"რუს­თა­ვი 2"-ის საქ­მე­ში და­ინ­ტე­რე­სე­ბულ მხა­რედ აშ­კა­რად იკ­ვე­თე­ბა დღე­ვან­დე­ლი მთავ­რო­ბა, - ამის შე­სა­ხებ ნათ­ქვა­მია "რუს­თა­ვი 2"-ის დამ­ფუძ­ნებ­ლე­ბის და­ვით დვა­ლი­სა და ჯარ­ჯი აქი­მი­ძის წე­რილ­ში.

დვა­ლი და აქი­მი­ძე "რუს­თა­ვი 2"-ის ირ­გვლივ ბოლო პე­რი­ოდ­ში გან­ვი­თა­რე­ბულ მოვ­ლე­ნებს ეხ­მა­უ­რე­ბი­ან.

"ინ­ტერპრეს­ნი­უ­სი" და­ვით დვა­ლი­სა და ჯარ­ჯი აქი­მი­ძის წე­რილს უც­ვლე­ლად გთა­ვა­ზობთ:

"პირ­ველ რიგ­ში, გრძელ­დე­ბა ნა­ძარ­ცვის გა­და­ნა­წი­ლე­ბა. ეს თა­ვის­თა­ვად არ არის ახა­ლი ფაქ­ტი: მას შემ­დეგ, რაც 2004-ში "ნა­ცი­ო­ნა­ლუ­რი მოძ­რა­ო­ბის" მთავ­რო­ბამ "რუს­თა­ვი 2" უკა­ნო­ნოდ ჩა­მო­არ­თვა მის დამ­ფუძ­ნებ­ლებს და ამით ფეხ­ქვეშ გა­თე­ლა თა­ვი­სუ­ფა­ლი სი­ტყვის, თა­ვი­სუ­ფა­ლი მე­დი­ი­სა და კერ­ძო სა­კუთ­რე­ბის უფ­ლე­ბე­ბი, არ შე­წყვე­ტი­ლა მცდე­ლო­ბა, რომ, რაც შე­იძ­ლე­ბა, მე­ტად და­ე­შო­რე­ბი­ნათ "რუს­თა­ვი 2" მისი დამ­ფუძ­ლებ­ლე­ბის­გან და ამით მაქ­სი­მა­ლუ­რად გა­ერ­თუ­ლე­ბი­ნათ კა­ნო­ნი­ე­რი მფლო­ბე­ლე­ბის­თვის წარ­თმე­უ­ლი "რუს­თა­ვი-2"-ის უკან დაბ­რუ­ნე­ბის შე­საძ­ლებ­ლო­ბა. დღემ­დე ეს ხდე­ბო­და შე­და­რე­ბით "მარ­ტი­ვი" მე­თო­დით, ანუ ხე­ლი­დან ხელ­ში უკა­ნო­ნო გა­და­ფორ­მე­ბა­თა სე­რი­ე­ბით. 2012 წელს, ხე­ლი­სუფ­ლე­ბის შეც­ვლის­თა­ნა­ვე, ჩვენ - "რუს­თა­ვი 2"-ის დამ­ფუძ­ნებ­ლებ­მა შე­ვი­ტა­ნეთ გან­ცხა­დე­ბა პრო­კუ­რა­ტუ­რა­ში საქ­მის გა­მო­ძი­ე­ბის მო­თხოვ­ნით. მი­უ­ხე­და­ვად იმი­სა, რომ საქ­მე აღიძ­რა და უამ­რა­ვი მოწ­მე და­ი­კი­თხა, პრო­კუ­რა­ტუ­რა უკვე 5 წე­ლია დუმს. ის არ გვაძ­ლევს არა­ნა­ირ დას­კვნას იმის შე­სა­ხებ, ჩა­ი­დი­ნეს თუ არა უმაღ­ლე­სი თა­ნამ­დე­ბო­ბის პი­რებ­მა "რუს­თა­ვი 2"-ის დამ­ფუძ­ნებ­ლე­ბის წი­ნა­აღ­მდეგ და­ნა­შა­უ­ლი 2004 წელს. ნე­ბის­მი­ე­რი ადა­მი­ა­ნი დაგ­ვე­თან­ხმე­ბა, რომ საქ­მის არ­ნა­ხუ­ლი აქ­ტუ­ა­ლო­ბის ფონ­ზე, სა­ხელ­მწი­ფოს მხრი­დან 5-წლი­ა­ნი დუ­მი­ლი იწ­ვევს ბუ­ნებ­რივ ეჭვს, რომ "ქარ­თუ­ლი ოც­ნე­ბის" მთავ­რო­ბა და­ინ­ტე­რე­სე­ბუ­ლია პრო­ცე­სის მაქ­სი­მა­ლუ­რად გა­ჭი­ა­ნუ­რე­ბით ან სრუ­ლი­ად შე­წყვე­ტით. ამ ეჭ­ვებს ამ­ყა­რებს ბოლო დროს გან­ვი­თა­რე­ბუ­ლი მოვ­ლე­ნე­ბი, რომ­ლებ­ზეც ქვე­ვით მო­გახ­სე­ნებთ.

