მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ნიშნავს ნაკიანი წელიწადი და რით გამოირჩევიან 29 თებერვალს დაბადებული ადამიანები
02:53 / 29-02-2016
ნაკიან წელიწადში თებერვალი 29 დღე-ღამისგან შედგება. ახალი სტილით ნაკიანად ითვლება ყოველი წელიწადი, რომელიც იყოფა 4-ზე, გარდა იმ წლებისა, რომელთა ნომერი, თუმცა დაბოლოებულია 2 ნულით, უნაშთოდ არ იყოფა 400-ზე (მაგ., 1800, 1900, 2100). ნაკიანი წელიწადის არსებობა, ანუ ერთი დღის დამატება, საჭიროა იმიტომ, რომ მარტივი (365 დღიანი) წელიწადი არ შედგება ზუსტად 365 დღისგან, არამედ 365 და დაახლოებით ერთი მეოთხედი დღისგან, ამიტომაცაა ნაკიანი თითქმის ყოველი მეოთხე წელიწადი (წყრო: ვიკიპედია).
ზამთრის ბოლო დღეს დაბადებულები სამი წლის განმავლობაში იუბილეს გაზაფხულის პირველ დღეს აღნიშნავენ. საკუთარი დაბადების დღე ალბათ, ყველას უყვარს და წლიდან წლამდე ყოველთვის დიდი მოთმინებით ელოდება მას, მაგრამ სულ სხვაგვარადაა საქმე, როდესაც 29 თებერვალს დაბადებულებზე ვლაპარაკობთ, ნაკიანი წელი ხომ ყოველ მეოთხე წელსაა.
ამ დღეს დაბადებულებს შორის აღმოჩნდა მოდელი და სამოდელო სააგენტო "ფეშენ შარმის" ერთ-ერთი დამფუძნებელი ლალი ტოტიკაშვილი:
- მომწონს, რომ ჩემი დაბადების დღე 4 წელიწადში ერთხელ არის. ამის გამო 29 თებერვალი, ერთგვარად, ეგზოტიკური დღეა. სულ იმას ვამბობ, წელი მხოლოდ ოთხ წელიწადში ერთხელ მემატება-მეთქი. ჯერ ძალიან პატარა ვარ, ასე რომ, როცა კალენდარში 29 თებერვალია, მხოლოდ მაშინ მემატება ასაკი.
- როდესაც ნაკიანი წელი არ არის, როდის აღნიშნავ დაბადების დღეს?
- 1-ელ მარტს...
- ე.ი. წელიწადში ერთხელ ზამთრის ბოლო დღეს გაქვს დაბადების დღე, სამი წლის განმავლობაში კი გაზაფხულის პირველ დღეს?
- ასეა... 29 თებერვალს მაინც განსაკუთრებული გრძნობა მაქვს, რადგანაც ვიცი, რომ ნამდვილად ჩემი დაბადების დღეა. მაგრამ როგორც უნდა იყოს, ძალიან მიყვარს ჩემი დაბადების დღე. მოლოცვებიც 28 თებერვლიდან იწყება და 1-ელ მარტამდე გრძელდება. რადგან ხალხი დაბნეულია, აღარ იცის, როდის მომილოცოს, ამიტომაც მოლოცვები 2 დღე გრძელდება.
- დაბადების მოწმობაში რა რიცხვი გაქვს ჩაწერილი?
- 29 თებერვალი. დედა ამბობს, ნეტავ, 1-ელი ჩაგვეწერაო, მე არ ვეთანხმები, რადგანაც 29-ში დავიბადე.
- კიდევ რით გამოირჩევი შენი მეგობრებისგან?
- მეუბნებიან, რომ ვარ საოცრად ბავშვური, ეტყობა იმიტომ, რომ ჯერ კიდევ ბავშვური ასაკი მაქვს (იღიმის), სულ რამდენჯერმე მქონდა ნამდვილი დაბადების დღე.
* * *
თუ აქამდე იმ ადამიანის ემოციას გავეცანით, ვინც უშუალოდ ამ დღეს არის დაბადებული, ახლა მშობელსაც მოვუსმინოთ, მაგალითად, რას განიცდის ალექსანდრე ურდულაძის დედა, მაკა ჯინჭარაძე, რომლის შვილიც 2008 წლის 29 თებერვალს დაიბადა.
- ვაჟის დაბადებამ ჩემს ცხოვრებაში ყველაფერი შეცვალა, ალექსანდრე ჩემი პირველი შვილია, დედობა ფანტასტიკური გრძნობა ყოფილა. ბავშვი 29 თებერვალს დაიბადა, ნაკიან წელიწადს.
ფეხმძიმედ რომ ვიყავი, ექიმების პროგნოზით, 25 თებერვლიდან 9 მარტამდე უნდა მემშობიარა, ამის გამო ბოლო თვეში ვფიქრობდი, ნეტავ, 29 თებერვალს არ დაიბადოს და სხვა რომელ რიცხვშიც გინდა იყოს-მეთქი. არ მინდოდა, რადგან ვფიქრობდი იმაზე, რომ ბავშვს დაბადების დღე პრაქტიკულად, 4 წელიწადში ერთხელ ექნებოდა. მოკლედ, შვილი მაინც 29-ში მეყოლა.
- დაბადების მოწმობაში 29 ჩაუწერეს?
