მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზაზა სარალიძე - დანაშაულის დაფარვაზე, წესით, მირზა სუბელიანის პასუხისმგებლობის საკითხი უნდა დადგეს
17:22 / 09-05-2018
დანაშაულის დაფარვაზე წესით მირზა სუბელიანის პასუხისმგებლობის საკითხი უნდა დადგეს, მაგრამ ამას რამდენად გააკეთებს პროკურატურა ვერ გეტყვით, - ამის შესახებ ხორავას ქუჩაზე მოკლული მოზარდის დავით სარალიძის მამამ ზაზა სარალიძემ ჟურნალისტებს განუცხადა.
მან საქმეზე აქამდე ჩატარებული სასამართლო განხილვები შეაჯამა და აღნიშნა, რომ პროკურატურა ამ საქმეს, არსებული მოცემულობით, ანუ დანაშაულის ჩადენაში ორი ბრალდებულით მიიყვანს. ზაზა სარალიძის თქმით, პროცესების მიმდინარეობისას დანაშაულის სავარაუდო ჩამდენი რამდენიმე პირი გამოიკვეთა, რომლებთან მიმართებაშიც პროკურატურას არავითარი ნაბიჯი არ გადაუდგამს.
"რა მოცემულობაც ჰქონდა პროკურატურას თავიდანვე, რომ ეს ორი ბრალდებული წარადგინა სასამართლოში ამ ორ ბრალდებულს მიიყვანს ბოლომდე, სხვას არაფერს არ გამოკვეთავს. იდენტიფიცირებულია რამდენიმე დამნაშავე, თუნდაც დანაშაულის დაფარვასა და შეუტყობინებლობაში, მაგრამ სამწუხაროდ, პროკურატურის მხრიდან ამაზე რეაგირება არ ყოფილა. იმედია, განაჩენის დადგომის შემდეგ მაინც მიხედავენ ამ საქმეს ბოლომდე. ძალიან მეეჭვება, რომ ეს ყველაფერი გააკეთონ, მაგრამ მაინც ვიტოვებ იმედს, რომ პროკურატურა და ძალოვანი სტრუქტურები გონს მოეგებიან და ამ საქმეს ბოლომდე მიიყვანენ ისე, როგორც ეს საჭიროა", - განაცხადა ზაზა სარალიძემ.
მოკლულის მამა აცხადებს, რომ პროკურატურა ამ საქმეში გარკვეულ პირებს მფარველობს.
"დარწმუნებული ვარ, რომ პროკურატურა რამდენიმე ადამიანს მფარველობს და ამ რამდენიმე ადამიანიდან გამომდინარე, მფარველობს ყველა იმ პირს, ვინც ამ ინციდენტში მიიღო მონაწილეობა, რადგან გარკვეულწილად ყველა დამნაშავეა ვინც ამ კონფლიქტში მონაწილეობდა. ამ საქმეში გამოძიებულიც კი არ არის მესამე დანის მონაწილეობა, რაც გამოძიების ეტაპზე დადასტურებულია. კონფლიქტი რომელიც დაიწყო საპირფარეშოში, მოსაგვარებელი იყო თვითონ 51-ე სკოლაში და ამაში უცხო პირების ჩარევა არ იყო საჭირო, მაგრამ მაინც ჩაერივნენ, სამწუხაროდ და მოჰყვა კიდეც სავალალო შედეგი. გარდაცვლილია ჩემი შვილი და ლევან დადუნაშვილი", - განაცხადა ზაზა სარალიძემ.
რაც შეეხება პროკურატურის ყოფილი მაღალჩინოსნის მირზა სუბელიანის მიერ სავარაუდო დანაშაულის ჩადენას, დავით სარალიძის მამა ამბობს, რომ თუნდაც წინა პროცესიდან გამომდინარე, სუბელიანის მიმართ საგამოძიებო უწყებას გარკვეული ქმედებები უნდა განეხორციელებინა.
"მირზა სუბელიანის პასუხისმგებლობის საკითხი დასაყენებელია გუშინდელი პროცესიდან გამომდინარე, როდესაც მისი მეუღლის დის შვილმა დაადასტურა მირზა სუბელიანის მისვლა მათთან ოჯახში, შემთხვევიდან რამდენიმე საათში და როდესაც ჯერ კიდევ არ იყვნენ გადამალულები მ.კ. და ერთ-ერთი ბრადებული. დანაშაულის დაფარვაზე წესით მისი პასუხისმგებლობის საკითხი უნდა დადგეს, მაგრამ ამას რამდენად გააკეთებს პროკურატურა ვერ გეტყვით", - განაცხადა ზაზა სარალიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
