მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მამის წინდებით კალათბურთის თამაშიდან კალათბურთის ლეგენდობამდე - ზუსტად ერთი წლის წინ მსოფლიომ კობი ბრაიანტი დაკარგა
10:07 / 26-01-2021
ზუსტად ერთი წლის წინ, ამ დღეს, 26 იანვარს, მთელი მსოფლიო შეძრა ლეგენდარული კალათბურთელის, კობი ბრაიანტის გარდაცვალების ამბავმა. ის კალიფორნიასთან მომხდარ ავიაკატასტროფას ემსხვერპლა. ვერტმფრენში სულ ცხრა მგზავრი იყო და მათ შორის კალათბურთელის 13 წლის გოგონა, ჯიანა. ბორტზე მყოფთაგან არავინ გადარჩენილა.
NBA-ის ვარსკვლავი თავისი 20-წლიანი კარიერის განმავლობაში "ლოს ანჯელეს ლეიკერსში" თამაშობდა. პროფესიულ დონეზე თამაშს თავი 2016 წელს დაანება.
წასვლამდე ბრაიანტი ემოციური წერილით გამოემშვიდობა კალათბურთს. სწორედ ამ წერილის საფუძველზე, 2018 წელს გადაიღეს მოკლემეტრაჟიანი ანიმაციური ფილმი - Dear Basketball, რომელმაც კალათბურთის ლეგენდას "ოსკარი" მოუტანა.
AMBEBI.GE გთავაზობთ კობი ბრაიანტის წერილს კალათბურთისადმი, რომლის წაკითხვაც ემოციის გარეშე შეუძლებელია...
"ძვირფასო კალათბურთო!
იმ მომენტიდან, როცა მამაჩემის წინდებით კალათბურთს ვთამაშობდი და წარმოსახვაში "ლეიკერსისთვის" გამარჯვების მომტან ბურთს კალათში ვაგდებდი, ერთ რამეს მივხვდი:
მე შენ მიყვარხარ! ისე ძალიან მიყვარხარ, რომ ყველაფერი მოგეცი - ჩემი გონებიდან და სხეულიდან დაწყებული, ჩემი სულით დამთავრებული...
ძალიან ვარ შენზე შეყვარებული, როგორც ექვსი წლის ბიჭი.
მე არასდროს დამინახავს გვირაბის დასასრული, მე მხოლოდ საკუთარ თავს ვხედავდი, თუ როგორ მოვრბოდი ამ გვირაბიდან
მე დავრბოდი... დავრბოდი წინ და უკან, ყველა მოედანზე,
ვიბრძოდი ყველა დაკარგული ბურთისთვის... შენს გამო.
შენ ჩემგან თავდადებას ითხოვდი და მე ჩემი გული მოგეცი.
მე ოფლით და გულით ვთამაშობდი და არა მხოლოდ იმიტომ, რომ ეს გამოწვევა იყო, არამედ იმიტომ, რომ შენ მეძახდი.
მე ყველაფერი გავაკეთე შენთვის, მაგრამ შენც ყველაფერი მომეცი - შენ მე სიცოცხლე მაგრძნობინე!
შენ, 6 წლის ბიჭს, ოცნება მომეცი და ამის გამო ყოველთვის მეყვარები.
მაგრამ ახლა ჩემი სხეული მეუბნება, რომ დამშვიდობების დროა. და არაუშავს...
მზად ვარ, გაგიშვა..
მინდა, რომ იცოდე, ჩვენ ორივეს შეგვიძლია დავიმახსოვროთ ყველა მომენტი, რომელიც ერთად გვქონია... კარგიც და ცუდიც.
ჩვენ ერთმანეთს ყველაფერი მივეცით, რაც გვქონდა. და ორივემ ვიცით, არ აქვს მნიშვნელობა, რა იქნება შემდეგ...
ყოველთვის ის ბავშვი ვიქნები წინდებით რომ თამაშობდა და წინდების ბურთს ოთახის კუთხეში, ნაგვის ურნაში აგდებდა...
ხუთი წამი დარჩა, ბურთი ჩემს ხელშია: 5...4...3...2...1
ყოველთვის მეყვარები, კობი."
კობი ბრაიანტი 26 იანვარს, კალიფორნიასთან მომხდარ ავიაკატასტროფას ემსხვერპლა. ვერტმფრენში სულ ცხრა მგზავრი იყო და მათ შორის კალათბურთელის 13 წლის გოგონა, ჯინა. ბორტზე მყოფთაგან არავინ გადარჩენილა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როცა კობის თამაშს ვუყურებდი, ვხვდებოდი, რომ ადამიანის შესაძლებლობებს ზღვარი არა აქვს.
ლეგენდად დარჩება სპორტის ისტორიაში.