6
აპრილიდღის ზოგადი ასტროლოგიური პროგნოზი
"ნუ წახვალ იქ, მოდი აქ" - ირაკლი ჩარკვიანის ეს სიტყვები შთაგონების წყარო კრეატიული სააგენტო "HOLMES &WATSON"-ისთვის გახდა.
სიმღერის ტრანსფორმაცია 12 სხვადასხვა მუსიკალურ ჟანრსა და 12 ვიდეოგადაწყვეტაში - ის შედეგია, რომელიც ამ ინსპირაციას მოჰყვა და თიბისი ბანკის საკომუნიკაციო კამპანიად იქცა, ისე, როგორც თავიდანვე იყო ჩაფიქრებული.
ყველაფერი იმით დაიწყო, რომ თიბისი ბანკი თავისი მთავარი გზავნილის - საუკეთესო მომსახურების - საკომუნიკაციო კამპანიის დასაგეგმად "HOLMES &WATSON"-ში მივიდა. ამ უკანასკნელმაკომპოზიტორ ზურა მახნიაშვილთან, დიზაინერებთან, მსახიობებთან, რეჟისორებთან მუშაობის შედეგად რეკლამისა და არტის საინტერესო კომბინაცია შექმნა.
პირველად საქართველოში, ირაკლის სიმღერის 12 განსხვავებული მუსიკალური ვარიანტი გაკეთდა. http://modiaq.ge. ეს ვერსიები მალე სრული სახით ალბომში იქნება თავმოყრილი, რომლის პრეზენტაციას თიბისი ბანკი წლის ბოლოს გვპირდება.
"მოდი აქ" მინისერიებში, რომელშიც 50-ზე მეტმა არტისტმა მიიღო მონაწილეობა, ყველა საკუთარი გემოვნების შესაფერისსტილს აღმოაჩენს. მაგალითად,ბრიტანული თუ ამერიკული როკის მოყვარულითავისი ფავორიტი მუსიკით მიიღებს ბანკის გზავნილს.ასევე კარგად იგრძნობენ თავს ჰიპ-ჰოპის, ბლუზის, კლასიკური ოპერის, ელექტრონული მუსიკის, ჯაზის, საბავშვო მუსიკის, რომანტიკული ბალადის, დისკოს და, თქვენ წარმოიდგინეთ, რაგბის ("თიბისი ბანკი" საქართველოს ეროვნული ნაკრების გენერალური სპონსორიცაა) მოყვარულებიც.
"HOLMES &WATSON" -ის არტ-დირექტორი გიორგი ქვლივიძე: "ახალი კამპანია "მოდი აქ" წინა კამპანიის "ვინც არ უნდა იყო" (სლოგანით "საუკეთესო მომსახურება საქართველოში") გაგრძელებაა, რომელიც ბაზირებულია ფსიქოლოგ კარლ იუნგის 12 არქეტიპზე. ამ თეორიის მიხედვით, ნებისმიერი ადამიანი შეესაბამება 12-დან ერთ-ერთ არქეტიპს. სწორედ ამიტომ ავარჩიეთ სხვადასხვა ხასიათის 12 კომპოზიცია. მომხმარებლისთვის ნაცნობი და საყვარელი კომპოზიცია "მოდი აქ" სხვადასხვა სტილებში გავაცოცხლეთ და ახალი ჟღერადობა მივეცით. ირაკლი ჩარკვიანი კი მარტივი მიზეზის გამო შევარჩიეთ. ჩვენი აზრით, ირაკლის ეს სიმღერა ყველაზე კარგად ესადაგება ბანკის გზავნილს. ამ კამპანიის მე-12 განსახიერება თავად ჩარკვიანის ტრიბიუტი იქნება".
ეს მრავალფეროვანი მუსიკალური ინტერპრეტაციები კომპოზიტორმა და არანჟერმა, 4000-ზე მეტი მუსიკალური ნაწარმოების არანჟირების ავტორმა, ზურა მახნიაშვილმა ააჟღერა შესაბამის ჟანრებში.მუსიკოსი 1980-იანების მიწურულს ირაკლი ჩარკვიანთან ერთად ჯგუფშიც უკრავდა. მათთან ერთად ამ უსახელო მუსიკალურ კოლექტივის წევრები იყვნენ: დათო ევგენიძე, ზაზა მიმინოშვილი და ანრი ბასილაია. ისინი ფიუჟენის სტილსასრულებდნენ ჯაზისა და პოპის მინარევებით. ჯგუფის დაშლის შემდეგ მუსიკოსი დამოუკიდებლად მუშაობს და სხვადასხვა დროს თითქმის ყველა ქართველ პოპ-შემსრულებელთან აქვს პროექტები გაკეთებული.
კომპოზიტორი ზურა მახნიაშვილი:"ირაკლისთან მეგობრობა მაკავშირებდა, სწორედ ამიტომ ორმაგი პასუხისმგებლობით მივუდექი ამ სამუშაოს. იდეა და მუსიკალური სტილები ბანკის თანამშრომლებმა მომაწოდეს.შევეცადეთ, ისეთი მუსიკალური ჟანრები აგვერჩია, რომლებიც საზოგადოებას განსაკუთრებით მოსწონს. აუცილებლად უნდა ითქვას, რომ ირაკლის სიტყვები ბანკისთვის შესანიშნავი სლოგანი გამოდგა. ახლა ვმუშაობ ამ სარეკლამო რგოლების სრულ ვერსიებზე, მოგეხსენებათ, რეკლამაში მხოლოდ 30 წამიანი ვერსიებია გამოყენებული. მალე მსმენელი ამ ვერსიების სრულ კომპოზიციებს მიიღებს ალბომის სახით".
ქეთათო ჩარკვიანი:"სიმღერა სადღაც 2004-2005 წელს დაიწერა. მისი ინსპირაცია დასარტყამების პარტია გახდა, რომლითაც "მოდი აქ" იწყება. სწორედ ამ პარტიაზე მოიფიქრა ირაკლიმ ჯერ მისამღერი "ნუ წახვალ იქ, მოდი აქ" და შემდეგ უკვე დაწერა დანარჩენი ტექსტი. ჩვენისურვილი იყო, სიმღერა საცეკვაო გამოსულიყო. ირაკლის და მე კომპოზიცია ისე მოგვეწონა, სამსიმღერიანი სინგლი გამოვეცით იმავე სახელწოდებით "მოდი აქ". საბოლოოდ კი სიმღერა შევიდა2007 წლის ალბომში "ძირს მეფე", რომელიც ირაკლის გარდაცვალებიდან ერთი წლისთავზე გამოვიდა. "თიბისი ბანკის" ეს აქცია ძალიან მომეწონა, რამდენიმე ვერსია განსაკუთრებით, მაგალითად, სვინგ-ვერსია, – ეს ჩემი გემოვნებიდან გამომდინარე. მე საერთოდ არაფერში ჩავრეულვარ. იდეა კი ძალიან კარგია, რადგან სხვადასხვა გემოვნების ადამიანებზეა მორგებული".
© ლაშა გაბუნია
R
