მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პროექტების ადრენალინი მომწონს" - "მზიურის" მერვე თაობის ბასისტი "საქართველოს ვარსკვლავიდან"
15:19 / 03-12-2019
მარიამ გოგიბერიძე 18 წლის არის, სამართალმცოდნეობაზე სწავლობს, მაგრამ ბავშვობიდან მღერის და ისე, რომ „საქართველოს ვარსკვლავის“ ჟიურის წევრს, მუსიკოს დათო ევგენიძეს ხშირად ათქმევინებს ხოლმე ფრაზას, - „ღმერთმა სიმღერა იმისთვის მოიგონა, რომ შენ გემღერა“. მართლაც გამორჩეული ხმა აქვს, თუმცა ყველაფერი ხდება და მარიამი „ქართული სიმღერის ტურზე“ მოულოდნელად აუტსაიდერებში აღმოჩნდა, მაგრამ გადარჩა, რადგანაც ნიკა კალანდაძეს მასზე ნაკლები ქულები ჰქონდა და მარიამს აღარ მოუწია პროექტის დატოვება.
AMBEBI.GE კონკურსანტს შოუს დასრულების შემდეგ გაესაუბრა. გვინდა, ეს არაჩვეულებრივი გოგონა ახლოს გაგაცნოთ.
- „ქართული ტური“ საპასუხისმგებლო იყო და ყველანაირად ვეცადე, კარგად მემღერა. ნუგზარ ვაწაძის სიმღერის „იძინებს მზე“ ბევრი ვერსია არსებობს და მინდოდა, რაღაც განსხვავებული ყოფილიყო, მასში ჩემი ემოცია ჩემედო, ჩემი ნამღერი ყოფილიყო და არა სხვისი. ამის გამო შეიძლება მაყურებელს ცოტა გავეკრიტიკებინე კიდეც და ალბათ ასეც იყო, მაგრამ ვფიქრობ, რომ თუნდაც ბევრჯერ გადამღერებულში საკუთარი ემოცია უნდა ჩადო. მადლობა ყველას, ვინც ეს დაინახა და მიგულშემატკივრა.
აქვე, „ქართულ ტურში“ ლიდერობას თორნიკე ყიფიანს ვულოცავ. გული ძალიან დამწყდა ნიკა კალანდაძეზე, განვიცადე, რადგანაც მას, როგორც ხელოვანს, ვაფასებ, ძალიან განსხვავებულია.
- თუმცა საუკეთესო შესრულების მიუხედავად, აუტსაიდერებში მოხვდი. ელოდი? და რა განიცადე იმ რამდენიმე წუთში?
- არაფერს გამოვრიცხავდი და რა თქმა უნდა, იმას ვუშვებდი, რომ აუტსაიდერებშიც შეიძლებოდა ვყოფილიყავი. მიუხედავად ამისა, ვინერვიულე - არ მინდოდა პროექტის დატოვება, რადგანაც მასში მონაწილეობა ჩემთვის ძალიან დიდი გამოცდილებაა. რაც აქ ვარ, ყოველი დღე დაუვიწყარი თავგადასავალია. დიდი გამოცდილების მიღების პარალელურად, ბევრი კარგი ადამიანი გავიცანი და გული დამწყდებოდა, რომ ამ ტურში გავვარდნილიყავი.
- 18 წლის ხარ, პირველკურსელი, „ჯავახიშვილში“ სწავლობ... კიდევ რას საქმიანობ? გვესაუბრე შენზე?
- „ჯავახიშვილში“ სამართლის ფაკულტეტზე ვსწავლობ. პატარაობიდან სულ მქონდა აჩემებული, რომ ამ მიმართულებით უნდა მესწავლა, თუმცა სულ ვმღეროდი კიდეც. ამიტომ, ახლაც ვერ გავრკვეულვარ, თუ რომელ გზას გავყვე, მაგრამ სიმღერას არც ერთ შემთხვევაში არ მივატოვებ. ალბათ სამართალმცოდნეობასაც ბოლომდე მივიყვან და მერე გზა მიჩვენებს, - რას ვიზამ. სწავლა არასდროს მეზარებოდა, როგორც ვთქვი, სამართალი სულ მიტაცებდა და სწავლის გაგრძელება ამ განხრით მინდოდა.
