მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აზარტული თამაშებისთვის თანხებს სწრაფი გადახდის აპარატებიდან ვეღარ ჩარიცხავენ - რას გულისხმობს ახალი რეგულაციები
11:51 / 06-06-2018
სათამაშო ბიზნესის რეგულირებისთვის კანონპროექტზე მუშაობა გრძელდება. საპარლამენტო უმრავლესობის წევრის, ლევან გოგიჩაიშვილის განმარტებით, მას შემდეგ, რაც მოხდება გარკვეული საკითხების ფინანსთა სამინისტროსთან შეჯერება, პარლამენტი კანონპროექტის განხილვას დაიწყებს.
გოგიჩაიშვილის თქმით, კანონპროექტი ითვალისწინებს ასაკობრივი ცენზის განსაზღვრას, რომელზე მუშაობაშიც საქართველოს საპატრიარქოც ჩართულია.
„საპარტრიარქო ითხოვს ასაკობრივი ცენზი განისაზღვროს 23-24 წლით. ჩვენ ვფიქრობთ, რომ 22 წელი ოპტიმალურია. საქართველოში თითოეულ თეთრს მნიშვნელობა აქვს, მოქალაქეები სამუშაო ადგილებით განებივრებული არ არიან და ხშირ შემთხვევაში, ეს აზარტული თამაშები ოჯახებისთვის პრობლემაა“ - განმარტავს გოგიჩაიშვილი.
დეპუტატის ინფორმაციით, რეგულაციების მიხედვით, აზარტულ თამაშებში ჩართვის მსურველი ონლაინ-კაზინოებში თანხებს საკუთარი საბანკო ანგარიშიდან გადარიცხავს. გარდა ამისა, აიკრძალება თანხების სწრაფი გადახდის აპარატებიდან გადარიცხვა. თამაშის მსურველმა ონლაინ-კაზინოს საკუთარი ანგარიში უნდა შექმნას, რომლის გამოყენების უფლება სხვას არ ექნება.
„ჩვენ ასევე ვითხოვთ მოთამაშეების ერთიანი რეესტრის შექნას, რათა რეგისტრაცია ყველაზე გავრცელდეს. საუბარია ერთიან ბაზაზე, რომელზეც წვდომა ექნება ყველას, ვინც ამ სფეროში იქნება, რადგან, მაგალითად, თუ მოთამაშეს სასამართლომ კაზინოში თამაში აუკრძალა, ამის შესახებ სადღაც ხომ უნდა გამოჩნდეს, მაგალითად, რომელიმე ტოტალიზატორი ამის შესახებ გადაამოწმებს ინფორმაციას. დაახლოებით, როგორც საბანკო სფეროშია, ასეთი ბაზა იქნება. თუ რეგისტრაციას არ გაივლი, მაშინ უკვე ონლაინ-კაზინოში ლეგალურად ვერ შეხვალ, არალეგალურ შესვლას კი თავისი სანქციები ექნება. ჩვენ არავის არაფერს ვუკრძალავთ, უბრალოდ, რეგისტრაციას ვითხოვთ, იმიტომ რომ ჩვენ უნდა დავთვალოთ, აზარტულ თამაშებში რამდენი მოქალაქეა ჩართული,“ - აღნიშნა ლევან გოგიჩაიშვილმა.
დეპუტატის თქმით, რეგულაციები გავრცელდება საჯარო მოხელეებზეც. კერძოდ, საჯარო სექტორში დასაქმებულ პირს აზარტულ თამაშებში ჩართვა აეკრძალება, რისთვისაც მას შესაძლოა, შესაბამისი დოკუმენტაციის წარდგენა დაევალოს.
„როცა გვინდა, რომ საჯარო მოხელეების სისტემაში ეს პრინციპი შემოვიტანოთ, ეს ნიშნავს, რომ ვერც ერთი საჯარო მოხელე, სანამ საჯარო სტრუქტურაში მუშაობს, საქართველოს ლეგალურ სივრცეში ოფიციალურად ვერ ითამაშებს. ჩვენ დიდი იმედი გვაქვს, რომ კერძო სექტორიც თავის რეგულაციებს გაავრცელებს, ეს მათზე დამოკიდებული იქნება. მაგალითად, ბანკს, რომელმაც ადამიანზე კრედიტი უნდა გასცეს, მივანდობთ, ჩადოს თუ არა აზარტული თამაშების საკითხი პირობაში. ეს განხორციელდება შესაბამისი საკნონმდებლო რეგულაციების ქვეშ, პირადი მონაცემების დაცვის კანონმდებლობით, ყველაფერი რა თქმა უნდა, კანონმდებლობის ჩარჩოებში იქნება. კონკრეტულ ადამიანზე კონკრეტული ინფორმაციის მიღების სისტემასაც ფინანსთა სამინისტრო უზრუნველყოფს“ - განმარტა ლევან გოგიჩაიშვილმა.
