მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არჩევნების თარიღის გადაწევა გვაწყობდა, ცოტა მეტ ხელფასს ავიღებდით" - თამაზ მეჭიაური
05:22 / 06-04-2016
"ნახევრად ხუმრობით გეტყვით - არჩევნების თარიღის გადაწევა ალბათ ყველას გვაწყობდა, ცოტა მეტ ხელფასს ავიღებდით, - ასე უპასუხა მმართველი გუნდის წევრმა თამაზ მეჭიაურმა საპარლამენტო არჩევნების 8 ოქტომბერს დანიშვნასთან დაკავშირებით პრეზიდენტის მიერ მიღებულ გადაწყვეტილებას.
"პრეზიდენტის პრეროგატივაა არჩევნების დანიშვნა. მთავრობას და პრეზიდენტს, ალბათ, ჰქონდათ კონსულტაციები და მათ თარიღი განსაზღვრეს. ნახევრად ხუმრობით ვიტყვი - თარიღის ცოტა იქით გადაწევა, ალბათ, ყველას გვაწყობდა. გარანტირებული მოხვედრა მომავალ პარლამენტში არავის გვაქვს ერთი-ორი კაცის გარდა, გამომდინარე აქედან, ცოტა მეტ ხელფასს ავიღებდით. ასე რომ, ამ კუთხით შეიძლება ოპოზიციას დავეთანხმო, რომ ცოტა იქით გადაწევა ჯობდა. მარტო ისინი არ დაზარალებულან ამით. ასევე ვეთანხმები პარლამენტის თავმჯდომარეს, რომ მეორე ტური რამდენიმეში კი არა ბევრგან იქნება", - განაცხადა თამაზ მეჭიაურმა.
მისივე თქმით, "ერთ-ორ გარანტირებულ ადამიანს" შორის თავად არ არის და არც ის იცის, მოხვდება თუ არა "ქართული ოცნების" სიაში.
მეჭიაურის განმარტებით, საარჩევნო სიის შედგენასთან დაკავშირებით მასთან კონსულტაციები არ მიმდინარეობს. დეპუტატის მტკიცებით, იმ შემთხვევაში, თუკი საარჩევნო სიაში არ მოხვდება, "ადექვატური რეაქცია ექნება".
თამაზ მეჭიაურის განცხადებით, საარჩევნო სიის შედგენა ფასეულობების მიხედვით უნდა მოხდეს. "წინა კოალიციაში იყო მთავარი, რომ რეჟიმი დაგვემარცხებინა, ამიტომ ფორსმაჟორულ სიტუაციაში შეიქმნა კოალიცია - იყო მერკანტილური მოსაზრებები, რომ ასეთი ფორმაციით არჩევნებში მონაწილეობა, მანდატების მიღების საუკეთესო საშუალებას წარმოადგენდა. დღეს ასეთი ფორმით მონაწილეობა არჩევნებში გამართლებული არ იქნება. მე ყოველთვის ვამბობდი, რომ არჩევნებში ყველამ დამოუკიდებლდ უნდა იყაროს კენჭი", - აღნიშნა თამაზ მეჭიაურმა.
ამასთან, საპარლამენტო უმრავლესობის წევრის შეფასებით, ყოფილი პრემიერის ბიძინა ივანიშვილის საკადრო პოლიტიკამ "ყოველთვის არ გაამართლა", თუმცა თავი შეიკავა კონკრეტული შემთხვევის დასახელებისგან.
გარდა ამისა, როგორც დღეს გამართულ პრესკონფერენციაზე მეჭიაურმა აღნიშნა, პირადად მას მეტი "ვალი აქვს ბიძინა ივანიშვილის, ვინაიდან პარლამენტში მან მოიყვანა".
"ასე რომ, მე უფრო მეტი ვალი მქონდა იმ კაცთან, მაქვს და მექნება, ვინც იმ სიაში შემიყვანა. ეს ნორმალური არ არის, ამიტომ ვამბობ, რომ მანდატი ყველას უნდა ჰქონდეს არა ვინმეს ხათრით, არამედ მისი დამსახურებებით", - აღნიშნა მეჭიაურმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
