31
მარტიდღის ზოგადი ასტროლოგიური პროგნოზი
მარინის თეატრის პრიმაბალერინას, ირმა ნიორაძის სახლი ბევრს მეტყველებს დიასახლისზე. კლასიკური სტილი აქ თითქმის კულტად არის ქცეული, სამხრეთის ყვავილები კი მას ჰარმონიულად ერწყმის. მკაცრ მაგიდასა და ბუხარს კი სხვადასხვა ქვეყნიდან ჩამოტანილი სუვენირები, ფაიფურის ფიგურები და ძველებური ლარნაკები ათბობს და ამშვენებს.
რობესპიერის სანაპიროზე გადასვლამდე ირმა ნიორაძის ოჯახი მარინის თეატრთან ახლოს ცხოვრობდა, თუმცა სამუშაო ადგილთან ძალიან ახლოს ცხოვრება არც ისე სასიამვნო აღმოჩნდა ბალერინასთვის, რადგან ძალაუნებურად მუდმივად იყო ჩართული თეატრის რუტინაში და სრულფასოვან დასვენებას ვერ ახერხებდა. ამიტომაც, ირმას და მის მეუღლეს, ცნობილ ქართველ მეღვინეს, გოჩა ჩხაიძეს დიდხანს არ უფიქრიათ ახალი ბინის შესაძენად ნევის სანაპიროზე.
1990-იანი წლები დასაწყისში ეს გახლდათ ჩვეულებრივი კომუნალური სახლი, რომელშიც 10-მდე ოჯახი ცხოვრობდა, თუმცა მოგვიანებით ეს სახლი მთლიანად, კაპიტალურად გადააკეთეს, ააშენეს სულ ახალი კედლები და შეღებეს ნაზ, პასტელის ფერებში.
თეთრად შეღებილი ხის ავეჯი იტალიაში დაამზადებინეს. რბილი ავეჯიც სტილით ჰარმონიულად ერწყმის მაგიდისა და სკამების ფეხებს. ავეჯის გობელენის ორნამენტები ეხამება ფარდის ორნამენტებს. კედლები სპილოს ძვლისფერშია გადაწყვეტილი და მშვენიერ ფონად ედება ლამაზ, ფუმფულა ყვავილებს, რომელიც ასე ძალიან უყვარს ირმა ნიორაძეს. ოთახის ინტერიერში ძალიან ლამაზად ჯდება დიდი ფაიფურის ჭაღები.
ოთხი ბუხარი
თეთრი ფერის იაპონური როიალი, იამაჰა, ირმას დაბადების დღეზე მეუღლემ აჩუქა. ამ ინსტრუმენტის შეძენა ერთ-ერთ ცნობილ რუს მომღერალს სურდა, თუმცა გოჩამ მოახერხა მაღაზიის მეპატრონესთან მოლაპარაკება და საბოლოოდ როიალი ირმას სახლში აღმოჩნდა. ინსტრუმენტზე დიდი სიამოვნებით უკრავს ხოლმე ირმა. რაც შეეხება ბუხარს მისაღებში, ის ირმამ ბრიტანული გასტროლების დროს შეიძინა. ინგლისური ტრადიციის შესაბამისად, კედელში ჩაშენებული ბუხარი მოპირკეთებულია ფიგურული კერამიკული ფილებით. მის თავზე განთავსებული თარო კი დატვირთულია სხვადასხვა ფაიფურის ფიგურით, ბაროკოს სტილის საწინააღმდეგოდ, როგორ სტილშიც არის გადაწყვეტილი ირმას ბინა, ბუხარი ძალიან სადად გამოიყურება, მას არ ამშვენებს დიდი, მოოქროვილი სარკე. ბალერინას სახლში ოთხი ბუხარი აქვს, თუმცა მათგან მხოლოდ ერთია მოქმედი.
ბრიტანეთი-ბრაზილია
კაბინეტს ამჟამდ ბალერინას ვაჟი, ილიკო განაგებს, ის აქ მეცადინეობს. ოთახი მკაცრ, ინგლისურ სტილშია გადაწყვეტილი. რაც უფრო მაღლა მიდის მზერა, მით მეტად ღიავდება ფერები. ტყავისა და ხის ავეჯი კაკაოსფერია, კედლები კი ზეითუნის ზეთის ფერია, დაბურული შუშის ჭაღი კი რძისფერი.
იხილეთ ფოტოები
