მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვიღებ კლიპს სოფო ნიჟარაძესთან ერთად" - რა ხდება "მხოლოდ ქართულის" კონკურსანტების ცხოვრებაში
16:51 / 27-02-2019
მათ რამდენიმე თვის წინ მასობრივად არ იცნობდნენ, მაგრამ "მხოლოდ ქართულით", 4 თვის მანძილზე ნამდვილ ვარსკვლავებად იქცნენ, მაყურებელმა შეიყვარა და უგულშემატკივრა, ერთ-ერთმა კი პროექტი მოიგო.
რას აკეთებენ დღეს "მხოლოდ ქართულის" ფინალისტები? - ოთხეული, რომელიც ხალხის რჩეული გახდა, როგორ აფასებენ პროექტში გატარებულ დროს? AMBEBI.GE ნოდარიკო ხუციშვილს, გუგა მარგველაშვილს და გიორგი კელაპტრიშვილს დაუკავშირდა და მათი ახლანდელი და სამომავლო გეგმების შესახებ შეიტყო:
გიორგი კელაპტრიშვილი:
- პროექტის შემდეგ ჩემს ცხოვრებაში ბევრი რამ შეიცვალა, ამას კონკურსის დასრულების მერე მივხვდი, როდესაც ქუჩაში გავედი, მაღაზიაში შევედი... ყველა მცნობს, ყველა მესიყვარულება, სურათის გადაღება უნდა. კონკურსის პროცესში ამას ვერ ვგრძნობდი და ვხვდებოდი. ხალხი ძალიან დადებითად არის განწყობილი, რაც სასიამოვნოა... ამას წინათ, დუბაიში ქალბატონებმა დამიძახეს. ვერ წარმოვიდგინე, რომ მე მეძახდნენ, გვიან გავხედე. შენი გულშემატკივრები ვართო. მერე მე თვითონ მოვინდომე მათთან სურათის გადაღება. შემდეგ ქართულ რესტორანშიც მოვიდნენ, სადაც ვიყავით... ასეთი დამოკიდებულება, რა თქმა უნდა, მიხარია.
რაც შეეხება სიახლეებს, ცოტა ხნის წინ, ბათუმში 29 მარტს ჩემი კონცერტი დაიგეგმა, რომელშიც "ნიუტონი", ზვიად ბოლქვაძე, სოფო ნიჟარაძე მონაწილეობენ. სოფოსთან ერთად დუეტს ვიმღერებ. ამის გარდა დუეტს სხვებთანაც შევასრულებ.
ჩემმა პროდიუსერმა გადაწყვიტა, რომ კონცერტები საქართველოს ფარგლებში ბათუმიდან დავიწყოთ და ქვეყანაში ვიმოგზაუროთ. ასევე ვიღებ კლიპს სოფო ნიჟარაძესთან ერთად, იმიტომ, რომ მისი "ოქროს ღილაკი" ვარ, ეს ძალიან სიმბოლური რამ არის და ასეთი იყო ჩემი სურვილი. მინდა, ძალიან კარგი ვიდეო გამოვიდეს, რომელსაც მაყურებელი მიიღებს და შეიყვარებს. ასევე რამდენიმე კომპოზიტორმა სიმღერა შემომთავაზა.
გუგა მარგველაშვილი:
- დავუბრუნდი ძველ ცხოვრებას, რუტინას, თანდათან უფრო ვიაზრებ, ამ პროექტით ჩემს ცხოვრებაში რამხელა რამ მოხდა. ასეთ შოუში მეორე ადგილი დავიკავე, მგონი, ხუმრობა არ არის. ასევე დიდი გამოცდილება მივიღეთ. მაქვს პატარ-პატარა საკონცერტო შემოთავაზებები, მათ შორის კომპოზიტორებისგან, მათი სიმღერები ვიმღერო. რატომაც არა, რომ რამდენიმე სიმღერა ჩავწერო?!
კონსერვატორიასაც დავუბრუნდი. პროექტში რომ მივედი, იქ სწავლა ახალი დაწყებული მქონდა. ამიტომ რაიმეს გაკეთება ვერც მოვასწარი. ახლა ვაპირებ, რომ სწავლა სრულფასოვნად გავაგრძელო, უფრო სერიოზულად. თუმცა ამ სფეროსაც, რითაც გამიცნეს, ბოლომდე ვერ შევეშვები.
ყველაფერს რომ თავი დავანებოთ, პროექტში მონაწილეობა მარტო იმიტომ ღირდა, რომ ასეთი შესანიშნავი მეგობრები შევიძინე. მიხარია, რომ ჩვენი მეგობრობა მარტო იმ პერიოდით არ შემოიფარგლა და კიდევ გაგრძელდება.
ნოდარიკო ხუციშვილი:
რაც დრო გადის, კონკურსში ჩემს მონაწილეობას დადებითად ვაფასებ. ფილარმონიის სცენაზე ყოველ კვირა ამდენი ადამიანის წინაშე გამოსვლა ხუმრობა არ არის. როცა ვმღერი, ყველა ღელვა მიქრება, მავიწყდება და ამ სიტუაციაში ამდენ ხანს ვიყავი. არ იყო ცუდი, მაგრამ დამღლელი პროცესიცაა. მოკლედ, იმის თქმა მინდა, რომ დიდი გამოცდილება მივიღე. ახლანდელი გადმოსახედიდან ჩემს გადაწყვეტილებას არ ვემდური.
რაც შეეხება კითხვას, პროექტი რომ ვერ მოვიგე, ხომ არ ვნანობ - რა თქმა უნდა, არა. ამ ყველაფერს დამატებითი სიხარულები ახლავს, რაზეც უკვე ვილაპარაკე. ეს პროექტი ჩემთვის კარგად დამთავრდა, არანაირი სინანული არ მაქვს. შოუ ყოველთვის მთავრდება და შენი გასაკეთებელი ცხოვრებაში და შემდეგი ეტაპიც შენია. ფინალში ოთხი განსხვავებული ადამიანი ვიდექით და ოთხივეს შემთხვევაში ადამიანებმა რა განსხვავებული არჩევანიც გააკეთეს, ეს არაფერს ნიშნავს...
ამასობაში ჩვეულ რიტმს დავუბრუნდი, ჩემს საქმიანობას, ტურიზმს. ამოსაწევი მაქვს ის საქმე, რასაც 4 თვის მანძილზე ჩამოვრჩი. მეგობრებთან, ვისთან ერთადაც მანამდე ვუკრავდით, უფრო და უფრო იშვიათად ვაკეთებდით მუსიკას და ახლა მეტი სტიმული მაქვს ვაკეთო, უკვე ახალ პროგრამაზე ვიმუშაოთ და ახალი სიმღერებით უფრო ხშირად გამოვჩნდეთ - რეპეტიციები დავიწყეთ.
მეკითხებიან, გავიგეთ, „რუსთავი 2“-ზე რა პროექტს იწყებო? თქვენც იგივე მკითხეთ, მაგრამ ამ ეტაპზე პასუხისგან თავს შევიკავებ. თუ ასე მოხდა, აუცილებლად ვიტყვი, თუმცა ამ ეტაპზე სიურპრიზად შევინახავ. როგორც კი რაღაც იქნება, აუცილებლად გაგაგებინებთ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
