მნიშვნელოვანი ინფორმაცია
8
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მომავალი წლიდან გადასახადი ავტოსატრანსპორტო საშუალებების ზეთებზეც გაიზრდება
10:15 / 06-12-2016
საწვავთან ერთად საავტომობილო ზეთების ფასიც გაიზრდება, - აღნიშნულ ინფორმაციას ეკონომიკური პორტალი "ბიზნესპრესნიუსი" ავრცელებს.
როგორც Bpn.ge წერს, მთავრობის მიერ დაგეგმილი ცვლილებების მიხედვით, მომავალი წლიდან აქციზის გადასახადი არა მარტო ავტომობილებსა და საწვავზე, არამედ ავტოსატრანსპორტო საშუალებების ზეთებზეც გაიზრდება. კანონპროექტის მიხედვით, ზეთებზე აქციზი 400-დან 800 ლარამდე გაიზრდება.
"2017 წლის 1-ელი იანვრიდან ნავთობპროდუქტზე და ავტოსატრანსპორტო საშუალებების საწვავად გამოყენებულ ბუნებრივ აირზე, აქციზის განაკვეთები გაიზრდება. კერძოდ: 1 ტონა ბენზინზე აქციზის განაკვეთი იზრდება 250 ლარიდან 500 ლარამდე, 1 ტონა დიზელზე - 150 ლარიდან 400 ლარამდე, ავტოსატრანსპორტო საშუალებების საწვავად გამოყენებულ 1000 მ3 ბუნებრივ აირზე 80-დან 200 ლარამდე, ხოლო ავტოსატრანსპორტო საშუალებების ზეთებზე 400-დან 800 ლარამდე," - ნათქვამია საგადასახადო კოდექსში ცვლილების შეტანის შესახებ კანონპროექტში.
"ეკოტრანსპორტცენტრის" ხელმძღვანელი ვასილ ურუშაძე "ბიზნესპრესნიუსთან" საუბრისას ამბობს, რომ აქციზის ზრდა პროდუქტის ფასზეც აისახება და საზეთსაპოხი მასალები დაახლოებით 10-15%-ით გაძვირდება.
"იმპორტიორი და დისტრიბუტორი კომპანიები არა მგონია დიდი კრიზისის წინაშე აღმოჩნდნენ, უბრალოდ მოუწევთ ფასის გაზრდა. რაც საბოლოოდ პროდუქტის საცალო თვითღირებულებაზე აისახება. მეორე მხრივ, შეიძლება უფრო დაბალი საზეთსაპოხი მასალების მოთხოვნა გაჩნდეს. ეს კი ცუდია, რადგან დაბალი ხარისხის ზეთების გამოყენება პერიოდულად ავტომობილების ტექნიკურ გაუმართაობას იწვევს, რაც საბოლოოდ, ეკოლოგიაზე უარყოფითად აისახება," - განაცხადა ურუშაძემ.
ავტოექსპერტი ზურაბ ბეჟაშვილი კი აღნიშნავს, რომ საჭიროა განმარტება - აქციზი იზრდება 1 ტონაზე თუ 100 ლიტრ საავტომობილო ზეთზე. სწორედ ამაზეა დამოკიდებული, თუ რამდენით გაძვირდება პროდუქცია. მისივე თქმით, თუ აქციზი 1 ტონა ზეთზე 800 ლარამდე გაიზრდება, თავად ლიტრი ზეთის საფასური დაახლოებით, 80 თეთრით ან 1 ლარით მოიმატებს.
ბეჟაშვილი მოსალოდნელ საფრთხეებზეც საუბრობს და აცხადებს, რომ გარკვეულწილად, ალბათ, კონტრაბანდაც იჩენს თავს. გარდა ამისა, თავად მოქალაქეები მოძებნიან იაფფასიან ზეთს, ზოგი არ გამოცვლის ზეთს, რადგან ძვირი ეღირება, რაც გარემო პირობებს უფრო მეტად დააბინძურებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
