"ჩვენ ერთად გავიმარჯვებთ, ლუკა!" - თბილისის მე-100 სკოლის მხარდაჭერა მოზარდს, რომელმაც თვით­მკვლე­ლო­ბა სცა­და

დიდუბის რაიონში მდებარე, თბილისის მე-100 საჯარო სკოლა მხარდაჭერას უცხადებს მათივე მოსწავლეს, 15 წლის მოზარდს, რომელმაც რამდენიმე დღის წინ თვითმკვლელობა სცადა.

სკოლის "ფეისბუქის" გვერდზე გამოქვეყნდა მხარდამჭერი მიმართვა და ფოტოები, რომელზეც 15 წლის ლუკა თანაკლასელებთან და მეგობრებთან ერთადაა ასახული:

"ჩვენი სკოლის მოსწავლე, 15 წლის ლუკა სირაძე იმყოფება იაშვილის კლინიკაში მართვით სუნთქვაზე, უმძიმეს მდგომარეობაში.

ჩვენ, მთელი სკოლა ვგულშემატკივრობთ ლუკას, ძალიან დიდი იმედი გვაქვს და გვჯერა, რომ მისი მდგომარეობა გაუმჯობესდება და ყველაფერი კარგად იქნება ლუკა, ჩვენ შენს გვერდით ვართ და ჩვენ ერთად გავიმარჯვებთ!" - ნათქვამია სკოლის მიერ გავრცელებულ მიმართვაში.

15 წლის მოზარდი, რომელმაც რამდენიმე დღის წინ, "მწვანე სკოლასთან" დაკავშირებული ინციდენტის და პოლიციაში დაკითხვის შემდეგ თვითმკვლელობა სცადა, კვლავ რჩება კლინიკაში. იაშვილის სახელობის ბავშვთა ცენტრალურ საავადმყოფოში აცხადებენ, რომ მოზარდის ჯანმრთელობის მდგობარეობა კვლავ სტაბილურად მძიმეა და ის მართვით სუნთქვაზეა.