სა­ქარ­თვე­ლოს სა­ტე­ლე­ვი­ზიო სა­რეკ­ლა­მო ბა­ზა­რი ახა­ლი ეტა­პის­თვის ემ­ზა­დე­ბა. ბა­ზარ­ზე რე­ი­ტინ­გე­ბის მთვლე­ლი ახა­ლი კომ­პა­ნი­ის შე­მოს­ვლა ახა­ლი, ინო­ვა­ცი­უ­რი და თა­ნა­მედ­რო­ვე ტექ­ნო­ლო­გი­ე­ბის და­ნერგვა­სა და და­მა­ტე­ბი­თი სერ­ვი­სის შე­თა­ვა­ზე­ბას აა­ნონ­სებს. რამ­დე­ნი­მე დღე­ში, კომ­პა­ნია "ტრი მე­დია ინ­ტე­ლი­ჯენ­სი" თა­ვის კლი­ენ­ტებს 20-მდე ქარ­თუ­ლი სა­ტე­ლე­ვი­ზიო არ­ხის რე­ი­ტინგს წა­რუდ­გენს. 2016 წლის და­სა­წყი­სი­დან კი სა­ტე­ლი­ვი­ზიო აუ­დი­ტო­რი­ის მზო­მა­ვი კომ­პა­ნია და­მა­ტე­ბით კი­დევ 24-მდე არ­ხის რე­ი­ტინგს გა­ზო­მავს, შე­სა­ბა­მი­სად, შემ­დეგ წელს მე­დია ინ­დუსტრი­ას 40-მდე ქარ­თუ­ლი არ­ხის რე­ი­ტინ­გე­ბი ექ­ნე­ბა.

ტე­ლე­ვი­ზი­ე­ბის წარ­მო­მად­გენ­ლე­ბის ნა­წი­ლი, ბა­ზარ­ზე რე­ი­ტინ­გე­ბის მზო­მა­ვი მე­ო­რე, უფრო თა­ნა­მედ­რო­ვე ტექ­ნო­ლო­გი­ე­ბით აღ­ჭურ­ვი­ლი კომ­პა­ნი­ის გა­მო­ჩე­ნას და­დე­ბი­თად აფა­სებს და ფიქ­რო­ბენ, რომ ამით ბა­ზა­რი უფრო გამჭვირ­ვა­ლე და გან­ვი­თა­რე­ბუ­ლი გახ­დე­ბა. თუმ­ცა, ისე­თე­ბიც არი­ან, ვინც ახა­ლი მთვლე­ლის შე­მოს­ვლას ეჭ­ვით უყუ­რებს და ჩნდე­ბა ვერ­სი­ე­ბი ამ კომ­პა­ნი­ის დამ­ფუძ­ნებ­ლე­ბი­სა და მათი ფი­ნან­სუ­რი რე­სურ­სე­ბის წარ­მო­მავ­ლო­ბის შე­სა­ხებ. ამი­ტომ, ამ ყვე­ლა­ფერ­ში მეტი სი­ცხა­დის შე­სა­ტა­ნად, კომ­პა­ნი­ის და­არ­სე­ბის, მისი მიზ­ნე­ბი­სა და სა­მო­მავ­ლო გეგ­მე­ბის შე­სა­ხებ "ტრი მე­დია ინ­ტე­ლი­ჯენ­სის" თა­ნა­დამ­ფუძ­ნე­ბელს, მე­რაბ ფა­ჩუ­ლი­ას ვე­სა­უბ­რეთ. შე­გახ­სე­ნებთ, რომ მე­რაბ ფა­ჩუ­ლი­ას ფარ­თო სა­ზო­გა­დო­ე­ბა სა­ზო­გა­დო­ებ­რი­ვი აზ­რი­სა და ბიზ­ნე­სის კვლე­ვის სა­ერ­თა­შო­რი­სო ცენ­ტრ "გორ­ბი­დან" იც­ნობს.