ბოლო პე­რი­ოდ­ში ამ პრო­ცეს­მა გან­სხვა­ვე­ბუ­ლი ელ­ფე­რი შე­ი­ძი­ნა. თუკი აქამ­დე საქ­მეს, ასე ვთქვათ, ორი ძი­რი­თა­დი პო­ლუ­სი ჰქონ­და, ერთი მხრივ, "რუს­თა­ვი-2"-ის დამ­ფუძ­ნე­ბე­ლი კა­ნო­ნი­ე­რი მფლო­ბე­ლე­ბი­სა და მე­ო­რე მხრივ, მათი მძარ­ცვე­ლი "ნა­ცი­ო­ნა­ლუ­რი მოძ­რა­ო­ბის" სა­ხით, ახლა სცე­ნა­ზე ახა­ლი მოქ­მე­დი პი­რე­ბი გა­მოჩ­ნდნენ. პირ­ველ რიგ­ში, სა­სა­მარ­თლო­ში "რუს­თა­ვი 2"-ზე პრე­ტენ­ზია გა­ნა­ცხა­და შუ­ა­ლე­დურ­მა დრო­ე­ბით­მა მფლო­ბელ­მა ქი­ბარ ხალ­ვაშ­მა. ჩვენ სრუ­ლი­ად არ გა­მოვ­რი­ცხავთ, რომ იგი მარ­თლაც წარ­მო­ად­გენ­დეს "ნა­ცი­ო­ნა­ლუ­რი მოძ­რა­ო­ბის" მთავ­რო­ბის მიერ უკა­ნო­ნოდ დრო­ე­ბით გა­მო­ყე­ნე­ბულ და შემ­დეგ ასე­ვე უკა­ნო­ნოდ და­ზა­რა­ლე­ბულ მხა­რეს. ამ მხრივ ჩვენ აბ­სო­ლუ­ტუ­რად თა­ნა­ვუგ­რძნობთ მას, ისე­ვე, რო­გორც რე­ჟი­მის სხვა უამ­რავ მსხვერ­პლს. მაგ­რამ ამა­ვე დროს ყვე­ლამ უნდა გა­ი­აზ­როს, რომ სა­მარ­თლი­ა­ნო­ბის აღ­დგე­ნა "რუს­თა­ვი 2"-ის საქ­მე­ში შე­უძ­ლე­ბე­ლია შე­მო­ი­ფარ­გლოს მხო­ლოდ შუ­ა­ლე­დუ­რი მფლო­ბე­ლის ინ­ტე­რე­სე­ბის აღ­დგე­ნით, მა­შინ, რო­დე­საც და­ნა­შა­უ­ლის პირ­ვე­ლი მსხვერ­პლი სრუ­ლი­ად იგ­ნო­რი­რე­ბუ­ლია პო­ლი­ტი­კო­სე­ბი­სა და სა­მარ­თალ­დამ­ცვე­ლე­ბის მიერ.

მე­ო­რე გა­რე­მო­ე­ბა, რო­მელ­მაც მოქ­მე­დი გმი­რე­ბის გამ­რავ­ლე­ბა გა­მო­იწ­ვია, არის პრო­ცე­სე­ბი "ნაც­მოძ­რა­ო­ბის" შიგ­ნით, რა­მაც ამ მოძ­რა­ო­ბის, მი­ნი­მუმ, ორ ფრთად გა­ყო­ფა გა­მო­იწ­ვია. სრუ­ლი ინ­ფორ­მა­ცი­ის ფლო­ბის გა­რე­შე რთუ­ლია იმა­ზე ლა­პა­რა­კი, თუ რამ­დე­ნად არა­ფორ­მა­ლუ­რია ეს გა­ყო­ფა, თუმ­ცა­ღა ის ოფი­ცი­ა­ლუ­რად გა­ფორ­მე­ბუ­ლია. შე­სა­ბა­მი­სად, გა­სა­გე­ბია, რომ ადრე თუ გვი­ან, აუ­ცი­ლებ­ლად დად­გე­ბო­და "რუს­თა­ვი 2"-ის ამ ორი ძა­ლის მიერ გა­ყო­ფის სა­კი­თხი.

