მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბუნებრივია, მყავს ჩემი ფავორიტები" - ნანობს თუ არა დათუნა ალადაშვილი რომელიმე კონკურსანტის "საქართველოს ვარსკვლავის" მიღმა დარჩენას
19:16 / 10-11-2019
ვინ წარადგენს საქართველოს მსოფლიოს მთავარ მუსიკალურ სცენაზე „ევროვიზიის“ კონკურსზე ჯერჯერობით უცნობია, თუმცა „საქართველოს ვარსკვლავის“ პროფესიონალურმა ჟიურიმ უკვე შეარჩია ათი კონკურსანტი, რომელთაგან მხოლოდ ერთ გამარჯვებულს შეარჩევს.
საქართველოს ვარსკვლავი ერთადერთი საერთაშორისო პროექტია საქართველოში, სადაც უკვე მეორე სეზონია, თავიანთ ბედს „ევროვიზიის“ კონკურსისთვის დამწყები და ცნობილი მუსიკოსებიც ცდიან.
ჟიურის ერთ-ერთი წევრი ვირტუოზი მუსიკოსი დათუნა ალადაშვილია, რომელიც მსოფლიოს ყველაზე პრესტიჟულ სასწავლებელში სწავლობდა და სხვადასხვა ქვეყანაში წარმატებით მართავს საფორტეპიანო კონცერტებს.
- ჩემთვის დიდი პატივია ამხელა პასუხისმგებლობა რომ მხვდა წილად. მიხარია ამ ამპლუაში ყოფნა, მითუმეტეს, რომ შესანიშნავ გუნდთან ერთად მიწევს მუშაობა და გადაწყვეტილების მიღება. ერთობლივად ვცდილობთ ღირსეული წარმომადგენელი აღმოვაჩინოთ, რომელიც საქართველოს წარადგენს „ევროვიზიაზე“.
- უყურებდით მსგავსი ტიპის შოუებს აქამდე?
- კი. უცხოეთში ცხოვრებისას პოპულარული იყო „ამერიკან აიდოლ“, რომელიც „საქართველოს ვარსკვლავის“ ანალოგია, შესაბამისად, როცა ეს შემოთავაზება მივიღე, მარტივად დავთანხმდი.
- ბუნებრივია, თქვენი ფავორიტებიც გყავთ.
- მყავს ფავორიტები. როცა მომღერალს უსმენ, მისი ვალია გაგხადოს სუბიექტური და დაგამახსოვროს თავი. სამწუხაროდ, კონკურსის სპეციფიკა ის არის, რომ იმ კონკრეტულ მომენტში ის შეადარო სხვა გამომსვლელებს. ჯერ ათი უნდა აარჩიო, ბოლოს კი შენს ფავორიტს მისცე ხმა. ბევრი ცნობილი მომღერალია, ვისაც ერთხელ არ გაუმართლა, სამაგიეროდ, მომავალ წელს მიაღწია წარმატებას. თავად გეხმარება კონკურსანტი, იყო ობიექტური.
- ყოფილა ისეთი კონკურსანტი, ვისი პროექტის მიღმა დარჩენასაც ნანობთ?
- სინანულით არ ვნანობ, მაგრამ ბევრი იყო ნიჭიერი მომღერალი, რომელიც მახსოვს, მაგრამ იმ კონკრეტულ სიტუაციაში არ იყო ისეთი მომზადებული და ვერ გადავიდა ათეულში. დარწმუნებული ვარ, ისინი თავიანთ სათქმელს აუცილებლად იტყვიან.
- მსოფლიოში სარგებლობთ დიდი პოპულარობით, უცხოური მუსიკალური სამყარო და პრესა ვირტუოზ მუსიკოსს გიწოდებთ, აგრძელებთ კარიერას უცხოეთში?
- კარიერას ვაგრძელებ საზღვარგარეთ, საქართველოზე ვგიჟდები. მე შემიძლია სამშობლოში ვიყო, ასეთ მუსიკალურ პროექტში ვიყო და ამავე დროს ვიარო გასტროლებზე.
- რა ასაკიდან უკრავთ?
- დედაჩემი მუსიკალური ადამიანია, მან მასწავლა ნოტების კითხვა, შესაბამისად, დაბადებიდან მუსიკაში ვარ ჩართული. არ ვაპირებდი ამ გზის გაყოლას, მაგრამ 11 წლის ასაკში პროფესიონალურად ჩავები საფორტეპიანო მოღვაწეობაში, 17 წლის წავედი ნიუ-იორკში და ასე გაგრძელდა ყველაფერი.
- რთული არ იყო უცხოეთში მარტო გამგზავრება?
- თავიდან მარტო წავედი და ჩავები დამოუკიდებელ ცხოვრებაში. რა თქმა უნდა, რთულია, როდესაც სხვა ქვეყანაში გადადიხარ, თუმცა ბევრი არაჩვეულებრივი ადამიანი დამიდგა გვერდით და ბევრ რამეში გამიმართლა. კოლეჯში ვცხოვრობდი, ერთად დავდიოდით ნიუ-იორკ სიტიში, კარნეგი ჰოლში და ა.შ. ასეთ დროს კი სირთულის დრო აღარ გრჩება, რადგან მუსიკალურ სამოთხეში ხარ.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დათუნა ქვია ამხელა კაცს?
დავითი, რა დათუნა უიმეეეე, დათუნიას ასაკიდან რით ვერ გამოვიდა?