"კომ­პა­ნია "გორ­ბის" საქ­მი­ა­ნო­ბა ჯერ კი­დევ იმ დროს და­ვი­წყეთ, როცა სა­ქარ­თვე­ლო საბ­ჭო­თა კავ­ში­რის წევ­რი იყო. პირ­ველ კვლე­ვებს, სრუ­ლი­ად სა­ქარ­თვე­ლოს მას­შტა­ბით ვა­ტა­რებ­დით, მათ შო­რის სა­ზო­გა­დო­ებ­რივ აზრს აფხა­ზეთ­სა და სა­მა­ჩაბ­ლო­ში ვიკ­ვლევ­დით. ჩვე­ნი პირ­ვე­ლი კლი­ენ­ტე­ბი იყ­ვნენ: "რა­დიო თა­ვი­სუფ­ლე­ბა", "ამე­რი­კის ხმა", ამე­რი­კის შე­ერ­თე­ბუ­ლი შტა­ტე­ბის დე­პარ­ტა­მენ­ტი და სხვა. მას შემ­დეგ ბევ­რი რამ შე­იც­ვა­ლა და ახლა "გორ­ბი" 12 ქვე­ყა­ნა­ში აწარ­მო­ებს კვლე­ვას EBRD-თვის. ვა­წარ­მო­ებთ კვლე­ვებს აი­ო­ვას უნი­ვერ­სი­ტე­ტის­თვის და რამ­დე­ნი­მე მიმ­დი­ნა­რე პრო­ექტს ვა­ხორ­ცი­ე­ლებთ კომ­პა­ნია "კოკა-კო­ლას­თვის". ცოტა ხნის წინ წარ­მა­ტე­ბით და­ვას­რუ­ლეთ და­ნა­შა­უ­ლის კვლე­ვა ყირ­გი­ზეთ­ში, რო­მე­ლიც USAID-მა დაგ­ვიკ­ვე­თა.

ჩემი პრო­ფე­სი­ი­დან და საქ­მი­ა­ნო­ბი­დან გა­მომ­დი­ნა­რე და­ახ­ლო­ე­ბით 10 წლის წინ გა­ვი­ცა­ნი გა­ზეთ "კვი­რის პა­ლიტ­რის" მთა­ვა­რი რე­დაქ­ტო­რი, გოგა თევ­დო­რაშ­ვი­ლი, რო­მე­ლიც ჩემ­თან ერ­თად "ტრი მე­დია ინ­ტე­ლი­ჯენ­სის" თა­ნა­დამ­ფუძ­ნე­ბე­ლია. ამ პრო­ექ­ტის გა­კე­თე­ბა ჯერ კი­დევ 90-იანი წლე­ბის და­სა­წყის­ში მინ­დო­და. უფრო ზუს­ტად, ორი რა­მის გა­კე­თე­ბა მინ­დო­და - მუ­სი­კა­ლუ­რი ჩარ­ტე­ბის და სა­ტე­ლე­ვი­ზიო რე­ი­ტინ­გე­ბის. პირ­ვე­ლი ვერ გა­ვა­კე­თე იმი­ტომ, რომ არც მა­შინ და არც ახლა სა­ქარ­თვე­ლო­ში არ იქ­მნე­ბა იმ რა­ო­დე­ნო­ბის მუ­სი­კა­ლუ­რი პრო­დუქ­ცია, რომ ჩარ­ტე­ბი გა­ა­კე­თო. რაც შე­ე­ხე­ბა ტი­ვი­მეტ­რი­ას, ჯერ იყო და სა­ტე­ლე­ვი­ზიო ინ­დუსტრია არ იყო მზად ამის­თვის, შემ­დეგ კი ზედ­მე­ტად პო­ლი­ტი­ზე­ბუ­ლი იყო. იყო დრო, როცა ჩვენს კვლე­ვით ცენ­ტრს ტენ­დერ­შიც კი არ მი­ა­ღე­ბი­ნეს მო­ნა­წი­ლე­ო­ბა. სი­მარ­თლე გი­თხრათ ახლა ამით კმა­ყო­ფი­ლიც ვარ.