- სიმღერა როდიდან დაიწყე?
- სამი წლიდან ვმღერი. ცაბაძის სახელობის ხელოვნების სკოლაშიც ვსწავლობდი, ვარ ანსამბლ „მზიურის“ წევრი (მერვე თაობა). მართალია, სკოლაში აღარ ვსწავლობ, მაგრამ რეპეტიციებზე მაინც დავდივარ. ანსამბლში გარდა იმისა, რომ ვმღერი, ბასგიტარაზე ვუკრავ.
ბასგიტარა თავიდან არ მომწონდა, მაგრამ მერე ალღო ავუღე და გავითავისე... თავისუფალ დროს, თუ ბანალური ნათქვამი არ იქნება, წიგნებს ვკითხულობ. პატარაობაში ლექსებსაც ვწერდი, ვხატავდი - საერთოდ ხელოვნება სულ მიტაცებდა. ახლა ბევრ რამეს ვეღარ ვასწრებ, რადგანაც უნივერსიტეტში სწავლას დიდი დრო მიაქვს.
- ე.ი. მომღერალს სამართალზე სწავლა მოგწონს...
- ძალიან, რადგანაც მიყვარს ბარიერების დაძლევა და გადლახვა, ახლის ძიება... ისე, მათემატიკაც მიყვარს და თავიდანვე ეს საგანიც მიზიდავდა. განსაკუთრებით პროცესი, როცა შენით რომ უნდა აღმოაჩინო რაღაც და მიხვიდე რაღაც შედეგამდე. სამართალიც ასეა და იქ სწავლა ამიტომაც მომწონს. ბავშვობაში ოცნებასავით იყო და მერე მიზნად დავისახე. ძალიან მიზიდავს კირკიტი, დეტალებში ჩაწვდომა, ჩაძიება. რა საგანსაც ვსწავლობ, არ მაკმაყოფილებს, დამატებით სულ რაღაც მასალებს ვეძებ ხოლმე და სამართალიც ეგეთია, სიღრმეში უნდა ჩახვიდე.
მერე ისიც იყო, რომ ბავშვობიდან უსამართლობას ყოველდღიურ ცხოვრებაში თუ წავაწყდებოდი, იმისკენ ვისწრაფოდი, რომ სიტუაცია შემეცვალა. ასე რომ, მინდა, იმ ადამიანებსაც დავეხმარო, ვინც უსამართლოდ შეიძლება დაისაჯოს.
- კონკურსში რატომ მოხვედი?
- პროექტების ადრენალინი მომწონს. „ანა-ბანა“, „X ფაქტორი“ გამოვლილი მაქვს - ასეთ შოუებში მონაწილეობა, ხომ ვამბობ, ერთგვარი თავგადასავალიც არის. თან, პატარაობიდან ძალიან ჩართული ვარ „ევროვიზიაშიც“ და ესეც ერთ-ერთი მიზეზია!
- და თუ გახდი „საქართველოს ვარსკვლავი“ - „ევროვიზიის“ დიდ სცენას იხილავ კიდეც.
- ბავშვობიდანვე, როცა ვმღეროდი, ყოველთვის წარმოვიდგენდი, რომ დიდ სცენაზე ვიდექი. თუ გავიმარჯვე და „ევროვიზიის“ სცენაზე მოვხვდი, ალბათ საოცარი ემოციებით ვიქნები დამუხტული და სავსე. თუ პროექტს გამოვეთიშე, არც ამის გამო გავჩერდები. სიმღერა ყოველთვის ჩემთან ერთად იქნება...
„საქართველოს ვარსკვლავი“ პროექტი ძალიან მომწონს - კონკურსანტები, პედაგოგები - ყველასთან ურთიერთობით დიდ სიამოვნებას ვიღებ. რა თქმა უნდა, „საქართველოს ვარსკვლავი“ არის დიდი გზა წარმატებისკენ, შეიძლება, არ გაიმარჯვო, მაგრამ შენი მაყურებელი, მსმენელი შემოიკრიბო. ამიტომ, ნებისმიერ შემთხვევაში, შოუ წარმატებისკენ გიხსნის გზას.
რაც შეეხება, კონკურსანტებთან აქ დაწყებულ მეგობრობას, ვფიქრობ, პროექტის გარეთაც გაგრძელდება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სადუნიშვილი