მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სად იმყოფება იულია სუსლიაკი - ადვოკატისა და შსს-ს კომენტარები
15:15 / 21-07-2019
იულია სუსლიაკის ადვოკატის ინფორმაციით, სუსლიაკი სადახლოზე ჰყავთ დაკავებული და მას საქართველოში შემოსვლის უფლებას არ აძლევენ. როგორც ზურაბ თოდუამ „ინტერპრესნიუსს“ განუცხადა, ის სასაზღვრო პუნქტისკენ მიდის, რათა გაარკვიოს, თუ რატომ არ უშვებენ სუსლიაკს საქართველოში. ადვოკატი სხვა დეტალებზე საუბრისგან თავს იკავეს.
უკრაინის მოქალაქე იულია სუსლიაკი ქართველმა სამართალდამცველებმა სასაზღვრო გამშვები პუნქტ „ვახტანგისის“ გავლით აზერბაიჯანში გააბრუნეს, - ამის შესახებ „ინტერპრესნიუსს“ შსს-ს სამინისტროს პრესსამსახურში განუცხადეს.
„სუსლიაკს, რომელიც აზერბაიჯანიდან საქართველოს ტერიტორიაზე შემოსვლას ცდილობდა, საზღვრის გადაკვეთისას უარი ეთქვა ქვეყანაში შემოსვლაზე უცხოელთა და მოქალაქეობის არ მქონე პირთა სამართლებრივი მდგომარეობის შესახებ საქართველოს კანონის შესაბამისად. კერძოდ, აღნიშნული კანონის მე-11 მუხლის პირველი პუნქტის „დ“ და „ თ“ ქვეპუნქტების საფუძველზე, რაც არასაკმარისი ფინანსური სახსრების, სამოგზაურო დაზღვევის არქონას გულისხმობს და ასევე პირი არ იძლევა მგზავრობის მიზნის შესახებ ზუსტ ინფორმაციას.
უკრაინის მოქალაქე იულია სუსლიაკი ქართველი სამართალდამცველების მიერ სასაზღვრო გამშვები პუნქი „ვახტანგისის“ გავლით გაბრუნებულ იქნა აზერბაიჯანის მიმართლებით“, - აცხადებენ შსს-ში.
შეგახსენებთ, ტრეფიკინგის ბრალდებით დაკავებული და შემდეგ გათავისუფლებული იულია სუსლიაკის ადვოკატის ინფორმაციით, სუსლიაკი ქართველმა სამართალდამცველებმა ბაქო-თბილისის რეისსზე დააკვეს. ზურაბ თოდუას ინფორმაციით, სუსლიაკი ხვალ ბრიფინგს გეგმავდა და აპირებდა ესაუბრა, თუ რა სტრესისა და ფსიქოლოგიური ზეწოლის ქვეშ იმყოფებოდა სამი თვის განმავლობაში და ვინ არღვევდა მის უფლებებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