და ბო­ლოს, "რუს­თა­ვი 2"-ის საქ­მე­ში და­ინ­ტე­რე­სე­ბულ მხა­რედ აშ­კა­რად იკ­ვე­თე­ბა დღე­ვან­დე­ლი მთავ­რო­ბა. ამის უტყუ­ა­რი სა­ბუ­თი არის სწო­რედ ის, რომ უკვე 5 წე­ლია პრო­კუ­რა­ტუ­რა იგ­ნო­რი­რე­ბას უკე­თებს დამ­ფუძ­ნებ­ლე­ბის ლე­გი­ტი­მურ მო­თხოვ­ნას საქ­მის გა­მო­ძი­ე­ბის დას­კვნის გა­მოქ­ვეყ­ნე­ბის შე­სა­ხებ. ასე­ვე ამას ადას­ტუ­რებს დამ­ფუძ­ნებ­ლე­ბის სრუ­ლი იგ­ნო­რი­რე­ბა მმარ­თვე­ლი ძა­ლის პო­ლი­ტი­კო­სე­ბის მიერ.

რაც შე­ე­ხე­ბა უახ­ლეს მოვ­ლე­ნებს. ამ მოვ­ლე­ნებ­ში ქი­ბარ ხალ­ვა­შის როლი, რო­მე­ლიც საქ­მის გა­და­წყვე­ტას სტრას­ბურ­გის სა­სა­მარ­თლო­ში ელის, აქ­ტი­უ­რად არ იკ­ვე­თე­ბა. შე­სა­ბა­მი­სად, მას არ შე­ვე­ხე­ბით. ეს მოვ­ლე­ნე­ბი ძი­რი­თა­დად სამ მოქ­მედ პირს (ორად გა­ყო­ფი­ლი "ნა­ცი­ო­ნა­ლუ­რი მოძ­რა­ო­ბა" და "ქარ­თუ­ლი ოც­ნე­ბის" მთავ­რო­ბა) შო­რის მიმ­დი­ნა­რე­ობს. იმი­სათ­ვის, რომ მოვ­ლე­ნე­ბის არსს ჩავ­წვდეთ, ჯერ უნდა გა­მოვ­კვე­თოთ, რა სურს თი­თო­ე­ულ მხა­რეს "რუს­თა­ვი 2"-თან მიმ­რთე­ბით. "ნა­ცი­ო­ნა­ლუ­რი მოძ­რა­ო­ბის" ორი­ვე ფრთის სურ­ვი­ლი მარ­ტი­ვი გა­სა­გე­ბია: ორი­ვეს სურს შე­ი­ნარ­ჩუ­ნოს ტე­ლე­ვი­ზია სა­კუ­თა­რი პარ­ტი­უ­ლი მიზ­ნე­ბის­თვის. რა სურს მთავ­რო­ბას? მთავ­რო­ბას სურს შეძ­ლე­ბის­დაგ­ვა­რად მარ­თვა­დი ოპო­ზი­ცი­უ­რი ტე­ლე­ვი­ზია. რა თქმა უნდა, "ოც­ნე­ბას" ეს­მის, რომ ამ სი­ტუ­ა­ცი­ა­ში "რუს­თა­ვი 2"-ზე სრუ­ლი კონ­ტრო­ლის დამ­ყა­რე­ბა გა­უ­ჭირ­დე­ბა და ალ­ბათ, არც იქ­მნი­ან ამის ილუ­ზი­ას. მაგ­რამ ეს არც არის სა­ჭი­რო, ვი­ნა­ი­დან "ოც­ნე­ბის" და "ნაც­მოძ­რა­ო­ბის" ინ­ტე­რე­სე­ბი ნა­წი­ლობ­რივ ემ­თხვე­ვა. საქ­მის ძი­რი­თა­დი არსი ისაა, რომ არც ერთ მხა­რეს არ სურს და­მო­უ­კი­დე­ბე­ლი და ობი­ექ­ტუ­რი ტე­ლე­ვი­ზი­ის არ­სე­ბო­ბა! "რუს­თა­ვი 2"-ის ფსევ­დო­ო­პო­ზი­ცი­ურ ტე­ლე­ვი­ზი­ად არ­სე­ბო­ბა მთავ­რო­ბა­საც ხელს აძ­ლევს და "ნაც­მოძ­რა­ო­ბის" ორი­ვე ფრთა­საც: ოპო­ზი­ცი­უ­რი ტე­ლე­ვი­ზია, გან­სა­კუთ­რე­ბით, თუკი ის არა­ო­ბი­ექ­ტუ­რია, ერთი მხრივ, გა­მა­ღი­ზი­ა­ნე­ბე­ლია ამომ­რჩევ­ლის დიდი ნა­წი­ლის­თვის და მე­ო­რე მხრივ, მას ყო­ველ­თვის შე­გიძ­ლია და­აბ­რა­ლო, რომ ის მი­კერ­ძო­ე­ბუ­ლია. სა­მი­ვე მხა­რეს კარ­გად ეს­მის, რომ ტე­ლე­ვი­ზი­ას მხო­ლოდ მა­შინ აქვს შან­სი იყოს და­მო­უ­კი­დე­ბე­ლი და მი­უ­კერ­ძო­ე­ბე­ლი, თუკი ის დამ­ფუძ­ნებ­ლებს და­უბ­რუნ­დე­ბა. სა­მი­ვე მხა­რე მაქ­სი­მა­ლუ­რად შე­ეც­დე­ბა, ეს არ და­უშ­ვას. სწო­რედ ამ მი­უ­კერ­ძო­ე­ბე­ლი ტე­ლე­ვი­ზი­ის ში­შით აიხ­სნე­ბა ის, რომ სა­მი­ვე მხა­რე სრულ იგ­ნო­რი­რე­ბას უკე­თებს დამ­ფუძ­ნებ­ლებს. ამას გარ­და, აშ­კა­რაა ფა­რუ­ლი მცდე­ლო­ბა - სა­ზო­გა­დო­ე­ბას შე­უქ­მნან აზრი, თით­ქოს დამ­ფუძ­ნებ­ლე­ბი ერთ ან მე­ო­რე მხა­რეს­თან არი­ან აფი­ლი­რე­ბუ­ლი.

