4
მაისიდღის ზოგადი ასტროლოგიური პროგნოზი
ამერიკულმა გავლენიანმა ჟურნალმა Time-მა საკუთარ ვებგვერდზე გამოაქვეყნა 50 ყველაზე გავლენიანი გაჯეტის რეიტინგი, რომლებიც როგორც თავად გამოცემაში აღნიშნავენ, კოლექტივის მიერ დიდი ხნის ბჭობის შედეგად შეადგინეს. ინფორმაციაში ხაზგასმით არის ნახსენები, რომ ყველა წარმოდგენილი ნივთი არ იყო კომერციულად ძალიან წარმატებული, თუმცა მათ დიდი როლი ითამაშეს ზოგადად ინდუსტრიის განვითარებაზე.
რეიტინგის პირველ ადგილზეა Apple iPhone, რომელმაც გახსნა სმარტფონების ერა სენსორული ეკრანებით, მეორეა ფერადი ტელევიზორი 1960-იანებიდან - Sony Trinitron, მესამე კი პერსონალური კომპიუტერი Apple Macintosh.
მეოთხედან მეათე ადგილამდე განთავსდა კასეტიანი მუსიკალური პლეირი Sony Walkman, კომპიუტერი IBM Model 5150, რომელმაც Apple-ის გარდა სხვა პერსონალური კომპიუტერები გახადა ხელმისაწვდომი. ფონოგრაფი Victrola, პირველი ჯიბის რადიომიმღები Regency TR-1, ბიუჯეტური ფოტოკამერა Kodak Brownie, რითაც ფოტოგრაფია ყველასთვის ხელმისაწვდომი გახდა. აგრეთვე, აუდიოპლეირი Apple iPod, რომელმაც ჩაანაცვლა CD-პლეირები, და მეათე ადგილზე - ვიბრომასაჟორი Magic Wand.
