31
მარტიდღის ზოგადი ასტროლოგიური პროგნოზი
„ფეისბუქის“ მომხმარებლებს საშუალება ექნებათ, სოციალურ ქსელში პარტნიორები მოძებნონ, cbsnews.com-ის ინფორმაციით, ამის შესახებ მარკ ცუკერბერგმა ყოველწლიურ კონფერენციაზე განაცხადა.
მისი თქმით, სერვისს მომხმარებლები მხოლოდ სურვილის შემთხვევაში გამოიყენებენ და მათი მეგობრები ამის შესახებ ვერ შეიტყობენ. ამასთან, შეთავაზებული პარტნიორები არ იქნებიან „ფეისბუქმეგობრები“.
„სერვისი ფოკუსირებული იქნება ხანგრძლივ ურთიერთობაზე. ჩვენ ვცდილობთ, ხალხს დავეხმაროთ მნიშვნელოვანი ურთიერთობების ჩამოყალიბებაში,“ - განაცხადა ცუკერბერგმა.
დაინტერესებულ მომხმარებლებს საშუალება ექნებათ შექმნან გაცნობისთვის პროფილები, სადაც მხოლოდ მათი სახელი იქნება დაფიქსირებული და არა გვარი. სერვისი იქნება ცნობილი აპლიკაციის, „ტინდერის“ მსგავსი. მომხმარებლები შეძლებენ, ნახონ ღონისძიებები, რომელიც მათთან ახლოს იმართება და ასევე, შეეძლებათ გაიგონ, ვინ ესწრება ღონისძიებას.
ცუკერბერგის თქმით, „ფეისბუქის“ 200 მლნ მომხმარებელი მარტოხელაა, აშშ-ში კი სამიდან ერთი ქორწინება ონლაინურთიერთობის შედეგია.
სერვისით სარგებლობა რამდენიმე თვეში იქნება შესაძლებელი.
იხილეთ ვიდეო: "ფეისბუკს" გაცნობის და დაწყვილების სერვისი დაემატება
