მნიშვნელოვანი ინფორმაცია
8
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თამაზ მეჭიაური "ქართული ოცნების" ყრილობაზე დაუსწრებლობის მიზეზს განმარტავს
11:41 / 14-05-2016
"არ მინდოდა ყრილობაზე მხოლოდ მოვალეობის მოხდის მიზნით ვყოფილიყავი", - ასე ახსნა მმართველი გუნდის დეპუტატმა თამაზ მეჭიაურმა პარტია "ქართული ოცნების" ყრილობაზე დაუსწრებლობა.
როგორც მეჭიაურმა "ინტერპრესნიუსს" განუცხადა, ყრილობაზე დასწრების საკითხთან დაკავშირებით ბიძინა ივანიშვილსაც ესაუბრა, რომელმაც დაუდასტურა, რომ მისთვის დეპუტატის ნებისმიერი გადაწყვეტილება მისაღები იქნებოდა.
"ბატონ ბიძინას ჩემი ხედვები ვუთხარი. გაგებით შეხვდა, თუმცა მას აქვს თავისი განსხვავებული მოსაზრება იმ ერთ კონკრეტულ საკითხზე - მხედველობაში მაქვს ნატო-სთან ურთიერთობა. დანარჩენი, მე მასთან არაფერზე გაურკვევლობა არ მაქვს. როცა ვუთხარი, უხერხული ხომ არ იქნებოდა არ დავსწრებოდი ყრილობას, რადგან სხვა საქმეებიც მქონდა და მხოლოდ მოვალეობის მოხდის მიზნით არ მიმდოდა ვყოფილიყავი, მან თქვა, რომ აბსოლუტურად მისაღები იქნებოდა ჩემი ნებისმიერი გადაწყვეტილება და მე გადავწყვიტე რომ ასე გამეკეთებინა", - განაცხადა თამაზ მეჭიაურმა.
დეპუტატის განმარტებით, ყრილობაზე დაუსწრებლობა დემარშის ხასიათს არ ატარებდა.
"არ მინდოდა რაღაც დისონანსი შემეტანა ყრილობის მუშაობაში, გამომდინარე იქედან, რომ კითხვები დაისმებოდა ყველა მხრიდან და ალბათ, ბოლომდე გულწრფელი ვერ ვიქნებოდი, თუნდაც იმიტომ, რომ ყრილობას ჰქონდა თავისი მიზნები. რაც მთავარია, ბატონ ბიძინასთან მქონდა კონსულტაციები - შევხვდით პირისპირ და ყველაფერი ეს იყო აბსოლუტურად მისაღები მისთვის. დემარშის ხასიათს არ ატარებდა ჩემი იქ მისვლა" , - აღნიშნა დეპუტატმა.
რაც შეეხება "ქართული ოცნების" ახალ საარჩევნო სიას, მისი თქმით, ეს საკითხი არ აინტერესებს.
"მე არ მაინტერესებს სია. რად მინდა რომ ვიყო იმ სიაში? - თვითონ მოვახერხებ მივიღო გადაწყვეტილება, სად ვიყარო კენჭი და რა ფორმით", - აღნიშნა მეჭიაურმა.
მმართველი გუნდის წევრი "ქართული ოცნების" ყრილობაზე პარლამენტის თავმჯდომარისა და "რესპუბლიკური პარტიის" სხვა ლიდერების დაუსწრებლობის საკითხსაც გამოეხმაურა და შემდეგი კომენტარი გააკეთა: "ეტყობა გაიგეს, რომ მე არ ვესწრებოდი და ისინიც აღარ დაესწრნენ. მისია შესრულებულია ჩათვალეთ".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