2011 წლი­დან კი ისევ და­ვი­წყე ფიქ­რი სა­ტე­ლე­ვი­ზიო რე­ი­ტინ­გე­ბის მთვლე­ლი კომ­პა­ნი­ის და­არ­სე­ბა­ზე და ჩემს პარტნი­ორ­თან ერ­თად სხვა­დას­ხვა უცხო­ურ კომ­პა­ნი­ებს ვე­ლა­პა­რა­კე­ბო­დი ამ თე­მა­ზე. აქვე მინ­და ვთქვა, მსოფ­ლიო პრაქ­ტი­კის მა­გა­ლით­ზე, როცა ქვე­ყა­ნა­ში სა­ეჭ­ვო რე­პუ­ტა­ცი­ის პო­ლი­ტი­კუ­რი რე­ჟი­მი იც­ვლე­ბა, რომ­ლის დრო­საც უამ­რა­ვი კი­თხვა ჩნდე­ბა თა­ვი­სუ­ფალ მე­დი­ას­თან და­კავ­ში­რე­ბით, ამას აუ­ცი­ლებ­ლად მოჰ­ყვე­ბა სა­ტე­ლე­ვი­ზიო რე­ი­ტინ­გე­ბის მთვლე­ლი კომ­პა­ნი­ის შეც­ვლა. თუმ­ცა ასე­თი მო­თხოვ­ნა და­მო­უ­კი­დე­ბე­ლი ტე­ლე­ვი­ზი­ე­ბის მფლო­ბე­ლე­ბის­გა­ნაც მო­დი­ო­და, გან­სა­კუთ­რე­ბით მას შემ­დეგ, რაც სა­ქარ­თვე­ლო­ში ხე­ლი­სუფ­ლე­ბა შე­იც­ვა­ლა და ამ ადა­მი­ა­ნებს სა­შუ­ა­ლე­ბა მი­ე­ცათ, თა­ვი­სი აზრი ხმა­მაღ­ლა გა­მო­ე­ხა­ტათ. შე­მიძ­ლია სრუ­ლი პა­სუ­ხის­მგებ­ლო­ბით გი­თხრათ, ტე­ლე­ვი­ზი­ის არ­ცერ­თი მმარ­თვე­ლი, ვი­საც მე შევ­ხვდი და და­მი­ჯე­რეთ, ცო­ტას არ შევ­ხვედ­რი­ვარ, არ გა­მოთ­ქვამ­და კმა­ყო­ფი­ლე­ბას ბა­ზარ­ზე არ­სე­ბუ­ლი მთვლე­ლით და პრი­ვა­ტულ სა­უბ­რებ­ში ანეკ­დო­ტურ ამ­ბებს მიყ­ვე­ბოდ­ნენ. ეს ყვე­ლა­ფე­რი კი ნე­ბის­მი­ე­რი ბიზ­ნე­სუ­რად მო­აზ­როვ­ნე ადა­მი­ა­ნის­თვის გა­დამ­წყვე­ტი აღ­მოჩ­ნდე­ბო­და და ჩვენ გა­დავ­წყვი­ტეთ, რომ სა­ტე­ლე­ვი­ზიო ბიზ­ნე­სის­თვის შეგ­ვე­თა­ვა­ზე­ბი­ნა ის სერ­ვი­სი, რო­მელ­ზეც მო­თხოვ­ნა არ­სე­ბობ­და".

- უფრო კონ­კრე­ტუ­ლად, რა არის ბა­ზარ­ზე თქვე­ნი შე­მოს­ვლის მი­ზა­ნი?

