11
აპრილიდღის ზოგადი ასტროლოგიური პროგნოზი
ჩემი კაბინეტისთვის არც ერთი თეთრის დივან-კრესლო არ მიყიდია, - ამის შესახებ ჟურნალისტებს სასჯელაღსრულების მინისტრმა კახი კახიშვილმა გუშინ გამოქვეყნებული ინფორმაციის საპასუხოდ განუცხადა, რომლის მიხედვითაც კახიშვილს პირადი კაბინეტის სავარძლებისთვის ნახევარი მილიონი ლარი აქვს დახარჯული.
მინისტრის თქმით, ის სააგენტო "ედიტორ.ჯი"-ს სასამართლოში უჩივლებს. მისი თქმით, ასეთ ცილისწამებას არავის შეარჩენს.
"თუ ძალიან უნდა "ნაციონალურ მოძრაობას" შემიძლია გამოვაქვეყნო რამდენიმე მილიონის ქონება ჰქონდათ ნაყიდი კაბინეტებისთვის წინა ხელისუფლებას და ამის მასალები გვაქვს. ჩემი მაგიდაც არის წინა მთავრობის დროს ნაყიდი, რომელშიც დახარჯულია 11 000 ლარზე მეტი და რომ ვუყურებ ვფიქრობ, თუ რა აქვს ამ ფასის, მაგრამ ვერ ვხდები. ასე, რომ ძალიან კარგად დაფიქრდნენ, სანამ რაიმე განცხადებას გააკეთებენ. არავის შევარჩენ ასეთ უსაფუძვლო განცხადებებს, მითუმეტეს, რომ ჩვენ ყველაფერს ვაკეთებთ საბიუჯეტო თანხების გაფრთხილებისთვის და ამ დროს თურმე 500 000-ლარიან დივან-კრესლოებზეა საუბარი, როდესაც ერთი თეთრის არ ყოფილა დახარჯული ჩემი კაბინეტისთვის, მათ შორის არც ჩემი წინამორბედების მიერ. აუცილებლად შევიტან სარჩელს სასამართლოში, მოვითხოვ ბოდიშის მოხდას, თანხის პატიმრების ფონდში გადარიცხვას მორალური ზიანისთვის და ამავდროულად ფეისბუქზე იმდენივე ბოდიშის გაზიარების უზრუნველყოფას, რამდენიც ამ ინფორმაციას აქვს", - განაცხადა კახიშვილმა.
მისივე თქმით, ინვენტარის ყიდვა მოხდა ორთაჭალაში ახალი შენობისთვის და არა მისი პირადი კაბინეტისთვის. "ის რაც იყო ნაყიდი, იყო ნაყიდი მაშინ როდესაც სასჯელაღსრულების დეპარტამენტის ლიკვიდაცია გამოცხადდა და ორთაჭალაში ახალი შენობა გაიხსნა, რომელშიც 5 ხუთი დეპარტამენტი განთავსდა. ამისთვის შევიძინეთ ჩვეულებრივი სკამები და საოფისე ინვენტარი ჩვენი თანამშრომლებისთვის", - განაცხადა კახიშვილმა.
მისივე თქმით, მას ასევე აქვს მასალები იმის, თუ როგორ შეიძინა ყოფილი ხელისუფლების დროს სასჯელაღსრულების დეპარტამენტმა ერთი დღის განმავლობაში 2 მილიონი ლარის ავტომობილები.
