მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
ორშაბათი, მთვარის მესამე დღე დაიწყება 07:20-ზე, მთვარე კუროშია
არ წამოიწყოთ ახალი საქმეები. მოერიდეთ ფინანსური საქმეების გადაჭრას. ვაჭრობა და კამათი კარგს არაფერს მოგიტანთ. მოერიდეთ მგზავრობას, სამსახურის, საქმიანობის შეცვლას. კარგია ვარჯიში. არ გირჩევთ ქორწინებასა და ნიშნობას. გაუფრთხილდით კეფასა და ყურებს. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები. კარგი დღეა ბუნებაში სასეირნოდ, მიწაზე სამუშაოდ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსი ტურისტი აფხაზებმა კილტის გამო სცემეს - ადგილობრივებს რუსეთისგან "ტურისტული ბლოკადის" ეშინიათ
10:49 / 18-06-2019
ოკუპირებულ აფხაზეთში ტურისტული სეზონი ტრადიციულად უმძიმეს ფონზე მიმდინარეობს. რამდენიმე დღის წინ, რუს ტურისტს, რომელიც რიწის ტბისკენ იუფშარის კანიონში შოტლანდიურ კილტში გამოწყობილი მიემართებოდა, ადგილობრივები ფიზიკურად გაუსწორდნენ.
ინცინდენტის შესახებ ინტერნეტ-პორტალმა Cочи ньюс-მა დაწერა. რუსი ტურისტების თქმით, აფხაზებმა დაინახეს, რომ ტურისტული ავტობუსიდან "კაბიანი მამაკაცი" გადმოვიდა, რაც შეურაცხყოფად მიიღეს და მას თავს დაესხნენ.
Cочи ньюс-ის ცნობით, მრავალრიცხოვანი ტურის ერთ-ერთმა ტურისტმა, რიწის ტბის გზაზე მთიანი პეიზაჟის ფონზე შოტლანდიური კილტით მოისურვა ფოტოს გადაღება. ეს შენიშნეს იქ მომუშავე ადგილობრივმა მამაკაცებმა და ტურისტზე იერიში მიიტანეს.
მოგვიანებით, მომხდარზე კომენტარი გააკეთა აფხაზეთის ე.წ. კურორტებისა და ტურიზმის უწყებამ. “მინისტრის” მოადგილე ასტამურ ბარციცმა მომხდარს "წმინდა წყლის პროვოკაცია" უწოდა.
აფხაზი ინტერნეტმომხმარებლები წერენ, რომ ეს ყველაფერი წინასწარ მოფიქრებული და დადგმული იყო: ერთი მამაკაცი ასრულებდა, მეორე კი ამ ყველაფერს იღებდა, რათა ინტერნეტში აეტვირთათ და ამით "აფხაზური კურორტების დისკრედიტაცია მოეხდინათ".
ადგილობრივი მოსახლეობა შიშობს, რომ რუსი ტურისტების ნაწილის მიერ სოციალურ ქსელებში გამოცხადებული "საინფორმაციო ომი" აფხაზეთში “ტურისტულ ბლოკადას” გამოიწვევს.
“მე ვესაუბრე შემთხვევის თვითმხილველებს, რომელთა თქმითაც, ტურისტები გოგონებივით იქცეოდნენ, ასე რომ, არ მიკვირს, თუ სცემეს..." - წერს Абхаз Авто-ს კომენტარებში ერთ-ერთი ადგილობრივი.
“აგრესიას არ ვამართლებ, მაგრამ აფხაზეთის მთებში კაბიანი რუსი კაცების ნახვა, სადაც ცხოვრების მკაცრი წესები და ეტიკეტია, არ არის ჩვეულებრივი. ჩვენი ტრადიციების თანახმად, მთის მდინარეებში ხალხი ტანსაცმლით ბანაობს და და ასეთი რამ მეც არ მომეწონებოდა... ასე რომ, ეს მართლა პროვოკაციაა, ჩვენს გასაღიზიანებლად” - წერს აფხაზი ინტერნეტმომხმარებელი.
