11
აპრილიდღის ზოგადი ასტროლოგიური პროგნოზი
კრიმინალური ავტორიტეტის ლავას ოღლის, იგივე მინდია გორაძის ადვოკატის ლექსო კობაიძის ინფორმაციით, მისი დაცვის ქვეშ მყოფი თურქმა სამართალდამცველებმა საექსტრადიციო პატიმრობიდან გაათავისუფლეს.
“მაქვს ინფორმაცია, რომ ის პატიმრობიდან გათავისუფლდა. ჩემი ინფორმაციით, ეს 11 ნოემბერს მოხდა. მოგეხსენებათ, ლავას ოღლი „კანონიერი ქურდობისათვის“ ერთხელ გასამართლებული იყო. მას 12-წლით თავისუფლების აღკვეთა მიესაჯა. ამის შემდეგ, აჭარის პროკურატურამ კვლავ მძიმე მუხლით წარუდგინა ბრალი. მას კვლავ კანონიერ ქურდობას ედავებიან. აღკვეთის ღონისძიებად კვლად პატიმრობა დადგა და მასზე ძებნა გამოცხადდა. ამ მოტივით მისი ინტერპოლის წითელ ცირკულარში ჩასმა მოხდა. თურქულმა მხარემ თქვა, რომ არ შეიძლება პირი ერთი და იგივე მუხლით ორჯერ გაასამართლო. ამ მოტივით არ ჩათვალა კანონიერად და დასაბუთებულად ქართული მხარის მოთხოვნა მისი ექსტრადირების შესახებ“, - განუცხადა “ინტერპრესნიუსს“ ლექსო კობაიძემ.
ადვოკატის ინფორმაციით, მინდია ლავას ოღლი ამჟამად თურქეთშია. კობაიძე მის საქართველოში დაბრუნებას გამორიცხავს. “მინდია ლავას ოღლი საქართველოს მოქალაქეა. მას საქართველოს ხელისუფლება უკანონოდ დევნის და თავისუფლად გადაადგილების საშუალებას არ აძლევს. მის წინააღმდეგ რამდენიმე საქმე მიმდინარეობს. აქედან გამომდინარე, თუკი ის საქართველოში დაბრუნდება, ციხეში მოხვდება, რადგან მის წინააღმდეგ აღმკვეთ ღონისძიებად პატიმრობა არის გამოყენებული. ამიტომ წარმოუდგენელია ადამიანს საქართველოში ჩამოსვლის და “ჩაბარების“ სურვილი ჰქონდეს“, - აღნიშნა ლექსო კობაიძემ.
