განათლების მიღების 5 მარტივი გზა
უნივერსიტეტები სავსეა სტუდენტებით, ყოველ წელს თითქმის ყველა აბიტურიენტი აკადემიური განათლების მიღებას იწყებს, თუმცა უნივერსიტეტის დიპლომი არ არის 100%-იანი გარანტი იმისა, რომ სწავლის დამთავრების შემდეგ დასაქმდები. საქართველოს მოსახლეობის უდიდეს ნაწილს საუნივერსიტეტო განათლება მიღებული აქვს, მაგრამ საკუთარი პროფესიით ისინი არ მუშაობენ. თეორიული ცოდნის მიღება უნივერსიტეტში ხანგრძლივი პროცესია და ხშირ შემთხვევაში ბევრ ისეთ საგანსაც ვსწავლობთ, რასაც თითქმის არანაირი კავშირი აქვს ჩვენს პროფესიასთან. საბედნიეროდ არსებობს რამდენიმე გზა, რომ პროფესია შევისწავლოთ მარტივად, სწრაფად და ხარისხიანად. დრო ფულია, ამიტომაც დროის რაციონალურად გამოყენება მნიშვნელოვნად დააჩქარებს პროფესიულ წინსვლას… უნივერსიტეტის გარეშე წარმოუდგენლად მიგვაჩნია პროფესიული განათლების მიღება, მაგრამ პროფესიის შესწავლის უფრო მარტივი გზებიც არსებობს…
ვიდეო გაკვეთილები
ჩვენი დროის ძალიან დიდ ნაწილს ვუთმობთ ინტერნეტსივრცესა და გაჯეტებს, ამიტომაც ვიდეო გაკვეთილებისთვის დროის გამონახვა არავის გაუჭირდება. ძალიან მოსახერხებელია ვიდეო გაკვეთილების მეშვეობით პროფესიის დაუფლება, შეგიძლიათ, ნებისმიერ დროს უყუროთ ვიდეო გაკვეთილს. მიიღოთ პროფესიული განათლება მაშინ, როცა გეცლებათ.
პროფესიული აკადემია
ძალიან დიდი ხნის განმავლობაში ქართულ რეალობაში არ არსებობდა დუალურ სწავლებაზე მორგებული მოკლევადიანი სასწავლო პროგრამები, რომლებიც მისცემდა ნებისმიერ დაინტერესებულ პირს შესაძლებლობას აეთვისებინა მისთვის საინტერესო პროფესია და დაეწყო მუშაობა. „პრაქტიკული აკადემია” ამის შესანიშნავ შესაძლებლობას იძლევა
პროფესიული პროგრამების წარმატებით დასრულების შემდეგ „პრაქტიკული აკადემიის სტუდენტებს“ აქვთ დასაქმების რეალური შესაძლებლობა აკადემიის პარტნიორ კომპანიებში. ამ ეტაპზე „პრაქტიკულ აკადემიაში“ გრაფიკული დიზაინის მე-2 ნაკადის პროფესიულ პროგრამაზე რეგისტრაცია მიმდინარეობს.
პროფესიული განათლების სემინარები
პროფესიული განათლების დასახვეწად სემინარები საუკეთესო საშუალებაა. სემინარები საშუალებას მოგცემთ, უფრო მეტად დაუახლოვდეთ თქვენს პროფესიას და გაიგოთ მეტი მის შესახებ. მსგავსი აქტივობები დაგეხმარებათ დაზოგოთ თქვენი დრო, რომელიც ასე მნიშვნელოვანია და მიიღოთ პროფესიული თეორიულ-პრაქტიკული განათლება.
სასწავლო კურსები
სასწავლო კურსები თთოეული სპეციალობის საბაკალვრო პროგრამებთან შედარებით მოკლე პერიოდში პერიოდში შესწავლის საშუალებას მოგცემთ. მათი ხანგრძლივობა უმეტესად 6-12 თვეა, რაც საბაკალავრო პროგრამებისთვის გაწერილ 4 წელთან შედარებით ბევრად მოკლე პერიოდია. თუ ვიდეო გაკვეთილები და სემინარები თქვენთვის რელევანტურად არ მიგაჩნიათ, მაშინ აუცილებლად უნდა სცადოთ სასწავლო კურსი, რაც პროფესიის ათვისებაში ძალიან დაგეხმარებათ.
პროფესიული განათლების ასამაღლებელი წიგნები
ზოგადად, პროფესიის შესწავლა დიდ შრომასა და მიზანდასახულობს მოითხოვს. არსებობს პროფესიის დაუფლების მარტივი და რთული გზები. მარტივი მეთოდებიდან ერთ-ერთია პროფესიული განათლების ასამაღლებელი წიგნები, რომლებშიც ავტორები საკუთარ გამოცდილებასა და ცოდნას გადმოსცემენ. ბიზნესლიტერატურა აუცილებლად დაგეხმარებათ თქვენთვის საინტერესო პროფესიის დაუფლებაში, სწორი აქცენტებისა და დასკვნების გაკეთებაში.