- ვითხოვე, მისი დაბადება 29 თებერვალს არ დაეფიქსირებინათ, მაგრამ არაფერი გამომივიდა. სამშობიაროში უარი მითხრეს, - არ შეიძლებაო, რაიმე რომ მოხდეს, ჩვენს ნაცვლად, პასუხისმგებლობას სხვა ბრიგადა ვერ აიღებს საკუთარ თავზეო. რა დღესაც დაიბადება პატარა, იმ დღეს უნდა გატარდეს.
- როდის უხდით ალექსანდრეს დაბადების დღეს?
- იმ წელს, როცა არ არის ნაკიანი წელიწადი, - 1-ელ მარტს, ისე ამბობენ, რომ 28 თებერვალი რომ დასრულდება და 1-ელი მარტი დადგება, 1-ელი 2 წუთი 29 თებერვალს ეკუთვნისო (ეს მაშინ როცა თებერვალი 29-ით არ არის)...
28-ში რომ აღუნიშნო, რატომ? მაშინ ჯერ არ იყო დაბადებული.
- რითი განსხვავდება ალექსანდრე თავის თანატოლებისგან? რაიმე განსაკუთრებული თვისება ხომ არ შეგინიშნავთ?
- იმიტომ არა, რომ დედა ვარ და რაღაც მეჩვენება, ამას სხვებიც აღნიშნავენ, ძალიან გონიერი და ჭკვიანია, რაღაც თავიდანვე დაბრძენებული იყო. არ ვიცი, ეს 29 თებერვლის ბრალია, თუ სხვა რამის... არის მუსიკალური, - მღერის, ცეკვავს.
- სანათესაოში კიდევ ვინმე ხომ არ არის 29 თებერვალს დაბადებული?
- ჩემი მამიდაშვილი... ბავშვობაში ვიცნობდი ადამიანს, რომელიც სულ მეცოდებოდა იმის გამო, რომ დაბადების დღეს 4 წელიწადში ერთხელ აღინიშნავდა. ვამბობდი, ღმერთო, რა კარგია, რომ მეც ამ დღე არ ვარ დაბადებული მეთქი, მაგრამ გავიდა წლები და შვილმა სიურპრიზი მომიმზადა.
საინტერესოა, რას ამბობს ასტროლოგია ამ ადამიანებზე.
მიხეილ ცაგარელი:- ამ დღეს დაბადებულები ძლიერი ინტუიციით გამოირჩევიან, მათ აქვთ უნარი, საოცარი რჩევა მისცენ სხვებს. ამიტომ, თუკი ამ დღეს დაბადებულმა ოდესმე რამე გირჩიათ, დაუჯერეთ. ის თქვენთვის სასიკეთო იქნება. თუმცა მათ არ იციან, საიდან აქვთ ეს უნარი. ისინი გეომაგნიტური ველის საშუალებით ქვეცნობიერად იღებენ ამ ინფორმაციას და სწორედ ეს გახლავთ მათი ერთგვარი შარმიც.
- როდესაც კალენდარში 29 თებერვალი არ არის, როდის უნდა აღნიშნონ დაბადების დღე?
- 28 თებერვალი რომ დასრულდება და 12 საათს გადასცდება, პირველ წუთებზე უნდა ადღეგრძელოთ ეს ადამიანები, ამ დროს წარმოთქმულ სადღეგრძელოს საოცარი ძალა აქვს. იუბილარებზე დიდ ზეგავლენას ახდენს.
- კიდევ რისი თქმა შეგიძლიათ მათზე?
- ყველაზე მნიშვნელოვანი და პოზიტიური რიცხვებია ყოველი თვის 2, 7, 11, 16, 20, 25, 29. ეს რიცვხები მთვარისა და პლანეტა ნეპტუნის გახლავთ; რაც შეეხება ფერებს, მეტწილად უნდა ჩაიცვან კრემისფერი, თეთრი, ნაცრისფერი სამოსი; მათი ქვებია - აქატი, ნეფრიტი, მარგალიტი; მათ დიდი დრო უნდა დაუთმონ ფულის შოვნას, რადგანც ეს საქმე მათ კარგად გამოსდით. როგორც მოგახსენეთ, როგორც თევზების ნიშნის ქვეშ დაბადებულებს, საოცარი ინტუიცია აქვთ, ამავდროულად ისინი ბევრს გაცილებით მდიდრები ჰგონია, ვიდრე სინამდვილეში არიან, საოცრად უყვართ ქველმოქმედებაც, ამიტომ სიფრთხილე და წინდახედულება მართებთ, რადგანაც შესაძლებელია, ქველმოქმედებამ ისინი გააკოტროს, ნულზე დასვას.
იმის გამო, რომ ემოციურობა ახასიათებთ, შესაძლოა, ნერვული გადაძაბვა დაემართოთ, რისთვისაც საჭიროა ხშირი განტვირთვა და დასვენება, მათთვის დიეტის დაცვაც სასარგებლო იქნება. დაავადებებიდან მეტად აწუხებთ რევმატიული და ფეხის ტერფის დაავადებები, ასევე მათი სუსტი წერტილებია თვალები და ხერხემალი; აქვთ საოცარი იმპროვიზაციისა და ფანტაზიის უნარიც, ხშირად ოცნებას რეალობად აქცევენ ხოლმე.
პ.ს. ყველას, ვინც 29 თებერვალს არის დაბადებული, ვულოცავთ დაბადების დღეს.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
