მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ადამიანი, რომელიც არასოდეს დამავიწყდება
03:32 / 23-03-2017
ზაზა ურუშაძის ფილმის "მანდარინების" მთავარი როლის შემსრულებელი, ესტონელი მსახიობი ლემბიტ ულფსაკი გარდაიცვალა.
ქართველმა რეჟისორმა უფროსი მეგობრის გარდაცვალების შესახებ ფეისბუქზე დაწერა: "ძალიან დამწყდა გული, გარდაიცვალა მანდარინების მთავარი როლის შემსრულებელი, ჩემი უფროსი მეგობარი და არაჩვეულებრივი ადამიანი ლემბიტ ულფსაკი".
მხატვრული ფილმი "მანდარინები" 2013 წელს გადაიღეს. ფილმში, რომელიც საქართველოსა და ესტონეთის სახელით "ოსკარზე" იყო წარდგენილი საუკეთესო უცხოური ფილმის კატეგორიაში, მთავარ როლებს მიხეილ მესხი, გიორგი ნაკაშიძე, ლემბიტ ულფსაკი და ელმო ნიუგანენი ასრულებენ. "მანდარინების" სიუჟეტი ვითარდება აფხაზეთის ომის დროს. ლემბიტ ულფსაკი ფილმში აფხაზეთში მცხოვრები ესტონელი მოხუცის - ივოს როლს ასრულებს.
ერთ-ერთი ინტერვიუში, ზაზა ურუშაძემ კითხვაზე: "რომ გთხოვოთ იმ ადამიანის გახსენება, რომელიც არასდროს გავიწყდებათ, ვის დაასახლებდით?" - ასე უპასუხა:
- ჩემს ცხოვრებაში ასეთი რამდენიმე ადამიანი იყო ან არის... პირველ რიგში, მამაჩემს - რამაზ ურუშაძეს (თბილისი "დინამოს" და საბჭოთა კავშირის ნაკრების მეკარე. - ავტ.) დავასახელებდი, მაგრამ ახლა მასზე წინ ბაბუას დავაყენებ. დედაჩემის მამა - ივანე იმნაძე 90-იან წლებში გარდაიცვალა... რაც უფრო გადის, მით უფრო მეტად ვრწმუნდები, რომ ეს ადამიანი არასდროს დამავიწყდება. მინდა მას ვგავდე, მაგრამ ვფიქრობ, რომ ვერ "გავქაჩავ"... ყველა ასპექტში სრულყოფილი, მისაბაძი და ღირსეული პიროვნება გახლდათ. პროფესიით ექიმი იყო... სხვათა შორის, ჩემი ბოლო ფილმის - "მანდარინები" მთავარი გმირი - ივო საოცრად ჰგავს მას და უფრო მეტიც, ამ პერსონაჟის შექმნის იდეა ბაბუაჩემმა შთამაგონა. ივოც ისეთივე ღირსეული კაცია, როგორიც ვანო ბაბუა იყო. როდესაც ფილმს უყურებენ, ვერც კი იჯერებენ, რომ მსგავსი ადამიანები რეალურად არსებობენ, თუმცა მისით აღფრთოვანებული რჩებიან... იდეალიზებული გმირია. მყარად ატარებს მისთვის მთავარ პრინციპებს და უნდა, ეს ყველაფერი მომავალ თაობასაც გადასცეს... ივო ქართულ მიწაზე მცხოვრები ესტონელია, რომელიც მის სახლში მოხვედრილ დაჭრილ ქართველსა და ჩეჩენ მეომარს (მოსისხლე მტრებს) შეარიგებს, დაამეგობრებს და ზნეობის საოცარ მაგალითს გვიჩვენებს...
ზუსტად მისნაირი იყო ბაბუა. ბავშვობაში მორალზე, ადამიანის დანიშნულებაზე, მამაკაცისთვის საჭირო და აუცილებელ თვისებებზე მელაპარაკებოდა. თავისი ცხოვრებითაც დაამტკიცა, რომ ამქვეყნად სიკეთითა და სიყვარულით უნდა იცხოვრო", - ამბობს ზაზა ურუშაძე.
ლალი ფაცია
AMBEBI.GE
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