ამ ყვე­ლაფ­რის ფონ­ზე რას­თან გვაქვს დღეს საქ­მე? აშ­კა­რაა, რომ სა­მი­დან, მი­ნი­მუმ, ორი მხა­რე, რო­მელ­შიც აუ­ცი­ლებ­ლად იგუ­ლის­ხმე­ბა "ქარ­თუ­ლი ოც­ნე­ბა", ერ­თმა­ნეთს გა­უ­რიგ­და ნა­ქურ­და­ლის კი­დევ ერთხელ გა­და­ნა­წი­ლე­ბა­ზე. ამ გა­რი­გე­ბის ჩრდი­ლო­ვა­ნი ფი­ნან­სუ­რი მხა­რის მას­შტა­ბე­ბი ჩვენ მხო­ლოდ შეგ­ვიძ­ლია ვი­ვა­რა­უ­დოთ "რუს­თა­ვი 2"-ის მოქ­მე­დი დი­რექ­ტო­რის მიერ სა­ჯა­როდ გაჟ­ღე­რე­ბუ­ლი მის­თვის შე­თა­ვა­ზე­ბუ­ლი 10 მი­ლი­ო­ნი­დან გა­მომ­დი­ნა­რე. ამ გა­რი­გე­ბა­ში ყვე­ლა­ზე ცი­ნი­კუ­რი მოჩ­ვე­ნე­ბი­თი დე­მოკ­რა­ტი­უ­ლო­ბის ფა­სა­დის შექ­მნის მცდე­ლო­ბაა. მარ­თლაც­და, ერთი შე­ხედ­ვით, დე­მოკ­რა­ტი­უ­ლად გა­მო­ი­ყუ­რე­ბა შე­თა­ვა­ზე­ბა, რომ წი­ლე­ბი თა­ნამ­შრომ­ლებ­ზე გა­და­ნა­წილ­დეს. ამ სვლას, სა­ვა­რა­უ­დოდ, და­ერ­თვე­ბა გა­რე­შე მა­რე­გუ­ლი­რე­ბე­ლი "მი­უ­კერ­ძო­ე­ბე­ლი" საბ­ჭოს, ან ბორ­დის შექ­მნა, რაც შექ­მნის სრუ­ლი დე­მოკ­რა­ტი­უ­ლო­ბის ფა­სადს. სი­ნამ­დვი­ლე­ში გა­სა­გე­ბია, რომ შე­უძ­ლე­ბე­ლია ნა­ქურ­და­ლის გა­და­ნა­წი­ლე­ბით რა­ი­მე დე­მოკ­რა­ტი­უ­ლის მი­ღე­ბა, ისე­ვე, რო­გორც, მა­გა­ლი­თად, ბოლ­შე­ვი­კე­ბის მიერ ჩა­მორ­თმე­უ­ლი ქო­ნე­ბის "ყვე­ლას­თვის" და­რი­გე­ბას არ მო­უ­ტა­ნია არც სა­მარ­თლი­ა­ნო­ბა და არც დე­მოკ­რა­ტია. ამ უკა­ნო­ნოდ ჩა­მორ­თმე­უ­ლი წი­ლე­ბის მო­რი­გი გა­და­ნა­წი­ლე­ბით მი­ვი­ღებთ შემ­დეგს: ტე­ლე­ვი­ზი­ას გა­ა­კონ­ტრო­ლე­ბენ მხო­ლოდ თა­მა­შის წე­სე­ბის მი­მართ ლო­ი­ა­ლუ­რი ადა­მი­ა­ნე­ბი. ასე­ვე და­კომ­პლექტდე­ბა ბორ­დი ლო­ი­ა­ლუ­რი ფსევ­დო­ო­პო­ზი­ცი­უ­რი "ინ­ტე­ლექ­ტუ­ა­ლე­ბით", ვი­ნა­ი­დან შე­უძ­ლე­ბე­ლია სა­ღად მო­აზ­როვ­ნე პა­ტი­ო­სან­მა ადა­მი­ან­მა აი­ღოს ნა­ქურ­და­ლი­დან წილი, ან მო­ნა­წი­ლო­ბა მი­ი­ღოს ნა­ქურ­და­ლი ტე­ლე­ვი­ზი­ის­თვის დე­მოკ­რა­ტი­უ­ლი ფა­სა­დის შექ­მნა­ში. ეს უკა­ნას­კნე­ლი კი­დევ უფრო დიდი მო­რა­ლუ­რი და­ნა­შა­უ­ლია, ვიდ­რე თვით ქურ­დო­ბის ფაქ­ტი. ჩვენ იმედს გა­მოვ­თქვამთ, რომ არც ერთი პა­ტი­ო­სა­ნი ადა­მი­ა­ნი არ შე­უ­ერ­თდე­ბა ამ ამო­რა­ლურ გა­რი­გე­ბას და არ აუბ­ნევს თავ­გზას ჩვენს სა­ზო­გა­დო­ე­ბას, რო­მელ­საც დღეს ფაქ­ტობ­რი­ვად წარ­თმე­უ­ლი აქვს ობი­ექ­ტუ­რი ინ­ფორ­მა­ცი­ის მი­ღე­ბის უფ­ლე­ბა.

