იუმორისტი გიორგი აფციაური პოლიტიკაში მიდის

იუმორისტი გიორგი აფციაური პოლიტიკაში მიდის. ამის შესახებ, მსახიობმა რამდენიმე წუთის წინ "ambebi.ge"-ს განუცხადა.

- გადავწყვიტე დამოუკიდებელ მაჟორიტარად კენჭი ვიყარო ნაძალადევის რაიონში. ამაზე დიდხანს ვფიქრობდი და რამდენიმე დღის წინ შევიტანე განაცხადი დარეგისტრირებაზე.

ჩემს ძირითად საქმიანობას თავს ვანებებ, იუმორისტის ჟანრში არ გამოვჩნდები ტელევიზიით, მაგრამ ახალგაზრდებს დავეხმარები სცენარების დაწერაში. პოლიტ-მეცნიერებაზე ვსწავლობ და დიდი პრაქტიკული გამოცდილებაა ეს ჩემთვის. მყავს საკუთარი გუნდი და რამდენიმე დღეში ახალი სტანდარტით დავიწყებ საარჩევნო კამპანიას, რომელიც შემოქმედებითი და დადებითი მუხტის მომგვრელი კამპანია მექნება.

- რას პირდებით მოსახლეობას?

- რამდენიმე დღეში ჩამოვყალიბდებით საბოლოო საარჩევნო კამპანიაზე და ყველა დაპირება ცნობილი გახდება მოსახლეობისთვის. მოსახლეობას დავპირდები იმა,ს რასაც შევძლებ და ჩემი საარჩევნო კამპანია ოპონენტების ლანძღვაზე არ იქნება აგებული.

იხილეთ ვიდეო

თამარ ბოჭორიშვილი

AMBEBI.GE