მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამაზ საყვარელიძე - მეეჭვება, რომ მიხეილ სააკაშვილი უკრაინაში ჩავიდეს, ადრეც უთქვამს - აი, მოვდივარო, მაგრამ მერე გვინახავს, რომ ადვილად შეუცვლია გეგმები
05:14 / 08-09-2017
პოლიტოლოგ რამაზ საყვარელიძის შეფასებით, ყოფილი პრეზიდენტის, მიხეილ სააკაშვილის ბოლოდროინდელ განცხადებებში შეშფოთებული ინტონაცია გაჩნდა, რაც მის შესაძლო დაკავებას უკავშირდება.
როგორც "ინტერპრესნიუსს" საყვარელიძემ განუცხადა, გამორიცხული არაა სააკაშვილმა საკუთარი გეგმები შეცვალოს და 10 სექტემბერს უკრაინაში არ ჩავიდეს. ამასთან, პოლიტოლოგის აზრით, მიხეილ სააკაშვილის საერთო გეგმებში არსებითი ცვლილება მოსალოდნელი არაა, ვინაიდან ყოფილ პრეზიდენტს არ სურს, რომ მისი პერსონის მიმართ ინტერესი გაქრეს.
"მომეჩვენა, რომ შეშფოთებული ინტონაცია გაჩნდა მის კომენტარებში, რაც გამოქვეყნდა ამ დღეებში. ლაპარაკობს დაკავებაზე, როგორც შესაძლო მოვლენაზე, ოღონდ, რა თქმა უნდა, მიაჩნია, რომ არ დააკავებენ, რადგან წამგებიანია. ასევე, რა თქმა უნდა, საინტერესოა უკრაინელების ხელახალი შეკითხვა დაკავების თაობაზე. რაც შეეხება სააკაშვილის ნაბიჯებს, მეეჭვება, რომ მან არსებითად შეცვალოს საკუთარი გეგმები, რადგან საკმარისია ის, ასე ვთქათ, ბუჩქებში ჩაჯდეს, მისი პიროვნების მიმართ ინტერესი, რომლის გარეშეც უჭირს გაძლება, შეიძლება საერთოდ გაქრეს. ამიტომ მან რაიმე სახით მაინც უნდა გააგრძელოს უკრაინის ხელისუფლების ნერვებზე თამაში. თუმცა მეც მეეჭვება, რომ ამჟამად იმ ვადაში, რა ვადაც დათქმული აქვს, ჩავიდეს უკრაინაში. არაერთხელ გაუკეთებია ანალოგიური განცხადება საქართველოსთან დაკავშირებით - აი მოვდივარ, სხვა გზას მოვნახავ და ა.შ. მაგრამ მერე გვინახავს, რომ ადვილად შეუცვლია გეგმები. არც ახლა არის გამორიცხული გეგმების ცვლილება. მაგალითად, დატოვოს ვერსია, რომ ჩავალ სხვა დროს. დაკავება სერიოზული მოვლენაა მისთვის, რადგან თუკი გადმოსცეს საქართველოს, მას, როგორც ჩანს, არ აქვს იმის იმედი, რომ საქართველოში მისი ყოფნა კომფორტული იქნება", - განაცხადა რამაზ საყვარელიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
