სტუდენტების პროტესტი გრძელდება - აქციის მონაწილეების ნაწილი ღამით უნივერსიტეტში დარჩება
აქციის მონაწილე სტუდენტების ნაწილი ღამით უნივერსიტეტში დარჩება. "აუდიტორია 115"-ის ერთ-ერთი წევრის მარიამ ბეგოიძის განცხადებით, "აუდიტორია 115"-ის სტუდენტების და მეექვსე კორპუსში მყოფი სტუდენტების ნაწილი უნივერსიტეტში რჩება.
"ბოლო გადაწყვეტილებით, "აუდიტორია 115" პროტესტს აგრძელებს იმ სახით, რა სახითაც დღეს დილით დაიწყო. სტუდენტების ნაწილი დარჩება მე-6 კორპუსში იქამდე ვიდრე ჩვენი მოთხოვნები არ შესრულდება და პრემიერისგან არ მივიღებთ პირობას, რომ ჩვენს მოთხოვნებს დააკმაყოფილებს. ასევე ბოლო გადაწყვეტილებით, "აუდიტორია 115"-ის ნაწილი დარჩება უნივერსიტეტში", - განაცხადა მარიამ ბეგოიძემ.
მისი თქმით, შესაძლებელია, რომ ხვალ აქცია-კონცერტი გაიმართოს.
სტუდენტების ნაწილი დღეს დილიდან თსუ-ს მე-6 კორპუსთან შეიკრიბნენ. სტუდენტების განცხადებით, განათლების სამინისტროს მიერ შემოთავაზებული განათლების შესახებ კანონში შესატანი ცვლილებები ფასადურია და არ ასახავს იმ მოთხოვნებს, რასაც ისინი აყენებენ. სტუდენტები პრემიერ-მინისტრთან შეხვედრას ითხოვენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
