მნიშვნელოვანი ინფორმაცია
8
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველად რესპუბლიკის ისტორიაში, დაღესტანს არადაღესტნელი მმართველი ჰყავს
09:21 / 04-10-2017
ყველასთვის მოულოდნელად, რუსეთის პრეზიდენტმა ვლადიმირ პუტინმა, დაღესტნის ლიდერი რამაზან აბდულატიპოვი გადააყენა და რესპუბლიკის დროებით მმართველად სახელმწიფოს დუმის ვიცე-სპიკერი, ერთიანი რუსეთის ხელმძღვანელი, ვლადიმირ ვასილევი დანიშნა...
ცვლილებას მოულოდნელსა და სენსაციურს უწოდებს რუსული მედია, რადგან დაღესტნის ისტორიის ბოლო ასი წლის განმავლობაში, დაღესტნის რესპუბლიკის ლიდერად არადაღესტნელი დაინიშნა. ვლადიმირ ვასილევი მოსკოვთან ახლოს, ქალაქ კლინში დაიბადა, მამა ყაზახი ჰყავს, დედა - რუსი... 2003 წელს ის რუსეთის სახელმწიფო დუმის დეპუტატად აირჩიეს, შემდეგ კი, წლების განმავლობაში, ადგილობრივ შსს-ში მუშაობდა. გარკვეული დროის განმავლობაში, მინისტრის მოადგილეც იყო. ის წოდებით გენერალ-პოლკოვნიკია...
რუსული მედია შსს-ს მაღალჩინოსნის დაღესტნის ავტონომიის ლიდერად დანიშვნას საკმაოდ ლოიალურად შეხვდა... თუმცა, გარკვეულმა ნაწილმა დაღესტანს ახალი ხელმძღვანელობის პირობებში, საკმაოდ მძიმე პერიოდი "უწინასწარმეტყველა".
მათივე თქმით, ეს საკადრო ცვლილებების მხოლოდ დასაწყისია, - კრემლი ჩრდილოეთ კავკასიაში მხოლოდ ახლა იწყებს... ცნობისთვის კი, ეს მისი პირველი სვლა არ ყოფილა, 2015 წელს ჩრდილოეთ ოსეთის რესპუბლიკის ლიდერად აწ უკვე გარდაცვლილი, სახელმწიფო დუმის დეპუტატი ტამერლან აგუზაროვი დანიშნეს, არადა, იმ წლებში ამ თანამდებობისთვის სხვა, გაცილებით კვალიფიციური კადრები იბრძოდნენ...
ზუსტად იგივე სცენარი განმეორდა დაღესტანშიც - როგორც კი რამაზან აბდულატიპოვის გათავისუფლების შესახებ გავრცელდა ინფორმაცია, მაშინვე გამოიკვეთა რამდენიმე კანდიდატურა, მათ შორის, დაღესტნის ექსპრეზიდენტი გამოგედსალამ მაგომედოვი, თუმცა, საბოლოოდ, მეტად სახიფათო რეგიონში პუტინის ნდობით აღჭურვილმა პირმა "გაიმარჯვა", რომლის გვარი რეალურ კანდიდატებს შორის არც კი გახმოვანებულა...
რუსული მედიის თქმით, პუტინის პოლიტიკა, ჩრდილოეთ კავკასიის რეგიონებში ძალოვანი სტრუქტურების წარმომადგენლები დანიშნოს, სხვა არაფერია, თუ არა მეტი სიფრთხილე, რათა იქ ვითარება კონტროლიდან არ გამოვიდეს და კრემლი სიტუაციას სრულად ფლობდეს.
ვლადიმირ პუტინის პოლიტიკური ხაზის გაგრძელებად შეიძლება მივიჩნიოთ ინგუშეთის მეთაური იუნუს-ბექა ევკუროვი, ყაბარდო-ბალყარეთის ხელმღვანელი იური კოკოვი და რა თქმა უნდა, ჩეჩნეთის პრეზიდენტი, პუტინის ფავორიტი რამზან კადიროვი, რომელიც ზემოთ ჩამოთვლილებიდან ყველაზე ახალგაზრდა იყო, როდესაც პუტინმა ჩეჩნეთის ლიდერად აირჩია...
რუსული მედიის ერთი ნაწილის თქმით, კრემლი ვა-ბანკზე მიდის, როდესაც ასეთ მომენტში, მუდმივი "აფეთქებების" ფონზე, რასაც "ეფესებე" სისხლში ახშობს, ასეთ ლიდერს უნიშნავს. ეს ნიშნავს, დაღესტანში სპეცოპერაციებისა და დაკავებების ახალი ტაღლა დაიწყება... "ჯერ კიდევ საბჭოთა კავშირის დროს, ამ რესპუბლიკაში ავარები და დაღესტნელები ერთმანეთს ცვლიდნენ, ასე რომ, მაშინ ასეთი გამოთქმაც კი არსებობდა - თუ ძირძველი ერები ერთმანეთთან ვერ თანხმდებიან, საუკეთესო გამოსავალი, რუსის დაძახებაა..."- წერს რუსული მედია, რომლის თქმითაც, დაღესტნელთა უმეტესობის შეფასებით, კრემლის ნაბიჯი იმის დემონსტრირებაა, რომ ისინი რესპუბლიკაში მეორეხარისხოვნები არიან...
არადა, დაღესტანში კონფლიქტი უკვე იმ სტადიაშია, რომ რესპუბლიკას კრიზისულ სიტუაციებში მართვის უნარის მქონე მენეჯერი, დაღესტანში ავტორიტეტული პიროვნება სჭირდებოდა, რომელიც ვითარებას სწორად და ცივი გონებით შეაფასებდა და რეალური გამოსავლის პოვნაზე დაფიქრდებოდა. თუმცა, ვლადიმირ ვასილევს დაღესტანში მუშაობის არავითარი გამოცდილება არ აქვს, როგორც ჩანს, მას ძალოვნებში თავისი გუნდის იმედი აქვს, რომელმაც ახალი კადრები უნდა შემოიკრიბოს და რესპუბლიკაში ვითარების მართვას ამგვარად შეეცდება...
"ახლა კი, კრემლი დაღესტნის ხელმძღვანელობას მთლიანად ფედერალურ ცენტრს აძლევს და აცხადებს, რომ დაღესტანს ურთიერთობის ახალი ფურცლიდან დაწყების შანსს აძლევს - ახლა თქვენნაირი მმართველი სჭირდება რესპულიკას, ადამიანი, რომელსაც უკვე საკმაოდ კარგი პოლიტიკური წონა აქვს და ჩემი შეხედულებით, თქვენ სწორად შერჩეული კადრი ხართ, - მიმართა ვლადიმირ პუტინმა დაღესტნის ახალ ხელმძღვანელს, რომელიც ფაქტობრივად გაწირა, ოღონდ მანამდე დაღესტანს კიდევ ერთი სისხლიანი "რეფორმები" და "საკადრო ცვლილებები" გადაუვლის",- წერს რუსული პრესა.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
