მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორი იყო "გორგიას" დირექტორის გატაცების გეგმა - შსს-ს მაღალჩინოსანი დეტალებზე საუბრობს
10:44 / 12-10-2017
ჰიპერმარკეტ "გორგიას" დირექტორის, გია გორგოშაძის გატაცებისას ბოროტმოქმედები ელექტროშოკების გამოყენებასაც გეგმავდნენ. ამის შესახებ Ambebi.ge-ს შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსმა მამუკა ჭელიძემ განუცხადა.
როგორც მან აღნიშნა, გამოძიებას საქმეში აქვს სხვადასხვა მასალები, მათ შორის აუდიო-ვიდეო მასალები, რომლითაც დგინდება, რომ ბოროტმოქმედები კარგად შეიარაღებული იყვნენ და ბიზნესმენის გატაცებას საკმაოდ დიდი ხნის განმავლობაში გეგმავდნენ.
მამუკა ჭელიძე ადასტურებს, რომ გატაცების შემთხვევაში, ბოროტმოქმედები ბიზნესმენისგან 5 მილიონი დოლარის გამოძალვას გეგმავდნენ. მისივე თქმით, პოლიციამ სპეცოპერაცია სწორედ იმ დღეს ჩაატარა, როდესაც გია გორგოშაძის გატაცება უნდა მომხდარიყო.
"ჯგუფი, რომელიც დავაკავეთ, საკმაოდ კარგად ორგანიზებული იყო. ჯგუფის წევრები დიდი ხნის განმავლობაში აკვირდებოდნენ ამ პიროვნების გადაადგილების და პირადი ცხოვრების გარკვეულ დეტალებს. უშუალოდ მოქმედებაზე გადავიდნენ მას შემდეგ, რაც 1 თვით ადრე იქირავეს ბინა იმავე კორპუსში, სადაც ბიზნესმენი ცხოვრობდა. ბინის ქირაობის ხელშეკრულებაც კი კონსპირაციის სრული დაცვით, უცხო ქვეყნის მოქალაქეზე დადეს. ნაქირავები სახლიდან ახდენდნენ თვალთვალს. მას შემდეგ, რაც დარწმუნდნენ გარკვეულ ტექნიკურ საკითხებზე, მათ დაიწყეს გატაცების განხორციელებაზე ფიქრი. 11 ოქტომბერი იყო დღე, როდესაც მათ უნდოდათ მოეხდინათ ბიზნესმენის გატაცება. მათ ჰქონდათ გარკვეული შეიარაღება, მათ შორის ცეცხლსასროლი იარაღები, ელექტროშოკები და ა.შ. განიხილავდნენ თავისუფლების აღკვეთის სხვადასხვა მეთოდოლოგიას. მათ გარკვეული როლებიც ჰქონდათ განაწილებული, თუ ვინ როგორ ახდენდა პიროვნების გატაცებას. თუ წინააღმდეგობა იქნებოდა, რა თქმა უნდა, განიხილავდნენ ბიზნესმენისთვის ფიზიკური დაზიანების მიყენებაც, კერძოდ ელექტროშოკებით გათიშვა", - განაცხადა მამუკა ჭელიძემ.
შსს-ს ცენტრალური კრიმინალური პოლიციის დეპარტამენტის, ორგანიზებულ დანაშაულთან ბრძოლის მთავარი სამმართველოს უფროსის თქმით, საქართველოს სამი და 1 უცხო ქვეყნის მოქალაქის დაკავება სასამართლოს განჩინების საფუძველზე მოხდა.
თორნიკე კოშკაძე
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
