როგორ არის ცოტნე გამსახურდია - ექიმის კომენტარი
ცოტნე გამსახურდიას ჯანმრთელობის მდგომარეობა კვლავ სტაბილურად მძიმეა. ამის შესახებ ჟურნალისტებს მისმა ექიმმა ნიკოლოზ კვაჭაძემ განუცხადა. მისივე თქმით, ამის მიუხედავად უმნიშვნელო დადებითი დინამიკა შეინიშნება.
„პაციენტის მდგომარეობა ამ ეტაპისთვის სტაბილურად მძიმე რჩება. საკონტროლო გამოკვლევებში რაიმე ტიპის ცვლილება ნანახი არ არის. შესაბამისად, დღეისათვის მკურნალობის მოცულობა რჩება უცვლელი. კვლავინდებურად რჩება მართვით სუნთქვაზე რეანიმაციულ განყოფილებაში, სამკურნალო დაცვითი ნარკოზის ქვეშ. შეიძლება ითქვას, რომ უმნიშვნელო დადებითი დინამიკა არის,“ - განაცხადა ნიკოლოზ კვაჭაძემ.
ცნობისთვის, ცოტნე გამსახურდია 19 დეკემბერს დაჭრეს. დამამძიმებელ გარემოებაში ჯგუფურად ჩადენილი განზრახ მკვლელობის მცდელობის ბრალდებით სისხლისსამართლებრივ პასუხისმგებლობაში 2 პირია მიცემული, დანაშაულის შეუტყობინებლობის ბრალდებით კი 3 პირი.
რა ცვლილებები იგეგმება 2020 წელს ჯანდაცვის სახელმწიფო პროგრამებში
რა საბუთის წარდგენა დასჭირდება პირს, რომელიც რწმენის გამო ელექტრონულ პირადობაზე უარს ამბობს