- რამ­დე­ნი­მე მი­ზა­ნი გვაქვს, მათ შო­რის გა­ნათ­ლე­ბის ზრდა ამ ინ­დუსტრი­ა­ში, მაგ­რამ არა იმი­ტომ, რომ ვი­ღა­ცამ რა­ღაც არ იცის, უბ­რა­ლოდ თუ არ გაქვს ახა­ლი ტექ­ნო­ლო­გი­ე­ბი, ამას ვერ ის­წავ­ლი. ტექ­ნო­ლო­გია, რო­მე­ლიც ჩვენ შე­მოგ­ვაქვს, ბა­ზარ­ზე წარ­მა­ტე­ბით გა­მო­ი­ყე­ნე­ბა ნორ­ვე­გი­ა­სა და შვე­ი­ცა­რი­ა­ში. აღა­რა­ფერს ვამ­ბობ ისეთ დიდ სა­ხელ­მწი­ფო­ებ­ზე, რო­გო­რიც არის ინ­დო­ე­თი, ჩი­ნე­თი და სხვა. ჩვე­ნი კომ­პა­ნია TMI მულ­ტი­ნა­ცი­ო­ნა­ლუ­რი, მსოფ­ლიო ინ­დუსტრი­ის ლი­დე­რი კომ­პა­ნია KANTAR MEDIA-ს ექ­სკლუ­ზი­უ­რი ლი­ცენ­ზი­ან­ტია სა­ქარ­თვე­ლო­ში. KANTAR MEDIA-ს კი 50-ზე მეტი ქვეყ­ნის სა­ტე­ლე­ვი­ზიო აუ­დი­ტო­რი­ის გა­ზომ­ვის გა­მოც­დი­ლე­ბა აქვს.

სა­დღაც წა­ვი­კი­თხე, რომ თით­ქოს, როცა ბა­ზა­რი ასე­თი პა­ტა­რაა, მე­ო­რე კომ­პა­ნი­ის შე­მოს­ვლის სა­ჭი­რო­ე­ბა არ დგას, რაც თავ­ში­ვე მცდა­რი შე­ხე­დუ­ლე­ბაა. სა­ტე­ლე­ვი­ზიო ვა­ლუ­ტას გან­სა­ზღვრავს რე­ი­ტინ­გი (ე.წ. ვა­ლუ­ტა), მაგ­რამ რო­გორც კი ამ ვა­ლუ­ტა­ში ეჭვი ეპა­რე­ბათ, მის მი­მართ სან­დო­ო­ბა და­ბა­ლია, ამ დროს აუ­ცი­ლე­ბე­ლია, რომ ამ ვა­ლუ­ტის გან­სა­ზღვრის სხვა სა­შუ­ა­ლე­ბაც გაჩ­ნდეს. როცა არ­სე­ბულ მთვლელს ვა­და­რებთ ჩვენს კომ­პა­ნი­ა­სა და მის შე­საძ­ლებ­ლო­ბებ­თან, და­ახ­ლო­ე­ბით იმას ჰგავს კუ­პო­ნი და ფუნ­ტი რომ შე­ა­და­რო ერ­თმა­ნეთს. ალ­ბათ, დრო მოვა და ორი­ვე კომ­პა­ნი­ის მი­უ­კერ­ძო­ე­ბელ აუ­დიტს ჩა­ა­ტა­რე­ბენ. აღა­რა­ფერს ვამ­ბობ იმა­ზე, რომ ჩვე­ნი ტექ­ნო­ლო­გია უახ­ლე­სია, შერ­ჩე­ვის სი­დი­დე დი­დია - 600-ზე მეტ ში­ნა­მე­ურ­ნე­ო­ბა­ში დგას ჩვე­ნი მთვლე­ლი. ჩვე­ნი ერთ-ერთი მთა­ვა­რი მო­ტი­ვა­ტო­რი რე­გი­ო­ნა­ლუ­რი არ­ხე­ბის რე­ი­ტინ­გის გა­ზომ­ვაც იყო და ახლა მა­თაც გა­უჩ­ნდე­ბათ ვა­ლუ­ტა, რისი სა­შუ­ა­ლე­ბი­თაც თა­ვად შე­ეძ­ლე­ბათ თვი­თონ სა­რეკ­ლა­მო დრო­ის გა­ყიდ­ვა, შე­სა­ბა­მი­სად ნაკ­ლე­ბად იქ­ნე­ბი­ან ფი­ნან­სუ­რად ვინ­მე­ზე და­მო­კი­დე­ბუ­ლი.

