მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვეულებრივად ლაპარაკობს, არ აქვს სინანულის გრძნობა და აღქმა, თუ რა გააკეთა" - რას მოითხოვს ბიძის მიერ მოკლული 13 წლის ბიჭის ოჯახი
12:53 / 15-05-2019
რუსთავში, ბიძის მიერ მოკლული 13 წლის გოგიტა ირემაძის მკვლელობის საქმესთან დაკავშირებით, ოჯახი და იურისტი მოითხოვენ, პასუხისგებაში მიეცნენ როგორც ექიმები, რომლებმაც მოკლულის ბიძას, ვალერი ირემაძეს შესაბამისი მკურნალობა არ აღმოუჩინეს, ასევე პოლიციის თანამშრომლები, რომელთა უმოქმედობამ ან დაგვიანებულმა ქმედებებმა გამოიწვია ტრაგედია.
ამის შესახებ "ადამიანის უფლებათა ცენტრის" იურისტმა ეკა ქობესაშვილმა ისაუბრა:
"დანაშაული მიმდინარე წლის თებერვლის თვეში მოხდა. იმ პერიოდიდან დღემდე, არ არის არანაირი სახის შემაჯამებელი გადაწყვეტილება მიღებული, გარდა იმისა, რომ უშუალოდ მკვლელობის აღმასრულებელს მიესაჯა არანებაყოფლობითი მკურნალობა და გადაყვანილია ფსიქიკური ჯანმრთელობის ცენტრში.
ექსპერტიზის დაკვნით დადგინდა, რომ ადამიანი იყო შეურაცხადი, როდესაც ის ამ ქმედებას ახორციელებდა. ამ ადამიანმა, ვიდრე ამ დანაშაულს ჩაიდენდა, წინა დღეებში გაიარა ვრცელი გზა, იმისთვის, რომ ის დაეწვინათ საავადმყოფოში და ემკურნალათ. მისი მეგობრები და ოჯახის წევრები დაატარებდნენ მას საავადმყოფოში, ორ კლინიკაში იყო მიყვანილი, საიდანაც გადაამისამართეს თბილისში, თუმცა თბილისის კლინიკამ ადეკვატურად არ მიიღო მისი ჯანმრთელობის მდგომარეობა, არ მოახდინა შესაბამისი გამოძიება და არ მოხდა ამ ადამიანის დაწვენა ფსიქიატრიულ საავადმყოფოში.
ეს ადამიანი გაწერეს სახლში და შემდეგ, როდესაც მოხდა აღნიშნული ქმედება, პოლიციის გულგრილობამ და არაკომპეტენტურმა საქციელმა გამოიწვია ეს ტრაგიკული შემთხვევა. პოლიციას რომ იმ წუთშივე ემოქმედა, მყისიერად და კანონის ფარგლებში, რაც მას ევალება, შესაძლოა, ეს ტრაგედია აგვეცილებინა თავიდან. მეზობლებსაც არ მისცეს სახლში შესვლის საშუალება და თვითონაც არ იმოქმედეს.
ამ შემთხვევაში გვაქვს ორი ორგანო - ექიმები და პოლიცია, რომელთა დაუდევარმა ქმედებამ გამოიწვია აღნიშნული ტრაგედია. ჩვენი მოთხოვნაა, რომ საქმის წარმოება გადავიდეს საქართველოს გენერალურ პროკურატურაში და იქ მოხდეს გამოძიების გაგრძელება და ამ საქმეზე პასუხისგებაში მიეცნენ როგორც ექიმები, ისე პოლიციის ის თანამშრომლები, რომელთა უმოქმედობებმა გამოიწვია ამხელა ტრაგედია", - აღნიშნა ადვოკატმა.
მოკლული გოგიტა ირემაძის დედამ, თამარ გოგოჩაშვილმა პოლიციელების მხრიდან გულგრილობაზე ისაუბრა:
"საგამოძიებო ორგანოში ერთხელ ვარ ნამყოფი, ისიც ჩემი ნებით მივედი, რომ გამერკვია რა ხდებობოდა, რას იძიებდნენ, როგორ მიდიოდა პროცესი. ახლა გამოსაძიებელია საქმე ექიმებთან და პოლიციელებთან დაკავშირებით. მე დავინტერესდი, თუ რატომ დააყოვნა პოლიციამ რეაგირების მოხდენა და ასე მიპასუხეს - პოლიცია რომ მივიდა, თქვენი შვილი უკვე დაღუპული იყოო და იქ შესვლას აზრი არ ჰქონდაო. პოლიცია რომ მივიდა, ბავშვი 10 წუთის განმავლობაში „მიშველეთ“ ყვიროდა“, - აცხადებს თამარ გოგოჩაშვილი.
მოკლული 13 წლის ბიჭის ბებია და მკვლელობაში ბრალდებულის დედა, ინგა ირემაძე ამბობს, რომ ვალერი ირემაძე ჯანმრთელობის მდგომარეობიდან გამომდინარე, მომხდარს ვერ აღიქვამს სინანულის განცდა არ გააჩნია:
"ჩვეულებრივად ლაპარაკობს, ოჯახშიც რეკავს, მაგრამ არ აქვს აღქმის უნარი, რა გააკეთა. სინანულის გრძნობა არ აქვს, რადგან ექიმი ამბობს, რომ მისი ავადმყოფობის პრობლემა ესაა. ჩემი შვილი, თავისი ნებით მივიდა რუსთავის საავადმყოფოში, სადაც მას გაუკეთეს გადასხმა, გარკვეული პროცედურები და რამდენიმე საათი დაყო იქ და რუსთავის საავადმყოფომ უთხრა მის მეუღლეს, რომ გადაეყვანათ ან ნარკოლოგიურში, ან ფსიქიატრიულში.
ჩემი შვილი დათანხმდა და პირველად მივიდა თბილისის ნარკოლოგიურში, მაგრამ არ მიიღეს, უთხრეს, რომ არ ჰქონდათ ადგილები. მერე ფსიქიატრიულ განყოფილებაში გადავიდნენ და დერეფანში სულ რაღაც 2 წუთის განმავლობაში ესაუბრებოდა ექიმი ჩემ შვილს, შეხედა და დიაგნოზი დაუსვა, რომ არაფერი არ სჭირდა და წაიყვანეთ სახლში, არ გვაქვს ადგილებიო", - განაცხადა ინგა ირემაძემ.
როგორც მან აღნიშნა, ვინაიდან ვალერი ირემაძე ეპილეფსიითაა დაავადებული და ფსიქოტროპულ წამლებს 6 წლის ასაკიდან იღებდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
