მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გადაგდებული" ცნობილები, ანუ როგორ ტოვებენ უხელფასოდ ქართველ სელებრითებს
00:02 / 19-12-2016
არაკეთილსინდისიერ დამქირავებლს არაერთი ადამიანის საქმიანი ინტერესები ემსხვერპლა. მათ შორის არიან ქართველი სელებრითებიც, რომლებსაც კუთვნილი ანაზღაურების მიღება, სხვადასხვა მეთოდებით ან დიდი ხნის ლოდინის შემდეგ უწევთ.
ზუზუ ბეჟაშვილი - მსახიობი
მსახიობი ზუზუ ბეჟაშვილი თაღლითობის მსხვერპლი სულ ცოტა ხნის წინ გახდა. მას ნინო ჩხეიძის ტელევიზიაში წამყვანობა შესთავაზეს, რამდენიმე გადაცემა ჩაწერა და კუთვნილი ანაზღაურება დღემდე არ მიუღია. ზუზუმ ამის შესახებ საჯაროდ განაცხადა, მაგრამ ფაქტზე არანაირი რეაგირება არ მომხდარა. "არ ამიღია ის თანხა. მომატყუა ვინმე გიორგი ჯაფარიძემ, რომელიც გადაცემას აკეთებდა "აფხაზეთის ხმაზე", ჩემს გარდა, თურმე ბევრი ადამიანი ჰყავს მოტყუებული" - გვითხრა ზუზუმ.
თამუნა მუსერიძე - ტელეწამყვანი
"ადრე უფრო ხშირად ვხდებოდი მოტყუებული, ახლა ცოტა მოწესრიგდა ჩვენს სფეროში ეს საკითხი. განსაკუთრებით ცუდად მახსენდება ერთი შემთხვევა, რამდენიმე წლის წინ, კახეთში ღია ცის ქვეშ ტარდებოდა ახალი წლის კონცერტი. დაგვიკავშირდა ერთ-ერთი რეჟისორი, რომლის გვარსაც შეგნებულად არ დავასახელებ, მე და მომღერლებს შემოგვთავაზა გარკვეული სახის პირობები და წავედით კახეთში. როცა კონცერტი დასრულდა, აღმოჩნდა, რომ არც ერთი ორგანიზატორი აღარ იყო იქ, გაიპარნენ და დავრჩით მშივრები, ტრანსპორტის გარეშე ახალი წლის ღამეს კახეთში. დიდი ამბავი მოჰყვა ამ ფაქტს, სახლში მიდიოდნენ მასთან ფულის ასაღებად, ზოგს კლიპი გადაუღო უფასოდ და ა.შ. ახლა დარეგულირდა ცოტა ეს საკითხი, კონტრაქტები ფორმდება და თანხის ნაწილს წინასწარ მირიცხავენ".
მირიან ჯეჯელავა - ტელეწამყვანი, მსახიობი
"ხშირად იქმნება პრობლემები კუთვნილი ჰონორარის დროულად აღებაზე. თუმცა, კონკრეტულად ვერცერთ ფაქტს ვერ გამოვყოფ. სამწუხაროდ, ყოველთვის თავს ვიკავებთ კონტრაქტების გაფორმებისგან, ყველას გვეზარება და ეს არის იმის მიზეზი, რომ დროულად ვერ ვიღებთ თანხას. არ ყოფილა ისეთი შემთხვევა, რომ საბოლოოდ არ მიმეღოს კუთვნილი ჰონორარი, მაგრამ ზოგჯერ დიდი ხნის გასვლის შემდეგ მიხდიან. კონტრაქტებს რომ ვაფორმებდეთ, სამართლებრივად მოვედავებით", - ამბობს მიკი ჯეჯელავა.
ნანკა კალატოზიშვილი - მსახიობი
მსახიობმა ნანკა კალატოზიშვილმა რამდენიმე თვის წინ ვიდეორგოლი გაავრცელა, საიდანაც გაირკვა, რომ "ჯი დი ეს"-ზე მას და რამდენიმე მსახიობს, სერიალში გადაღების სანაცვლოდ კუთვნილ ჰონორარს არ ურიცხავდნენ. როგორც აღმოჩნდა, ვიდეოს გავრცელების შემდეგ ნანკას "ჯი დი ეს"-მა კუთვნილი ჰონორარი დაურიცხა. "ის თანხა სრულიად დაგვიფარეს. შეიძლება ვიღაცას დაუგვიანონ გადახდა, მაგრამ დამოკიდებულება იყოს ადამიანური. აქ დამოკიდებულება იყო არასწორი და ამიტომ გავავრცელე ის ვიდეომიმართვა".
მანანა აბრამიშვილი - მსახიობი
დამქირავებლის მხრიდან სიცრუის მსხვერპლი რამდენიმე თვის წინ მსახიობი მანანა აბრამიშვილიც გახდა. მას "რუსთავი 2" კუთვნილ ჰონორარს 6 თვის მანძილზე არ უხდიდა. ამის შესახებ, მანანამ სოციალურ ქსელშიც დაწერა და "დილა მშვიდობისა საქართველომ" ხელფასი სტატუსის გავრცელების შემდეგ ჩაურიცხა. აღსანიშნავია, რომ მანანას და "რუსთავი 2"-ის თანამშრომლობა მას შემდეგ აღარ გაგრძელდა.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ იყოფა მეუღლეთა თანასაკუთრებაში არსებული ქონება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
