მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
ორშაბათი, მთვარის მესამე დღე დაიწყება 07:20-ზე, მთვარე კუროშია
არ წამოიწყოთ ახალი საქმეები. მოერიდეთ ფინანსური საქმეების გადაჭრას. ვაჭრობა და კამათი კარგს არაფერს მოგიტანთ. მოერიდეთ მგზავრობას, სამსახურის, საქმიანობის შეცვლას. კარგია ვარჯიში. არ გირჩევთ ქორწინებასა და ნიშნობას. გაუფრთხილდით კეფასა და ყურებს. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები. კარგი დღეა ბუნებაში სასეირნოდ, მიწაზე სამუშაოდ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პაციენტი მართვით სუნთქვაზეა, უკიდურესად მძიმედაა" - ორთაჭალაში, სადაც გუშინ უბედურ შემთხვევას 2 ადამიანი ემსხვერპლა, კორპუსის მშენებლობა შეაჩერეს
10:24 / 17-03-2019
ორთაჭალაში მშენებარე კორპუსიდან გადმოვარდნილი მამაკაცის ჯანმრთელობის მდგომარეობა უკიდურესად მძიმეა. ამის შესახებ „ინტერპრესნიუსს“ ინგოროყვას კლინიკაში, პაციენტის მკურნალმა ექიმმა, თიკო კუჭაშვილმა განუცხადა. ექიმის ინფორმაციით, პაციენტი ამ დრომდე რეანიმაციულ განყოფილებაში მართვით სუნთქვაზე იმყოფება.
„ღამის განმავლობაში მდგომარეობა არ შეცვლილა. პაციენტი მართვით სუნთქვაზე იმყოფება და უკიდურესად მძიმე მდგომარეობაშია, რაიმე ოპერაციულ ჩარევას ამ ეტაპისთვის არ საჭიროებს. დამატებით რაიმე გართულება ჯერ-ჯერობთ არ დაფიქსირებულა, სიცოცხლესთან შეუთავსებელი მდგომარეობით შემოვიდა კლინიკაში და ახლაც იგივეა მისი მდგომარეობა“, - განაცხადა თიკო კუჭაშვილმა.
როგორც ცნობილია, დაშავებულ მამაკაცს, დაზიანებული აქვს თირკმელი, ღვიძლი, აღენიშნება ტრავმულ–ჰომორაგიული შოკი.
შეგახსენებთ, რომ ორთაჭალაში, მშენებარე კორპუსიდან სამი ადამიანი გადმოვარდა. ერთი ადამიანი ადგილზე დაიღუპა და ერთი საავადმყოფოში გადაყვანის შემდეგ გარდაიცვალა. შემთხვევა გუშინ დილით მოხდა. არსებული ინფორმაციით, მუშები აღნიშნულ შენობაში სამშენებლო სამუშაოებს აწარმოებდნენ.
უბედური შემთხვევის შემდეგ, ჩატარებული ინსპექტირების პროცესში გამოვლენილი კრიტიკული შეუსაბამობების გამო, ობიექტზე დასაქმებულთა სიცოცხლისა და ჯანმრთელობის დაცვის მიზნით, შრომის პირობების ინსპექტირების დეპარტამენტმა სამშენებლო პროცესი შეაჩერა. ამის შესახებ „ინტერპრესნიუსს“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროდან აცნობეს.
„შრომის პირობების ინსპექტირების დეპარტამენტი დამსაქმებლებს მოუწოდებს უზრუნველყონ დასაქმებულთა სიცოცხლისა და ჯანმრთელობის დაცვის მიზნით „შრომის უსაფრთხოების შესახებ“ საქართველოს ორგანული კანონითა და საქართველოს მთავრობის ტექნიკური რეგლამენტებით განსაზღვრული ვალდებულებების ჯეროვანი შესრულება. როგორც უწყებაში აცხადებენ, შრომის პირობების ინსპექტირების დეპარტამენტის მხრიდან შრომის უსაფრთხოების ნორმების თითოეულ დარღვევაზე, განსაკუთრებით რომელიც ზიანს აყენებს ადამიანის სიცოცხლეს და ჯანმრთელობას, უმკაცრესი რეაგირება მოჰყვება“, - აღნიშნულია ჯანდაცვის სამინისტროს განცხადებაში.
მათივე ინფორმაციით, მიმდინარე ეტაპზე დეპარტამენტი მოკვლევის პროცედურებს აგრძელებს.
„2019 წლის 16 მარტს უბედური შემთხვევა მოხდა ორთაჭალაში, რის შედეგადაც 2 დასაქმებული დაიღუპა. საცხოვრებელი კორპუსის მშენებლობაზე დასაქმებული პირები შენობის გარე სარემონტო სამუშაოებს ახორციელებდნენ დაკიდული ხარაჩოს მეშვეობით, რა დროსაც მოწყდა ბაგირი და მასზე მდგომი სამი დასაქმებული სიმაღლიდან ჩამოვარდა. მომხდარზე აღძრულია სისხლის სამართლის საქმე. შრომის პირობების ინსპექტირების დეპარტამენტმა აღნიშნულ შემთხვევაზე დაუყონებლივ მოახდინა რეაგირება და უბედური შემთხვევის მოკვლევის მიზნით დაიწყო ობიექტის შემოწმება. დღის განმავლობაში ჩატარებული ინსპექტირების პროცესში გამოვლენილი კრიტიკული შეუსაბამობების გამო, ობიექტზე დასაქმებულთა სიცოცხლისა და ჯანმრთელობის დაცვის მიზნით, დეპარტამენტმა შეაჩერა სამშენებლო პროცესი“, - აღნიშნულია უწყების განცხადებაში.
როგორც „ინტერპრესნიუსს“ შსს-ში განუცხადეს, მომხდარ ფაქტზე გამოძიება სისხლის სამართლის კოდექსის 240-ე მუხლით მიმდინარეობს, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
