მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სახლში დაწურული ღვინით დაწყებული ოჯახური ბიზნესი - Loladze Family Winery
03:17 / 25-07-2017
საქართველო მსოფლიო ბაზარს უამრავ ქართულ ტრადიციულ პროდუქტს სთავაზობს, უცხოელებისთვის კარგადაა ცნობილი ქართული ღვინო, რომლითაც საქართველოს თითქმის ყველა კუთხე გამოირჩევა.
ქართული ღვინის ბაზარზე უამრავ მწარმოებელთა შორის გამოირჩევა Loladze Family Winery, ლოლაძეების ოჯახის ღვინის წარმოება, რომელიც ღვინის მოყვარულებს დახვეწილი გემოსა და განუმეორებელი არომატის ღვინოებს სთავაზობს. კომპანიის ერთ-ერთი დამფუძნებელი გიორგი ლოლაძე გვიყვება, რომ ოჯახური წეს-ჩვეულება, ყოველ წელს დაეყენებინათ ღვინო, ერთ დღეს ბიზნესად იქცა და თან ისეთი მოთხოვნადი გახდა, რომ Loladze Family Winery-ის ღვინოები ხშირად დეფიციტურიცაა.
გიორგი ლოლაძე Loladze Family Winery-ს ერთ-ერთ დამფუძნებელი:
"თავდაპირველად ოჯახში ღვინოს ყოველწლიურად ვწურავდით, ამ საქმეში ჩემი ძმაც იყო ჩართული, ერეკლე მაშინ ჯერ კიდევ მე-10 კლასში იყო, დღეს კი აგრარულ უნივერსიტეტში სწავლობს და ჩვენი მთავარი ტექნოლოგია.
ჩვენი საქმე ბიზნესად 2012 წელს ვაქციეთ. 2012 წელს საცდელად თბილისის ღვინის ფესტივალზე სინჯები გავიტანეთ, ეთნოგრაფიულ მუზეუმში ღია დეგუსტაცია მოეწყო, იქვე გამოჩნდნენ პირველი მაღაზიები, რომელთაც ჩვენს მიმართ ინტერესი გამოხატეს. საერთოდ არ ვფიქრობდით, რომ ჩვენი ღვინო ბოთლებში ჩამოგვესხა და მისი რეალიზაცია მოგვეხდინა, თუმცა, რამდენიმე მაღაზიამ გვთხოვა და ჩვენი დაწურული ღვინო სარეალიზაციოდ გავამზადეთ. პირველი ჩამოსხმა სულ რაღაც 100 ბოთლამდე იყო. ამ ეტაპზე 2000-დან 3000 ბოთლამდე ვაწარმოებთ, მომავალში სულ მცირე 10 ათას ბოთლამდე გაზრდას ვაპირებთ", - ამბობს გიორგი.
ამ ეტაპზე სოფელ მისაქციელში, Loladze Family Winery-ს საოჯახო ვენახია გაშენებული, სადაც ახალი საწარმო შენდება. როგორც გიორგი ლოლაძე ამბობს, ახალ საწარმოში 60 ათასი ბოთლის წარმოება იქნება შესაძლებელი. Loladze Family Winery-ს ვენახები გურჯაანის რაიონის სოფელ კარდენახშიც აქვს, ასევე ჰყავთ მუდმივი მომწოდებლები - მუკუზანიდან, მანავიდან, ქართლიდან.
ღვინის მოყვარულებს კომპანია მუკუზნისა და ხაშმის საფერავს, კახურ მწვანეს და რქაწითელს სთავაზობს.
"ყოველ წელს ვცდილობთ ახალ-ახალი ღვინოები დავნერგოთ ჩვენს წარმოებაში. ექსპერიმენტის შედეგი იყო კახური მწვანეც და მუკუზნის საფერავიც, რომლებიც შემდეგ წარმოებაში ჩავუშვით", - ამბობს გიორგი.
ბიზნესის განვითარება Loladze Family Winery-მ "თიბისი ბანკის" პროგრამა "სტარტაპერის" მხარდაჭერით შეძლო. სტარტაპერის ფარგლებში კომპანიამ სტარტაპსესხით ისარგებლა, რაც მათ ახალი ინვენტარის შეძენაში დაეხმარა.
"ჩვენი სურვილია, რომ ღვინის ტურიზმი დავნერგოთ. ვცდილობთ ჩვენი მეწარმეობა ახალი კუთხით განვავითაროთ, საგანმანათლებლო-საინფორმაციო ტურები მოვაწყოთ. ამისთვის სოფელ მისაქციელში სალექციო-სადეგუსტატიო დარბაზსაც ვაშენებთ.
სამომავლოდ ვფიქრობთ გავაფართოვოთ ჩვენი წარმოება. ბაზარზე ჩვენი პროდუქციის მიმართ საკმაოდ დიდი მოთხოვნაა. მომავალი წლიდან ვფიქრობ, შევძლებთ რომ ღვინო ექსპორტზეც გავიტანოთ და ქართული ბაზარის მოთხოვნებიც სრულად დავაკმაყოფილოთ", - ამბობს გიორგი ლოლაძე.
#სტარტაპერი #გვეამაყები
ფოტოები: Advan/ედვენი
ეკა გადახაბაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