ახლა და­ახ­ლო­ე­ბით 10 რე­გი­ო­ნა­ლუ­რი არხი იზო­მე­ბა, ჩვენ კი 40-ზე მეტს გავ­ზო­მავთ. ახლა თუ ბა­ზარ­ზე ერთ ან ორ ტე­ლე­ვი­ზი­ას აქვს პრე­ტენ­ზია იმი­სა, რომ ფი­ნან­სუ­რად მდგრა­დი ბიზ­ნე­სია, ხვალ რამ­დე­ნი­მე ასე­თი ტე­ლე­ვი­ზია გაჩ­ნდე­ბა. ყველ­გან, ყვე­ლა გან­ვი­თა­რე­ბულ ქვე­ყა­ნა­ში ასე მოხ­და და არც ჩვენ ვართ გა­მო­ნაკ­ლი­სი. როცა გაქვს მყა­რი ვა­ლუ­ტა, რა თქმა უნდა, სა­რეკ­ლა­მო და სა­ტე­ლე­ვი­ზიო ბა­ზა­რი უფრო ვი­თარ­დე­ბა. დამ­კვე­თი რომ მო­დის და რეკ­ლა­მა­ში ფულს ხარ­ჯავს, ბუ­ნებ­რი­ვია და­ინ­ტე­რე­სე­ბუ­ლია რომ შე­სა­ბა­მი­სი უკუ­გე­ბა მი­ი­ღოს. თუ მი­ღე­ბუ­ლი შე­დე­გი არ არის მის მიერ რეკ­ლა­მა­ში გა­დახ­დი­ლი ფუ­ლის პრო­პორ­ცი­უ­ლი, ამას შე­საძ­ლოა ორი მი­ზე­ზი ჰქონ­დეს - ან დის­ტრი­ბუ­ცი­ის პრობ­ლე­მაა, ან რე­ი­ტინ­გი ვერ დათ­ვა­ლა ვინ­მემ სწო­რად, რის გა­მოც მისი რეკ­ლა­მა მიზ­ნობ­რივ აუ­დი­ტო­რი­ამ­დე არ აღ­წევს. ჩვე­ნი ტექ­ნო­ლო­გია კი რე­ი­ტინ­გის გა­ზომ­ვის მა­ღა­ლი სი­ზუს­ტით გა­მო­ირ­ჩე­ვა. ჩვენ ვზო­მავთ იმ პა­რა­მეტ­რებ­საც, რაც აქამ­დე არ იზო­მე­ბო­და, ეს ეხე­ბა სტუმ­რე­ბის ყუ­რე­ბა­დო­ბას და ასე­ვე გა­დახ­ვე­ვებს. დარ­წმუ­ნე­ბუ­ლი ვარ ესეც ძა­ლი­ან წა­ად­გე­ბა სა­ტე­ლე­ვი­ზიო ინ­დუსტრი­ას.

