"ბატონო გოგი, ჩაიცვით კოპლებიანი წინდები" - მიმართვა თოფაძეს
"ბატონო გოგი, ჩაიცვით კოპლებიანი წინდები" - ასე მიმართა გადაცემა "პროფილიდან" მშობელთა საინფორმაციო ცენტრის ხელმძღვანელმა ნინო ორდენიძემ დეპუტატ გოგი თოფაძეს.
როგორც ის ამბობს, გოგი თოფაძის მსგავსად ბევრს გამოუყენებია სიტყვა "დაუნი" არაკორექტულად, მაგრამ ის მალევე გამოუსწორებია. მისი განცხადებით, ამის შანსი თოფაძესაც აქვს.
"ერთი რამ მინდა დავაფიქსირო, რომ ჩვენ არ ვართ აგრესიულები. ყოფილა შემთხვევა, როდესაც ბევრ გამოჩენილ ადამიანს მსგავსი რამ შეშლია. ნინა წკრიალაშვილი შემხვდა წეღან, ნინამაც ადრე რაღაც მსგავსი შეცდომა დაუშვა, მაგრამ შემდეგ ბოდიში მოიხადა და კოპლებიანი წინდების აქციაშიც ჩაერთო. ჩვენ მივესალმებით ამას. ბატონი გოგიც თუ ჩაიცმევს კოპლებიან წინდებს, არ ვიქნებით წინააღმდეგი. ბატონო გოგი, ჩაიცვით კოპლებიანი წინდები. მგონია, რომ ის ვერ მიხვდა, რა თქვა. ძალიან გამიხარდება, თუ ის კოპლებიან წინდებს ჩაიცვამს. წარმოიდგინეთ ბატონი გოგი კოპლებიან წინდებში. კიდევ ერთხელ ვამბობ, ჩვენ არ ვართ აგრესიულები იმის გამო, რომ ვიღაცას რაღაც შეეშალა", - ამბობს ნინო ორდენიძე.
იხილეთ გოგი თოფაძის განცხადება, რომელსაც საზოგადოებაში დიდი გამოხმაურება მოჰყვა: გოგი თოფაძე გიორგი მარგველაშვილს: "ქართველი ხალხი თქვენ დაუნებს შეადარეთ, ძალიან სამწუხაროა"
ასევე ნახეთ: "სანამ ჩემი ძმისშვილი დაიბადებოდა დაუნის სინდრომით, მეც მეშლებოდა..." - ნინო ორდენიძე
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
