მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ძროხებისა და “მერსედების” ქვეყანა” - აფხაზეთის კიდევ ერთი ჩავარდნილი ტურისტული სეზონი
11:45 / 06-08-2018
აფხაზეთის ზღვისპირა კურორტებზე ზაფხულის სეზონი ყოველ წელიწადს ვარდება. მიზეზები ისევ ძველია - კრიმინალი, მაღალი ფასები, მოუწესრიგებელი ინფრასტრუქტურა...
წელს დამსვენებლები სანაპიროზე მაწანწალა ცხოველების განსაკუთრებულ სიმრავლეზე საუბრობენ, არადა, ზამთარში ადგილობრივი მოსახლეობა წუხდა, რომ ქალაქების ხელმძღვანელობამ “გამოსავალი” მათ დახოცვაში იპოვნა...
აფხაზეთში დასასვენებლად ჩასული რუსი ტურისტი გაზეთ "ЭХО АБХАЗИИ"-სთან საუბარში აცხადებს, რომ მან სოხუმის სანეპიდსადგურის მისამართი ვერ იპოვნა, რათა არსებული სიტუაციის შესახებ ინფორმაცია მიეწოდებინა...
“ჩემი ოჯახი სოფელ ბაბუშერაში ისვენებს, უკვე მერამდენე დღეა, მის სანაპიროზე მკვდარი ძროხა გდია... არაერთი მოთხოვნისა და მისი გატანის მცდელობის მიუხედავად, ის მაინც იქ არის...” - წერს პეტრო ლაკტიონოვი, რომლის თქმითაც, მკვდარი ცხოველი ეპიდემიის კერა იყო, თუმცა, მისი მოშორება, მხოლოდ რამდენიმედღიანი ბრძოლისა და ადგილობრივი ჟურნალისტების ძალისხმევით მოხერხდა...
“უწყინარი” მკვდარი ცხოველების გარდა, სანაპიროზე გასვლას სხვა შემაფერხებელი მიზეზებიც აქვს, - ცოცხალი და აგრესიული ძაღლები, რომლებიც დამსვენებლებს ხშირად თავს ესხმიან.
ის, რომ სანიტარული, უსაფრთხოებისა და ინფრასტრუქტურული კუთხით რეგიონში არაფერი იცვლება, ამას ადგილობრივები წლებია აპროტესტებენ, ისევე როგორც აზიურ ფაროსანასთან უშედეგო ბრძოლას. მათივე თქმით, ტურისტული სეზონი წელსაც მძიმედ მიმდინარეობს.
“ძროხებისა და “მერსედესების” ქვეყანა” - წერს კიდევ ერთი, ინტერნეტგამოცემა URA.RU-ს რუსი ჟურნალისტი დანილ ბარდინი აფხაზეთზე, რომლის თქმითაც, თურქეთთან შედარებით სასტუმროს ორმაგი ფასებისგან მიღებული თანხებით, აფხაზები “ჰამერებსა” და “ლექსუსებს” ყიდულობენ. მისი თქმით, ის გუდათაუში, სამვარსკვლავიან სასტუმროში დარჩა, სადაც სამჯერადი კვება იყო, თუმცა, მთელი მენიუ ორი-სამი დასახელების კერძისგან შედგებოდა:
“დილით, ფაფა და კვერცხი. სადილად წვნიანი და ე.წ. მეორე, რომელიმე კერძი და საღამოსაც - იგივე... ხილი და ტკბილეული არ იყო... თუმცა, ყველაფერი გემრიელი იყო. ნომრებში ახალი ევრორემონტი იყო, ცხელი წყალი, კონდინციონერი, ხანდახან WiFi. პლაჟი აქ უფრო ველურია, უმეტესად, ქოლგებისა და შეზლონგების გარეშე. მზისგან თავის დასაცავად, რამდენიმე ბრეზენტის ან ტენტის ქოლგა დგას, რაც ტურისტებისთვის საკმარისი არ არის... ადამიანების გვერდით წვანან ძროხებიც. ეს ეხება არა მარტო სანაპიროებს, ასევე ტრასებს, ქუჩებს, სკვერებსაც...
გზების გასწვრივ, სისწრაფის მოყვარული მძღოლების დამსახურებით, შეამჩნევთ მკვდარ და ძაღლებდასეულ ძროხებსაც, რაც სრულებით არაესთეტიურია აფხაზეთის ულამაზესი ბუნების ფონზე..." - წერს დანილ ბარდინი.
მისივე თქმით, აფხაზეთში გემრიელი სამზარეულო აქვთ, რომელიც “სიტყვა-სიტყვით” იმეორებს ქართულს: "მწვადი, ხაჭაპური და ხინკალი არის ის, რისთვისაც იქ შეიძლება ჩასვლა ღირდეს, თუმცა, სანაპიროზე გახსნილ კაფეებში საშუალო დონის სადილი 1500 მანეთი (დაახლოებით, 60 ლარამდე) ჯდება, რასაც ემატება ღვინო, რომლის საშუალო ფასიც საკმაოდ მაღალია".
რუსი ჟურნალისტის თქმით, - რეგიონში, ახალგაზრდებში განათლების მოთხოვნილება მინიმუმამდეა დასული, რასაც უამრავი სუბიექტური და ობიექტური მიზეზი აქვს. ერთადერთი, რაშიც აფხაზები ფულს არ იშურებენ, არის ავტომანქანები.
“უმეტესობას “მერსედესი” და “აუდი” ჰყავს. ადგილობრივების მენტალობით, ადამიანს თუ მანქანა ჰყავს, ის სრულფასოვანია. ისინი, ვინც ”ლექსუსისა” და “ჰამერის” შეძენა შეძლო, ძალიან დაფასებულია... აფხაზი “გაიშნიკები” გიჟდებიან რუსულნომრებიანი ავტომანქანების დაჯარიმებაზე... რუს ტურისტებს არც სხვა მხრივ წყალობენ - თუ რამდენიმე წლის წინ მათ მიმართ თავაზიანი, მოზომილები იყვნენ და ფასებს არ ბერავდნენ, ახლა რუსები მათ თვალში უბრალოდ შემოსავლის წყაროა.
ჩვენ ჯგუფი შევიკრიბეთ, რიწის ტბაზე ასვლა გადავწყვიტეთ, გიდმა ორი ჩანჩქერის მონახულებაში, ერთ ადამიანზე 300 რუბლი (დაახლოებით, 12 ლარამდე) მოგვთხოვა... ჩვენმა ჯგუფმა ასეთი მაღალი ფასი გააპროტესტა, პასუხად, აფხაზმა გიდმა მძღოლს ანიშნა მოტრიალებულიყო... საბოლოოდ, მან გაიმარჯვა," - იხსენებს ჟურნალისტი დანილ ბარდინი.
მისივე თქმით, ასევე მწვავედ დგას უსაფრთხოების საკითხი - ქურდობა, ყაჩაღობა და კიდევ ერთი - აფხაზეთში მამაკაცის გარეშე ჩასვლა არ ღირს: "კავკასიელი ახალგაზრდებისთვის ძნელია, გულგრილად აუარონ გვერდი ჩასულ ტურისტ ქალბატონებს... რამდენჯერმე თავად მომიწია ჩემი ნაცნობი ქალები უსიამოვნო სიტუაციებისგან დამეხსნა," - წერს დანილ ბარდინი, რომლის თქმითაც, რეგიონში წლიდან წლამდე რაღაცები შენდება, თუმცა, მთლიანობაში ვითარება უკეთესობისკენ არ იცვლება.
ფოტო: REUTERS; RFE/RL
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
