სერგეი სკრიპალის კატა, რომელიც ნერვული აგენტით მოიწამლა, ვეტერინარებმა დააძინეს

ყოფილი ჯაშუშის, სერგეი სკრიპალის კატა ნერვული აგენტით მოწამვლის გამო დააძინეს, ინფორმაციას „ინდეფენდენთი“ ავრცელებს.

შავი სპარსული ჯიშის კატა სკრიპალის სახლში მძიმე მდგომარეობაში მყოფი აღმოაჩინეს.

ვეტერინარმა ცხოველის ევთანაზიის გადაწყვეტილება მიიღო, რათა ზედმეტი ტანჯვა აერიდებინა თავიდან.

სახლში შესულმა ვეტერინარმა იპოვა სკრიპალის მკვდარი ზღვის გოჭებიც. ვარაუდობენ, რომ ზღვის გოჭები არ იყვნენ მოწამლული და წყლის და საკვების გარეშე ყოფნის შედეგად დაიხოცნენ.

ქალაქ სოლსბერის საავადმყოფოში ნევრულ-პარალიტიკური ნივთიერებით მოწამლული ГРУ-ს ყოფილი პოლკოვნიკი სერგეი სკრიპალი და მისი ქალიშვილი იულია 4 მარტს გადაიყვანეს.