"რუსულ-აფხაზური საინფორმაციო ომი", როგორც მას ადგილობრივები უწოდებენ, დიდი ხანია დაიწყო. რუსებისთვის მიუღებელი არიან აფხაზი გიდები, ისევე როგორც, რამდენიმე მიზეზის გამო აფხაზებისთვის რუსი ექსკურსიამძღოლები. ადგილობრივი მედიის ცნობით, "რუსები ზოგჯერ აფხაზეთის აბორიგენ მოსახლეობად ქართველებს მოიხსენიებენ, რომლებიც მთიდან ჩამოსულმა აფხაზებმა იარაღით განდევნეს".
ekhokavkaza.com-ის ჟურნალისტი ვიტალი შარია, თავის სტატიაში მიმდინარე პროცესებს მწვავედ აფასებს. მისი ცნობით, უფლედაბამცველთა მოძრაობამ “რუსული ხმა” რუსეთის საგარეო საქმეთა მინისტრს სერგეი ლავროვს მიმართა თხოვნით - “აფხაზეთი შეიყვანოს იმ ქვეყნების სიაში, რომელიც რუსეთის მოქალაქეებისთვის უსაფრთხო არ არის, რაც შიდაპოლიტიკური სიტუაციითა და უსაფრთხოების სფეროში არსებული პრობლემებით არის გამოწვეული.”
შარიას აღშფოთება გამოიწვია Свободная пресс-ის ჟურნალისტის ანტონ ჩაბლინის სტატიამ, რომელშიც ის “რუსულ ხმაზე” საუბრობს. ორგანიზაცია 2010 წელს მოსკოველმა ბიზნესმენმა მიხეილ პანოვმა დააფუძნა. მან რესპუბლიკაში ჩამკვდარი ეკონომიკის გამოსაცოცხლებლად, გუდაუთის სოფელ ლიხნში პლასტმასის მილების მწარმოებელი თანამედროვე ქარხანა ააშენა. ძალიან მალე კი აფხაზი ძალოვნებისა და ჩინოვნიკებისთვის ინტერესის საგანი - მის წინააღმდეგ თაღლითობის მუხლით სისხლის სამართლის საქმე აღიძრა...
"პანოვს ეს უფლებადამცველი ორგანიზაცია სწორედ მის საკუთრებაში არსებული ქონების დასაცავად სჭირდებოდა...” - წერს აფხაზი ჟურნალისტი ვიტალი შარია, რომელსაც აფხაზი საზოგადო აქტივისტის დავიდ დასანიას სიტყვებიც მოჰყავს. დასანია პირველი იყო, ვინც ჩაბლინის სტატია, რომელშიც რუსი ჟუნრალისტი ითხოვდა “აფხაზეთი რუსი ტურისტებისთვის შავ სიაში შეეყვანათ”, ხმამაღლა გააპროტესტა.
ორგანიზაცია “რუსეთის ხმა", აფხაზეთში კრიმინალის მაღალ მაჩვენებელზე აკეთებს აქცენტს. მისი ცნობით, “აფხაზეთის პროკურატურა და შსს დანაშაულის რეალურ სტატისტიკას არ აქვეყნებენ, სინამდვილეში, იქ სამჯერ მეტია დაყაჩაღების, გაუპატიურების, გატაცებებისა და ძალადობის ფაქტები.
"ვერც ერთი ხელისუფლება იქ ვითარებას ვერ დაალაგებს, რადგან არავინ იცის საიდან დაიწყოს საქმე... აფხაზეთში არსებობს დრანდის ციხე, რომელიც სტალინის დროს არის აშენებული, მაგრამ ის დასასვენებელი სახლია დამნაშავეებისთვის, უფრო ნიცა და ჩერნოგორია, ვიდრე ციხე" - წერს ჩაბლინი.
აფხაზური მედიის ცნობით, სოციალურ ქსელებში რუსებსა და აფხაზებს შორის კამათი ისე შორს წავიდა, რომ ფეისბუქმომხმარებელმა ხაჩიმ კუჩმეზოვმა დაწერა: "დაუბრუნეთ აფხაზეთი საქართველოს!".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
