მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამაზ საყვარელიძე - გრიგოლ ვაშაძის უკან დგას "ნაციონალური მოძრაობა" და ამ ფონზე ნაკლები შანსი აქვს
12:48 / 18-07-2018
გრიგოლ ვაშაძე ბევრ პოზიტიურ შეფასებას იმსახურებს თავისი მოღვაწეობით, თუმცა მის უკან დგას „ნაციონალური მოძრაობა“ და „ნაციონალური მოძრაობის“ მიმართ ამომრჩევლის დამოკიდებულების ფონზე ნაკლები შანსი აქვს, - ასე აფასებს ექსპერტი რამაზ საყვარელიძე 10 ოპოზიციური პარტიის მიერ წარდგენილ კანდიდატს საპრეზიდენტო არჩევნებში.
„კანდიდატი ბევრ პოზიტიურ შეფასებას იმსახურებს თავისი მოღვაწეობითაც, როგორც პოლიტიკოსი ზომიერი იყო ყოველთვის, მაგრამ ვნახეთ, რომ იმერეთში ჩატარებულ არჩევნებში, სადაც წარდგენილი იყო კანდიდატად, მან ვერ გაიმარჯვა. ერთ-ერთი მთავარი მიზეზი ამ მარცხის არის ის, რომ მის უკან დგას „ნაციონალური მოძრაობა“, რომლის შემოშვება ხელისუფლებაში საზოგადოებას არ უნდა. ამდენად, კანდიდატებს ამ დამოკიდებულების ფონზე შანსი ნაკლები აქვთ“, - განაცხადა საყვარელიძემ.
მისივე თქმით, იბრძოლებს თუ არა აღნიშნული კანდიდატი მეორე ტურისთვის, ეს დამოკიდებულია იმაზე, თუ ვის დააყენებს კანდიდატად მმართველი გუნდი.
„თუ აღმოჩნდება, რომ მმართველი გუნდის მიერ წამოყენებული კანდიდატი ვერ იმარჯვებს პირველ ტურში და ეს კანდიდატის პერსონალურ წონაზეც არის დამოკიდებული, ამ შემთხვევაში მეორე ტურის შანსი იქნება. თუმცა, როგორც არაერთხელ ვნახეთ, ძალიან ძნელია ხელისუფლების მიყვანა მეორე ტურამდე, რადგან ხელისუფლება პირველ ტურში გასამარჯვებლად მაქსიმალურ მობილიზაციას აკეთებს“, - აღნიშნა საყვარელიძემ.
ოპოზიციური პარტიების ერთობამ - "სამოქალაქო მოძრაობა - ძალა ერთობაშია" პრეზიდენტობის კანდიდატი ქუთაისში, "ბაგრატის ტაძართან" წარადგინა. სამოქალაქო მოძრაობის კანდიდატი „ნაციონალური მოძრაობის“ პოლიტსაბჭოს წევრი გრიგოლ ვაშაძეა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