ტექ­ნო­ლო­გი­უ­რი უპი­რა­ტე­სო­ბა ყვე­ლას მო­უ­ტანს სარ­გე­ბელს - სა­რეკ­ლა­მო ბა­ზა­რიც გა­იზ­რდე­ბა, ტე­ლე­ვი­ზი­ე­ბიც მეტ შე­მო­სა­ვალს მი­ი­ღე­ბენ, მათ შო­რის რე­ა­ლუ­რი შე­ჯიბ­რე­ბი­თო­ბა გა­ჩაღ­დე­ბა და უკე­თეს კონ­ტენტს შეს­თა­ვა­ზე­ბენ მა­ყუ­რე­ბელს. ჩემს თვალ­წინ გა­ი­ა­რა ეს პრო­ცე­სი ბულ­გა­რეთ­მა, ჩე­ხეთ­მა და სლო­ვა­კეთ­მა. ჩვენ მე­დი­ას­თან თა­ნამ­შრომ­ლო­ბის მარ­ტი­ვი ფორ­მუ­ლა გვაქვს, თუ მე­დია არის ბიზ­ნეს­ზე ორი­ენ­ტი­რე­ბუ­ლი, მა­შინ ჩვენ­თან უნდა ითა­ნამ­შრომ­ლონ. და თუ ეს ასე არ არის, მა­შინ უკაც­რა­ვად და ასეთ მე­დი­ას­თან ჩვენც არა­ფე­რი გვე­საქ­მე­ბა. ჩვენ აბ­სო­ლუ­ტუ­რად ღია ვართ.

ორი­ო­დე სი­ტყვით "კან­ტარ მე­დი­ა­ზეც" მინ­და გი­თხრათ. რო­გორც KANTAR MEDIA-ს ლი­ცენ­ზი­ან­ტი, უამ­რავ შიდა აუ­დიტს გავ­დი­ვართ. რამ­დე­ნი­მე ქვე­ყა­ნა­ში იყო შემ­თხვე­ვა, როცა ლი­ცენ­ზი­ან­ტმა შიდა აუ­დი­ტის მო­თოხ­ვნე­ბი ვერ და­აკ­მა­ყო­ფი­ლა და KANTAR MEDIA-მ მათ­თან კონ­ტრაქ­ტი შე­წყვი­ტა. მთე­ლი ჩვე­ნი სის­ტე­მა ლონ­დო­ნის ოფის­ზეა მიბ­მუ­ლი. KANTAR MEDIA-ს 5-მი­ლი­არ­დი­ა­ნი ბრუნ­ვა აქვს, 170 ათა­სი თა­ნამ­შრო­მე­ლი ჰყავს 60 ქვე­ყა­ნა­ში და მათ­თვის ისე­თი­ვე სენ­სი­ტი­უ­რია სა­ქარ­თვე­ლო­ში ლი­ცენ­ზი­ან­ტი კომ­პა­ნი­ის რე­პუ­ტა­ცია, რო­გორც რო­მე­ლი­მე დიდი ბაზ­რის მქო­ნე ქვე­ყა­ნა­ში. ერთი მცი­რე შეც­დო­მა და მათი აქ­ცი­ე­ბის ფა­სის მცი­რე­დით და­წე­ვაც კი ლონ­დო­ნის ბირ­ჟა­ზე ისეთ ცვლი­ლე­ბებს გა­მო­იწ­ვევს, რო­მე­ლიც ბევ­რჯერ აღე­მა­ტე­ბა ღი­რე­ბუ­ლე­ბით სა­ქარ­თვე­ლოს სა­რეკ­ლა­მო ბა­ზარს მთლი­ა­ნად. ამი­ტომ ნე­ბის­მი­ერ სა­კითხს დიდი პა­სუ­ხის­მგებ­ლო­ბი­თა და ყუ­რა­დღე­ბით ეკი­დე­ბი­ან.

-გაჩ­ნდა ეჭ­ვე­ბი კომ­პა­ნი­ის კა­პი­ტა­ლის წარ­მო­მავ­ლო­ბას­თან და­კავ­ში­რე­ბი­თაც. ნიკა გვა­რა­მი­ამ ისიც კი თქვა, რომ სა­ტე­ლე­ვი­ზიო რე­ი­ტინ­გე­ბის მთვლე­ლი ახა­ლი კომ­პა­ნია ბი­ძი­ნა ივა­ნიშ­ვი­ლის ფი­ნან­სე­ბით შე­იქ­მნა.

