4
მაისიდღის ზოგადი ასტროლოგიური პროგნოზი
კომპანია "ფოლკსვაგენი" სახელწოდების, - Lupo, - აღდგენას აპირებს, რომლითაც 2005 წლამდე გერმანული ბრენდის მცირელიტრაჟიანი მანქანები გამოდიოდა. ეს სახელწოდება გამოყენებული იქნება ქალაქის ახალი კომპაქტური ავტომობილისთვის, რომელიც კონცეპტ-ავტოს, VW Up!, - მოტივებზე შეიქმნა.
მოგვიანებით, ანალოგიური მანქანის გამოშვება სხვა მარკების ქვეშაც იგეგმება, რომლებიც კონცერნ "ფოლკსვაგენის" შემადგენლობაში არიან. ესენია "აუდი", "სეატი" და "შკოდა". ასეთი მცირელიტრაჟიანების გამოშვება 2018 წლისთვის, მწარმოებლის მიერ მთელი მსოფლიოს ბაზრებზე ლიდერის პოზიციის შენარჩუნებას ისახავს მიზნად.
თავდაპირველად ვარაუდობდნენ, რომ VW Up!-ის სერიული ვერსიის გამოშვება პროტოტიპს მოტორის უკანა ნაწილში განთავსებისა და წინა აძვრის კომპლექტაციას შეუნარჩუნებდა, თუმცა საინჟინრო პრობლემების გამო, რის წინაშეც შემქნელები მანქანის ტესტირებისას აღმოჩნდნენ, კონცერნში გადაწყვიტეს, ძრავა ავტომობილის წინა სექციაში მოეთავსებინათ.
წინასწარი მონაცემებით, სიახლე დაახლოებით 525 მმ-ით მოკლე, 54 მმ-ით ვიწრო და 33 მმ-ით მაღალი იქნება სამკარა "ფოლკსვაგენ პოლოზე". ამგვარად, ახალი "ლუპოს" გაბარიტული სიგრძე დაახლოებით 3445 მმ, სიგანე - 1628 მმ, ხოლო სიმაღლე - 1495 მმ-ია. თავდაპირველად ევროპულ ბაზარზე სამკარა Lupo (ავტოს დებიუტი საორიენტაციოდ მომავალი წლის ზაფხულში შედგება) გამოჩნდება. ასეთი მანქანა მხოლოდ 3-ცილინდრიანი, 1.0-ლიტრიანი, 65 ცხ. ძალის სიმძლავრის ბენზინის ძრავათი და 75 ცხ. ძალიანი, 4-ცილინდრიანი, 1,2-ლიტრიანი დიზელით აღიჭურვება.
"ლუპოს" 5-კარიან ვერსიას 2012 წლის გაზაფხულზე წარმოადგენენ. ამავე დროს, მოდელის მოტორთა გამაში ახალი, 1.0-ლიტრიანი, 85 ცხ. ძალის სიმძლავრის მქონე ტურბოაგრეგატი დაემატება. სხვა ძრავათა შორის, რომლებიც შეიძლება "ლუპოზე" ვიხილოთ, შეიძლება ელექტრომოტორებიც აღმოჩნდეს. ბაზარზე გაყვანის შემდეგ ახალი "ფოლკსვაგენ ლუპო" კონკურენციას გაუწევს Citroen C1-ს, Peugeot 107-სა და Toyota Aygo-ს.
მოსალოდნელია, რომ გერმანული მცირელიტრაჟიანი იმდენივე ეღირება, რაც მისი მთავარი კონკურენტები ღირს, თუმცა "ფოლკსვაგენ პოლოზე" იაფი იქნება.
ჟურნალი "გზა"
(გამოდის ხუთშაბათობით)