და­სას­რულს, გვინ­და აღ­ვნიშ­ნოთ, რომ თა­ნამ­შრომ­ლებ­ზე წი­ლე­ბის გა­და­ნა­წი­ლე­ბის იდეა ჩვენ ჯერ კი­დევ 2004-ში გვქონ­და გაჟ­ღე­რე­ბუ­ლი, რა­მაც სა­ბო­ლოო ჯამ­ში მხო­ლოდ და­აჩ­ქა­რა ჩვენ­თვის ტე­ლე­ვი­ზი­ის წარ­თმე­ვის პრო­ცე­სი. იმ­დრო­ინ­დე­ლი მთავ­რო­ბის ინ­ტე­რე­სებს ეწი­ნა­აღ­მდე­გე­ბო­და კო­ლექ­ტუ­რად მარ­თვა­დი და­მო­უ­კი­დე­ბე­ლი ტე­ლე­ვი­ზი­ის არ­სე­ბო­ბა. პრობ­ლე­მაა ისაა, რომ ის, რაც დღეს კეთ­დე­ბა, არის უკა­ნო­ნო და პირ­და­პირ ეწი­ნა­აღ­მდე­გე­ბა დე­მოკ­რა­ტი­ის და სა­მარ­თლი­ა­ნო­ბის პრინ­ცი­პებს. ყო­ველ­გვა­რი ლა­პა­რა­კი სა­მარ­თლი­ა­ნო­ბა­სა და დე­მოკ­რა­ტი­ულ სა­ზო­გა­დო­ე­ბა­ზე დარ­ჩე­ბა სი­ყალ­ბედ, სა­ნამ "რუს­თა­ვი 2" მის დამ­ფუძ­ნებ­ლებს არ და­უბ­რუნ­დე­ბა", - ნათ­ქვა­მია წე­რილ­ში, რო­მე­ლიც ჯარ­ჯი აქი­მი­ძემ და და­ვით დვალ­მა Mედია.Gე-ს მი­ა­წო­დეს და სა­დაც გად­მო­ცე­მუ­ლია მათი მო­საზ­რე­ბა, თუ რა ხდე­ბა "რუს­თა­ვი-2"-ის გარ­შე­მო