მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იტალიელი ექიმის თემის გაგრძელება - როგორ მოხვდა დავიდე ვანონი თბილისში და ვინ არიან მისი პაციენტები
07:44 / 16-11-2016
AMBEBI.GE-ს სტატიას - "იტალიელი ექიმის "ქართული ავანტიურა" მკითხველის დიდი გამოხმაურება მოჰყვა. სტატია ეხება პროფესორ დავიდე ვანონის, რომელსაც იტალიური ტელეკომპანიის ინფორმაციით სამედიცინო საქმიანობა აკრძალული აქვს როგორც იტალიაში, ასევე მის ფარგლებს გარეთ, თუმცა თბილისის ერთ-ერთ კერძო კლინიკაში მუშაობს და პაციენტებსაც იღებს.
AMBEBI.GE-ს მიერ მოკვლეული ინფორმაციით, დავიდე ვანონი თბილისში მარდალეიშვილის კლინიკაში მუშაობს და პაციენტებს მხოლოდ ელექტრონული ფოსტის საშუალებით იღებს. არაერთი მცდელობის მიუხედავად, კლინიკის წარმომადგენლებმა ჩვენთან კომენტარი არ გააკეთეს. თუმცა, როცა სტატია გამოქვეყნდა, ონკოლოგიის სამედიცინო კვლევითი ცენტრის დირექტორი გიორგი ლოლაძე დაგვიკავშირდა, რომელმაც დავიდე ვანონის საქმიანობის შესახებ ისაუბრა:
"ვანონი თავად დაგვიკავშირდა და ჩვენს კლინიკაში იჯარით აიღო ფართი. იტალიაში მუშაობა ძვირი უჯდებოდა და ამიტომაც ჩამოვიდა საქართველოში. მისი ფირმა თავად ირჩევს პაციენტებს, ჩვენ კონტრაქტსაც კი არ ვაფორმებთ მკურნალობით დაინტერესებულ პირებთან. ანალოგიურ პროექტებზე ჩვენი კლინიკაც მუშაობს და ამიტომ მოგვმართა დავიდე ვანონიმ. მისი მკურნალობის მეთოდები უკეთესია. მასთან გაფორმებული გვაქვს ხელშეკრულება, ჩვენი კლინიკა დონორებისგან იღებს ძვლის ტვინის უჯრედებს და შემდეგ ეს უჯრედები შეგვყავს ორგანიზმში. ჩვენ ვსწავლობთ უჯრედის კონცენტრაციას, ბაქტერიოლოგიურად და ვირუსულად რომ არ იყოს დაბინძურებული.
- იცოდით, რომ დავიდე ვანონის იტალიაშიც და მის ფარგლებს გარეთაც აკრძალული აქვს სამედიცინო საქმიანობა?
- არ ვიცოდი ამის შესახებ. ჩვენ უბრალოდ, ვნახეთ მის მიერ გამოქვეყნებული რამდენიმე სტატია, როგორი მეთოდით მკურნალობდა პაციენტებს და გადავწყვიტეთ, თუ კარგი შედეგები ექნებოდა ჩვენთანაც დაგვენერგა უჯრედების მომზადების მისი მეთოდი.
- რატომ არ მიმართეთ ჯანდაცვის სამინისტროს რეგულირების სააგენტოს?
- სამედიცინო საქმიანობას ვანონი არ აწარმოებს, ქართველი ექიმები ჰყავს დაქირავებული, თვითონ არის ფირმის მეპატრონე და დირექტორი. ამ კომპანიას აქვს ჩვენთან ფართი დაქირავებული. მე მიკვეთავს ორ სერვისს - ძვლის ტვინის აღებას და გამზადებული სუსპენსიით ორგანიზმში შეყვანას. ამიტომაც არ მივმართეთ რეგულირების სააგენტოს.
- ბევრი პაციენტები ჰყავს?
- უფრო დიდი მოლოდინი ჰქონდა, მაგრამ თვეში 2-3 პაციენტი მიმართავს და მხოლოდ უცხოელები.
- რატომ არ მიმართავენ ქართველი პაციენტები?
- ჩემი სურვილი იყო, არ მიეღო ქართველი პაციენტები. ეს ისეთი პროცედურაა, რასაც ხანგრძლივი დრო სჭირდება, სანამ შედეგს ვნახავთ, გადავწყვიტეთ ქართველი პაციენტები არ მიეღო. 2-3 წელი დასჭირდება საბოლოო შედეგის ნახვას.
- კურნავს ადამიანებს მისი მეთოდი?
- ნორმალური შედეგები აქვს. უმძიმესი კონტიგენტია ნეიროდეგენერაციული დაავადების მქონე ადამიანები, რომლებსაც განკურნების არანაირი შანსი არ აქვთ. ასეთი პაციენტებისთვის დიდი შვებაა სტაბილიზაცია, რომელსაც დავიდე ვანონიმ ყველა პაციენტის მკურნალობისას მიაღწია.
იმის გასარკვევად, იტალიელი ექიმის საქართველოში საქმიანობასთან დაკავშირებით, ჯანდაცვის სამინისტრო შესაბამისი ზომების მიღებას აპირებს თუ არა, AMBEBI.GE ჯანდაცვის სამინისტროს რეგულირების სააგენტოს დაუკავშირდა. უწყების ინფორმაციით, მარდალეიშვილის კლინიკაში აღნიშნულ ფაქტზე დაწყებულია მოკვლევა და ოფიციალური განცხადება მოკვლევის დასრულების შემდეგ გაკეთდება.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