ლევან გოგიჩაიშვილის თქმით, კითხვები არსებობს სათამაშო ბიზნესის შემოსავლებთან დაკავშირებითაც. დეპუტატის განმარტებით, ონლაინ-კაზინოების ბრუნვის გადასახადი ამ ეტაპზე 7%-ია, ხოლო ე.წ მიწის კაზინოები სალიცენზიო გადასახადსა და თვითმმართველობის მოსაკრებლებს იხდიან, რა პრინციპიც შესაძლოა, გადაიხედოს.
"მე და ფინანსთა მინისტრს ე.წ მიწის კაზინოებთან შეხვედრა გვქონდა. ჩვენ მათ ვუთხარით, რომ ახლანდელი ბუღალტერია ვერ დარჩება. ეჭვი მაქვს, რომ ჩვენ რაღაცებს ვერ ვთვლით. იმისთვის რომ დავთვალოთ, გვჭირდება როგორც ფულის შესვლის, ისე გამოსვლის კონტროლი, ამიტომ ვფიქრობთ, რომ ერთიან საბუღალტრო სისტემას შევქმნით, რომელიც ყველაზე ერთნაირად გავრცელდება. ეს სისტემა აპრობირებულია ბევრ ქვეყანაში და მისი გამოყენებით საშუალება გვექნება, სათამაშო ბიზნესში ფულის დინების საკითხი ზუსტად გავაკონტროლოთ, რათა ბიუჯეტში გადასახადები ადეკვატური იყოს.
მიუხედავად იმისა, რომ ჩვენ ყველაფერი გავაკეთეთ, რათა გადასახადების ამოღება მაქსიმალურად მომხდარიყო, მაინც მგონია, რომ რაღაც სერიოზული თანხები ბიუჯეტში გვაკლდება. ჩვენ გვჭირდება ისეთი საბუღალტრო სისტემის შექმნა, რომელიც ამ თანხის ბრუნვის შესახებ ინფორმაციას 90%-დან 95%-მდე ზუსტად მოგვცემს. ახლა მე მგონია, რომ ბევრად ნაკლები ბუღალტერიაა და ამ მიმართულებითაც ვმუშაობთ,“ - განმარტა უმრავლესობის დეპუტატმა.
გოგიჩაიშვილმა ასევე აღნიშნა, რომ სათამაშო ბიზნესთან დაკავშირებული სახელმწიფო პოლიტიკა არა ადგილობრივ, არამედ უცხოეთიდან ჩამოსულ მომხმარებლებს ეხება. კერძოდ, იმ კაზინოებს, რომელთა საქმიანობაც ძირითადად, უცხოელ ვიზიტორებზე იქნება გათვლილი, შესაძლოა, მათ გარკვეული შეღავათებიც დაუწესდეთ.
„მთელი სისტემა გადაეწყობა, ისე რომ ამ სერვისში მაქსიმალურად მოხდეს ვიზიტორების ჩართულობა და საქართველოს მოქალაქე ნაკლები იყოს. საქართველოს მოქალაქეებისთვის ჩვენ გავაკეთებთ საგანმანათლებლო პროგრამებსა და რეგულაციებს და ეს პოლიტიკა იქნება მიმართული იმისკენ, რომ მთავარი აქცენტის გადატანა უცხოელ ვიზიტორზე მოხდეს. რა თქმა უნდა, ეს ნებაყოფლობით იქნება. კაზინოები იმაზე უნდა იყვნენ ორიენტირებული, რომ უცხოელი ვიზიტორია მთავარი. ჩვენ არ გამოვრიცხავთ, რომ იმ კაზინოებისთვის, რომლებიც მარტო უცხოელებზე ორიენტირდებიან, ვიფიქროთ შეღავათების დაწესებაზეც,“ - აღნიშნა საპარლამენტო უმრავლესობის წევრმა, ლევან გოგიჩაიშვილმა.
მისივე თქმით, ამჟამად აზარტულ თამაშებში ჩართული მოქალაქეების ზუსტი სტატისტიკური მონაცემები არ არსებობს, თუმცა სავარაუდოდ, 400 000-დან 600 000-მდე მოქალაქეა დაკავებული თამაშებით, რაც გოგიჩაიშვილის შეფასებით, უმძიმესი სოციალური ფონია.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