- ამას პირ­ვე­ლად თქვენ­თან ვამ­ბობ. ამ კომ­პა­ნი­ის და­ფუძ­ნე­ბის­თვის მე და ჩემ­მა პარტნი­ორ­მა "თი­ბი­სი ბან­კი­დან" 1,1 მი­ლი­ო­ნი დო­ლა­რის მო­ცუ­ლო­ბის სეს­ხი ავი­ღეთ. გარ­და ამი­სა, მე და გო­გამ შე­ვი­ტა­ნეთ ჩვე­ნი პი­რა­დი ფი­ნან­სე­ბი სა­წეს­დე­ბო კა­პი­ტალ­ში და­ახ­ლო­ე­ბით 500 ათა­სი დო­ლა­რი. და­მერ­წმუ­ნეთ, ამ გა­და­წყვე­ტი­ლე­ბის მი­ღე­ბამ­დე ბევ­რი ვი­ფიქ­რეთ. ეს არ იყო ერთი და ორ დღე­ში მი­ღე­ბუ­ლი გა­და­წყვე­ტი­ლე­ბა. გარ­კვე­უ­ლი თან­ხა ალ­ბათ კი­დევ დაგ­ვჭირ­დე­ბა მო­მა­ვა­ლი წლის პირ­ველ კვარ­ტალ­ში. ჩვენ რა თქმა უნდა, გათ­ვლი­ლი გვქონ­და, რომ ეს არის ბიზ­ნე­სი, რო­მე­ლიც სა­ვა­რა­უ­დოდ, 2017 წლი­დან და­ი­წყებს შე­მო­სავ­ლე­ბის მო­ტა­ნას.

- ბა­ზარ­ზე ახა­ლი, თა­ნა­მედ­რო­ვე ტექ­ნო­ლო­გი­ის მქო­ნე კომ­პა­ნი­ის შე­მოს­ვლა უკვე არ­სე­ბუ­ლი მთვლე­ლის გას­ვლას ხომ არ გა­მო­იწ­ვევს?

- გარ­და­მა­ვალ ეტაპ­ზე შე­იძ­ლე­ბა მოხ­დეს ისეც, რომ ორი კომ­პა­ნია ოპე­რი­რებ­დეს, მაგ­რამ სა­ბო­ლო­ოდ მა­ინც ერთი ვა­ლუ­ტა დარ­ჩე­ბა. ჩვენ ახალს არა­ფერს ვი­გო­ნებთ. ასე ხდე­ბა მთელ მსოფ­ლი­ო­ში და ეს უნდა დავ­ნერ­გოთ სა­ქარ­თვე­ლო­შიც. და­ნარ­ჩე­ნი კი მე­ო­რე­ხა­რის­ხო­ვა­ნია. ყო­ველ­თვის გა­მოჩ­ნდე­ბი­ან სი­ახ­ლით უკ­მა­ყო­ფი­ლო ადა­მი­ა­ნე­ბი და უსა­ფუძ­ვლო კრი­ტი­კით აგ­ვავ­სე­ბენ. ოფის­ში მაქვს გაკ­რუ­ლი ამო­ნა­რი­დე­ბი პუბ­ლი­კა­ცი­ე­ბი­დან, სა­დაც სხვა­დას­ხვა დროს, სხვა­დას­ხვა ადა­მი­ა­ნე­ბი მაკ­რი­ტი­კე­ბენ ჩემი საქ­მი­ა­ნო­ბის გამო. ახლა ზოგი ცი­ხე­შია, ზოგი ვერ ჩა­მო­დის სა­ქარ­თვე­ლო­ში, ზო­გიც პარ­ლა­მენ­ტშია. ჩვენ კი ისევ ამ საქ­მეს ვა­კე­თებთ. სა­სა­ცი­ლოა, როცა ამ­ბო­ბენ, რომ თით­ქოს ბი­ძი­ნა ივა­ნიშ­ვი­ლის ფუ­ლით ვა­კე­თებთ ამ საქ­მეს. დრო გა­მო­ა­ჩენს ყვე­ლას და ყვე­ლა­ფერს.

ემა ტუ­ხი­აშ­ვი­ლი