კადრები, რომელიც 3 წლის ბავშვის დაჭრის მომენტშია გადაღებული - AMBEBI.GE-ს ექსკლუზიური ვიდეო
AMBEBI.GE-მ პეკინის გამზირზე მომხდარი ინციდენტის ამსახველი ვიდეოკადრები მოიპოვა, რომელიც იმ მომენტშია გადაღებული, როდესაც უცნობი ქალი მცირეწლოვან ბავშვს თავს დაესხა და სახის არეში ცივი იარაღით დაზიანებები მიაყენა. კადრები მაღაზია "iPlus"-ის სათვალთვალო კამერითაა გადაღებული.
ცნობისთვის, შემთხვევა პეკინის გამზირზე რამდენიმე საათის წინ მოხდა. თვითმხილველების ინფორმაციით, შეთხვევა იმ დროს მოხდა, როდესაც მცირეწლოვანი მშობლებთან ერთად ტროტუარზე გადაადგილდებოდა. დანაშაულის ჩადენის შემდეგ უცნობი ქალი შემთხვევის ადგილიდან მიიმალა.
"მცირეწლოვანი ბავშვი მშობლებთან ერთად ტროტუარზე მოდიოდა, რა დროსაც მათ წინ შემოეგებათ უცნობი ქალბატონი, მიუახლოვდა ბავშვს და სახის არეში დანა გადაუსვა და გაიქცა" - ამბობს თვითმხილველი.
რაც შეეხება მცირეწლოვანს, ის სასწრაფო დახმარების მანქანით საავადმყოფოში გადაიყვანეს. მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით,პეკინის გამზირზე მომხდარ ფაქტთან დაკავშირებით სამართალდამცველები აქტიურ საგამოძიებოი მოქმედებებს აწარმოებენ. ამ დროისთვის დანაშაულში ბრალდებული არ დაუკავებიათ.
თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."
შსს-ს გაფრთხილება აქციის მონაწილეებს - უწყება განცხადებას ავრცელებს
