მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა აერთიანებთ პიკასოსა და ფიროსმანს?
12:19 / 12-06-2019
როდის და სად შეხვდნენ პირველად პიკასო და ფიროსმანი ერთმანეთს?
ერთი ესპანელი იყო, მეორე – ქართველი, ერთი ბურჟუაზიულ ფენას ეკუთვნოდა, მეორე გლეხის ოჯახში დაიბადა, ერთი ევროპის პრესტიჟულ ხელოვნების სკოლებში სწავლობდა, მეორე – თვითნასწავლი გახლდათ, ერთი სიცოცხლეშივე აღიარეს, მეორე – წლების შემდეგ... ერთი პაბლო პიკასო გახლდათ, მეორე – ნიკო ფიროსმანაშვილი.
ცხოვრებაში განსხვავებული ბედი დაჰყვათ, განსხვავებულია მათი ხატვის სტილიც, შინაარსი... ფიროსმანი თავის რჩენის მიზნით ხშირად ხატავდა სამიკიტნოებისა და დუქნებისთვის, შესაბამისად, ნახატების დიდი ნაწილი ქეიფის სურათებს ასახავს. ნიკალას სხვადასხვა პროფესიის ადამიანების ხატვაც უყვარდა: „აქტრისა მარგარიტა,“ „მეეზოვე,“ „მეთევზე“... ეს უკანასკნელი განსაკუთრებულ ყურადღებას იქცევს – მისტიური შავი ფონი, მეთევზე, რომელსაც, თითქოს, შარავანდივით ადგას თავზე მოყვითალო ქუდი, მისი თვალებიდან კი ღრმა მგრძნობიარობა გამოსჭვივის. ფიროსმანის ეს ნახატი იმდენად მრავალპლანიანია, რომ რთულია პრიმიტივიზმის ჩარჩოებში მოათავსო.
ნიკო ფიროსმანი მსოფლიომ გარდაცვალების შემდეგ აღიარა. გარდაცვალების 100 წლისთავს კი უნიკალური გამოფენა მიუძღვნეს. გასული წლის ოქტომბერში ვენაში, „ალბერტინას მუზეუმში“ ფიროსმანის 29 ნახატი სხვა ბუმბერაზი მხატვრების გვერდით გამოიფინა: პაბლო პიკასო, კლოდ მონე და ედვარდ მუნკია. იყო თუ არა ეს ფიროსმანისა და პიკასოს პირველი შეხვედრა?
იცნობდნენ თუ არა პიკასო და ფიროსმანი ერთმანეთს?
ჩვენამდე ფიროსმანის რამდენიმე პორტრეტმა მოაღწია, მაგრამ ყველაზე ამაღელვებელი და იდუმალი სწორედ პიკასოს მიერ შესრულებული გრავიურაა. საიდან უნდა გაეგო პიკასოს ქართველი მხატვრის შესახებ ან რატომ უნდა გასჩენოდა მისი დახატვის სურვილი?
პოლონელი ემიგრანტები, ძმები ილია და კირილე ზდანევიჩები ნიკალას ნიჭით აღფრთოვანებულები იყვნენ. ქართველი მხატვრის შემოქმედება პირველად დუქნებში ნახეს და ისე მოიხიბლნენ, რომ ფიროსმანის ნახატების შეგროვება დაიწყეს. სწორედ ილია ზდანევიჩმა აჩვენა პიკასოს უცნობი ქართველი მხატვრის ნახატების კრებული. ნახატებმა ისეთი შთაბეჭდილება მოახდინა მხატვარზე, რომ ფიროსმანის პორტრეტის შექმნა გადაწყვიტა.
პიკასო და ფიროსმანი კიდევ ერთხელ შეხვდებიან ერთმანეთს „კვირის პალიტრის“ პროექტით „დიდი მხატვრები“. 24 ივნისიდან შეგეძლებათ, გაზეთთან ერთად შეიძინოთ პაბლო პიკასოს ორი რჩეული ტილო: „კოცნა“ და „ავინიონელი ქალიშვილები“. ასევე, გელით სიურპრიზი - დიდი ქართველი მხატვრის, ნიკო ფიროსმანის ცნობილი ნამუშევარი „მეთევზე“ სპეციალურ ფასად.
დამატებითი ინფორმაციისთვის შეგიძლიათ ეწვიოთ ვებგვერდს:
http://www.palitral.ge/mkhatvrebi.html ან დარეკოთ ნომერზე: 2 19 60 13.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
