"როცა მიჭერდნენ მითხრეს, ვითომ გადაღებაზე ხარო" - სერიალ "დეტექტივებს" იმ შენობაში იღებდნენ, სადაც დაკავებული ჯიბღაშვილი მიიყვანეს
"როგორც მითხრეს, სწორედ იმ შენობაში მიმდინარეობდა სერიალ "დეტექტივების" გადაღებები, სადაც ლევან ჯიბღაშვილი დაკავების შემდეგ გადაიყვანეს" - ამის შესახებ მსახიობის ადვოკატმა ამირან გიგუაშვილმა ტელეკომპანია "პალიტრანიუსის" გადაცემა "360 გრადუსში" სტუმრობისას განაცხადა.
"მე რატომღაც არ მქონდა ეს სერიალი ნანახი... როგორც მითხრეს, სწორედ ამ შენობაში მიმდინარეობდა გადაღებაო. ხომ ხედავთ, ცხოვრება უცნაური რამ არის" - აღნიშნა გიგუაშვილმა.
როგორც გადაცემაში სტუმრობისას ლევან ჯიბღაშვილმა აღნიშნა, სერიალში შერსულებული როლიდან გამომდინარე, დაკავების მომენტში მას პოლიციელებმა ხუმრობით მიმართეს.
"როდესაც მიჭერდნენ მითხრეს, ვითომ გადაღებაზე ხარო. იხუმრეს... ასევე კურიოზი მოხდა, როდესაც "კამერაში" ვიყავი. წიგნები მოვითხოვეთ და ერთ-ერთმა დაკავებულმა თქვა, რომ დეტექტიური ჟანრის მომიტანეო.... გაეხუმრნენ სხვები, რად გინდა აგერ არ გყავს, კითხე რაც გინდაო" - აღნიშნა ჯიბღაშვილმა.
ცნობისთვის, ლევან ჯიბღაშვილი ქართულ დეტექტიური ჟანრის სერიალ "დეტეტივებში" ლეიტენანტ გიორგი ტატიშვილის როლს ასრულებდა. სერიალი სტუდია "ჰორიზონტისა" და "Sound Gravity"-ის საერთო პროექტია. რეალურ ფაქტებზე დაფუძნებული საგამოძიებო სერიალი რუსთავი 2-ის ეთერში 2010 წელს გადიოდა.
რაჭა-ლეჩხუმში უკვე 80 მიტოვებული სახლი გაიყიდა - რატომ გაორმაგდა სახლების ფასი?
ბილაინის ყველა მობილური თამაში ერთ პორტალზე
