ ჩვენთან არ არის, ყველანი მეგობრები ვართ, ძალიან თბილი დამოკიდებულება გვაქვს და ერთმანეთი გვიყვარს.
- მოლოდინი როგორი გაქვს?
- ვერ ვიტყვი, რომ დავრჩები, ან არ დავრჩები პროექტში - 50/50-ზეა, მაგრამ ვიცი, რომ თუ არ დავრჩი, არასდროს დავნებდები, სიმღერას არ მივატოვებ, ეს ის საქმეა, რომელიც ყველაზე ძალიან მიყვარს.
***
ანანო ჩიტაიშვილი 16 წლისაა, ბათუმიდანაა და ჯერ მეთერთმეტეკლასელია. ბავშვობიდან ბათუმის სახელმწიფო მუსიკალურ თეატრში მღერის და ასევე რევაზ ლაღიძის გოგონათა აკადემიურ გუნდში. „სიმღერას თავიდანვე სერიოზული ადგილი უკავია ჩემს ცხოვრებაში. ამის გარდა მიყვარს აქტიური ცხოვრება. სკოლაში ვმონაწილეობ სხვადასხვა ღონისძიებაში, ნაკლებად მაქვს ხოლმე თავისუფალი დრო, მუდმივად მაინტერესებს სიახლეები. ამიტომაც, მინდა, რომ ჩემს ცხოვრებაში ბევრი საინტერესო სიახლე მოხდეს.
- ჯერ სკოლის მოსწავლე ხარ. პროფესიულ არჩევანს რა მიმართულებით აპირებ, რომ გააკეთო?
- პროფესიულ არჩევანთან დაკავშირებით ჯერჯერობით კიდევ ფიქრის პროცესში ვარ, მაგრამ მინდა, რომ ზოგადად ჩავაბარო ჟურნალისტიკაზე, რადგანაც მიყვარს ხალხთან ურთიერთობა, კომუნიკაბელურიც ვარ. მსიამოვნებს წერა და ვწერ ჩანახატებს.
- „დიდ სცენაში“ რატომ მოხვედი?
- სპონტანურად მოვედი, თავიდან არავინ იცოდა, კასტინგზე გავედი. აქაური გარემო ძალიან მომეწონა. რომ გავიგე, ათეულში ვიყავი, საოცრად დიდი ემოციები მქონდა. პროექტში მოსვლა კი იმის გამო გადავწყვიტე, რომ მიყვარდა სცენა, იმას, რასაც ჩემთვის ვაკეთებდი, მინდოდა, ეს მასშტაბები გამეფართოვებინა. საზოგადოებისთვის გამეცნო თავი. ჩემი თითოეული გამოსვლა ყველა იმ ადამიანს ეძღვნება, რომელიც მისმენს და მოსწონს, რასაც ვაკეთებ. პროექტში მონაწილეობა საინტერესოა, საშუალება მეძლევა, თავი სხვადასხვა ჟანრში მოვსინჯო. მაყურებლისგან ბევრ კარგ მესიჯს ვღებულობ, რაც ძალიან მახარებს.
- თუმცა უკვე მეორედ ხარ აუტსაიდერებში...
- ემოციურად ვერ გეტყვით, რომ ამის გამო ვიძაბები, რადგანაც წინა ლაივზე ხალხის ზარების მიხედვით თუ ვიმსჯელებთ, ამან დიდი მოტივაცია მომცა. რა თქმა უნდა, ძალიან მინდა, პროექტში დარჩენა ისე, როგორც ყველა კონკურსანტს, სცენაზე ვარ ის, რაც საერთოდ ვარ.
ახლა როკის ტური გვაქვს, რაც ძალიან საინტერესოა. ამასთან, მომზადების პროცესიც. მე და მარიამი ვართ დუეტში. მიუხედავად იმისა, რომ განსხვავებულები ვართ, ვფიქრობ, რომ ჩემი სახით კარგი დუეტი უნდა შედგეს. აქამდე უბრალოდ სიახლე ისაა, რომ არასდროს მიმღერია ამ ჟანრის სიმღერა.
- რას ფიქრობ, კონკურსში შენთან დაკავშირებით როგორ განვითარდება ამბები?
- ასაკიც ხელს მიწყობს, ბევრი რამ წინ მაქვს, ამიტომ, ვფიქრობ, რომ ამ პროექტით არ დასრულდება ყველაფერი. ჩემი მიზნები და გეგმები მაქვს და რაც მინდა, რომ გავაკეთო (რამდენიმე კარგი სიახლე), ჩემს ქალაქში რომ ჩავალ და ცოტას დავისვენებ, იმას აუცილებლად მივხედავ. ხალხისგან ისეთი კარგი მხარდაჭერა მაქვს, რაც ისეთ სტიმულს მაძლევს, რომ ადამიანების მოლოდინი არ მინდა, რომ გავაწბილო.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნეტა ამათ ვინმე თუ უყურებს
მე მითუმეტეს