მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯულიანა ფანტასტიკური გოგოა..." - რატომ გამოუცხადა გიორგი ბახუტაშვილმა საკუთარ თავს ბრძოლა
10:29 / 11-04-2017
მსახიობ გიორგი ბახუტაშვილის გულშემატკივრებს სიურპრიზი ელით, მალე მას სრულიად სხვა ამპლუაში იხილავენ - ის "იმედის" ეთერში ცეკვას იწყებს...
რეპეტიციებს უკვე აქტიურად გადის და ცეკვა ძალიანაც მოსწონს. როგორც ამბობს, "ცეკვავენ ვარსკვლავებმა" მას აიძულა, საკუთარ თავს ბრძოლა გამოუცხადოს!..
- მანამდეც იყო ამ თემაზე ლაპარაკი, სხვა სეზონებზე, მაგრამ რაღაც ეს საკითხი ვერ გვარდებოდა, ეტყობა, ყველაფერს თავისი დრო აქვს. ახლა "იმედის" პროდიუსერებმა შემომთავაზეს პროექტში მონაწილეობა და ამ საინტერესო გამოწვევას უკვე დავთანხმდი.
- ადრე რატომ არ თანხმდებოდი?
- სხვა ტელევიზიასთან ვთანამშრომლობდი, - "ფორმულა კრეატივთან" ხელშეკრულება მქონდა გაფორმებული.
- ახლა აღარ გაქვს მათთან ხელშეკრულება?
- არა.
- "ჩემი ცოლის დაქალების" ბოლო სეზონის ერთ-ერთ სერიაში რომ გამოჩნდა შენი პერსონაჟი, ახალ ამპლუაში (სასულიერო პირი)?
- ეს ერთჯერადი თანამშრომლობა იყო.
- არადა, მაყურებელს ეგონა, ამბავი მამა ცოტნეს გარშემო უნდა განვითარებულიყო...
- გამორიცხული არაფერია. მამა ცოტნე სერიალში უკვე არსებობს და როგორ გაგრძელდება ამბავი, ეს არავინ იცის.
- ცეკვის გამოცდილება როგორც მსახიობს გაქვს, ხომ?
- ვერ ვიტყვი, რომ ამ სფეროსთან ისეთი შეხება მქონია, რომ ახლა ის გამოცდილება განსაკუთრებულად მეხმარება, მაგრამ ამ საქმესთან ძალიან შორსაც არ ვარ. მსახიობი ვარ და ხან მოცეკვავე ვიქნები და ხან - ქირურგი. ამასთან, "თეატარალურში" კარგი პედაგოგები მყავდა. მუსკომედიის თეატრშიც ქორეოგრაფიულ სპექტაკლში ცეკვა მიწევს. მოკლედ, როცა მჭირდებოდა, ვცეკვავდი და ვცეკვავ.
- ე.ი. გიყვარს ცეკვა.
- კი, მის მიმართ გულგრილი არ ვარ. თან, ერთგვარად, სტრესისგან გათავისუფლებაა. მაგრამ როცა პროფესიონალურ დონეზე გიწევს ცეკვა, აქ სხვა რაღაც გჭირდება... რეპეტიციები უკვე დავიწყეთ და იმდენ რაღაცაზე მიწევს ერთდროულად ფიქრი, რომ ვერც წარმოიდგენთ. ყველაფერს ყურადღება უნდა მიაქციო, ჩვეულებრივი სპორტია! ისეთი ძალისხმევა სჭირდება, როგორც სპორტს, მერე ფსიქოლოგიური და ფიზიკური მზადყოფნაც აუცილებელია, - ამ ყველაფერს უნდა გაუძლო. სიტუაციას ისიც ართულებს, რომ ის ცეკვები, რასაც პროფესიონალები ხანგრძლივად სწავლობენ, ჩვენ მათ შესასწავლად ძალიან მცირე დრო გვაქვს, სწრაფად გვიწევს ბევრი ცეკვის ათვისება (კვირიდან კვირამდე), მაგრამ "ექშენია", ბრძოლაა საკუთარ თავთან, ნებისყოფასთან, სისუსტეებთან და კონკურენტებთან.
- როგორც გავიგე, შენი პარტნიორი ჯულიანა ბარგნარია...
- ჯულიანა ფანტასტიკური გოგოა. როგორც მეუბნება, კმაყოფილია, რასაც მასწავლის, ადვილად ვითვისებ. გარდა იმისა, რომ პროფესიონალია და კარგად ცეკვავს, კარგი გოგოა, ჩემი თანამოაზრეა, ერთმანეთის გვესმის. ამიტომაც მიადვილდება მუშაობა. მოკლედ, პარტნიორში გამიმართლა.
- მეუღლე მხარს გიჭერს და გგულშემატკივრობს?
- ჩვენ ერთმანეთის გადაწყვეტილებებს პატივს ვცემთ. დიახ, მხარს მიჭერს და ჩემი პირველი გულშემატკივარი და შემფასებელია.
- ეს სამზადისი სპექტაკლის პრემიერის წინა გაწყობილებას თუ ჰგავს?
- წინასაპრემიერო ღელვას ეს არ ჰგავს. სპექტაკლში ჩემს საქმეს ვაკეთებ, ის პროფესიაა, მაგრამ აქაც შევეცდები, ისე გამოვიყურებოდე, რომ ესეც ჩემი საქმე გავხადო. მოკლედ, ახლა ყველაფერი გამოცდას უფრო ჰგავს: ბევრ რამეს ცდი, მათ შორის, ნებისყოფას. წარმატებას რომ მიაღწიო, ომები უნდა მოიგო. მე უკვე დავიწყე ჩემს თავთან ბრძოლა, ვარჯიში, სწორი კვება და ა.შ. მოკლედ, სრულ მზადყოფნაში ვარ.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
