მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
სამშაბათი, მთვარის მეთვრამეტე დღე დაიწყება 00:09-ზე, მთვარე მორიელშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კიდევ თუ მაწამებენ, უკეთესი იქნება" - რა მოხდა გადასაღებ მოედანზე ბახვას ცემისას
04:17 / 20-10-2015
რეჟისორის მიცემულ ამოცანას ვიტყოდი, თავი შესანიშნავად გაართვა. დამაჯერებელი იყო... ისე, ხუმრობა-ხუმრობაში ბახვა ცოტნე ცოტაშვილის გამო კარგად იცემა...
მოკლედ,"ჩემი ცოლის დაქალების" მორიგი სეზონი მძაფრსიუჟეტიანი ფილმის მსგავსად დაიწყო, ვნახოთ, რა იქნება მომდევნო სერიებში, ახლა კი ნაცემ და დალურჯებულ ბახვას გვინდა გავესაუბროთ, რომელმაც ენერგია და მონდომება არ დააკლო როლს, რომელიც გასულ კვირას წარმოგვიდგინა. არადა, პროფესიით სულაც არ არის მსახიობი, ეკონომისტი, მარკეტოლოგი და სამართალმცოდნეა და ერთადერთი ადამიანია სერიალში, რომლის პერსონაჟსაც მისივე სახელი ჰქვია.
- "დაქალების" მორიგი სეზონი მძაფრად დაიწყო, რაშიც აქტიურად ხარ ჩართული. მგონი, ეპიზოდური როლიდან ერთ-ერთ მთავარ როლზე ინაცვლებ, რას იტყვი?
ბახვა ბრეგვაძე:- ახალი სეზონის სტარტი იმდენად შთამბეჭდავი და ძლიერია, ხომ წარმოგიდგენიათ, მერე და მერე რა იქნება? გამიმართლა, რომ ამ პროფესიონალების რაზმში, რასაც"ფორმულა კრეატივი" ჰქვია, მეც მოვხდი. ამ სატელევიზიო პროდუქტს ისეთი ძლიერი და კარგი გუნდი ქმნის, რომ მისი წარმატება, მუდმივი განვითარება და მაღალი ხარისხი გარდაუვალია. ამ სეზონის დასაწყისში მართლაც დიდი დოზით იყო პერსონაჟი ბახვა, რაც ძალიან მიხარია, რადგან როგორც ადრე მითქვამს, არტისტობით ძალიან "მოვიწამლე", გადაღებების დროს უდიდეს სიამოვნებას ვიღებ და მოუთმენლად ველოდები ახალ-ახლ სცენებს.
- შენი პერსონაჟი მაყურებლისთვის მოულოდნელად მძიმე მდგომარეობაში აღმოჩნდა. ელოდი?
- არ ველოდი, სცენარი მართლაც იმდენად მოულოდნელად და საინტერესოდ ვითარდება ხოლმე, ამის წინასწარ განჭვრეტა შეუძლებელია.
- ერთ-ერთი მძიმე სცენის თამაშმაც მოგიწია. გცემეს, გაწამეს, დაგალურჯეს... ამის გადაღება რთული არ იყო?
- მიუხედავად იმისა, რომ გადაღებების პროცესი პირველი დღიდან, როცა საერთოდ სერიალში ჩავერთე, ძალიან მომეწონა, მაგრამ ვნერვიულობდი, თავს როგორ გავართმევდი, ასევე ძალიან ბევრი კითხვის ნიშანი მქონდა და ამ კითხვებზე პასუხებს სულ ვეძებდი, - ვაკვირდებოდი ყველაფერს, ვერთობოდი კიდეც... წელს კი ჩემთვის მოულოდნელად, ამ სეზონის პირველ გადასაღებ დღეს იქ რომ მივედი, მივხვდი, რომ რაღაც რადიკალურად შეიცვალა, - დიახ, იქ მხოლოდ სამუშაოდ ვიყავი მისული და ასე გრძელდება დღესაც. მივდივარ, ვმუშაობ და მოვდივარ, თუმცა სამუშაო პროცესი ძალიან საინტერესო და სასიამოვნოა...ეს ცვლილება თუ ჩემი შესრულების ხარისხსაც დაეტყობა, გადასარევი იქნება. ამ კონკრეტული სცენის გადაღებაზეც ბევრი ვიფიქრე, მაგრამ არ მინერვიულია, გადაღებითაც მალე გადავიღეთ და ბევრი დუბლი არ დაგვჭირვებია. ხომ გეუბნებით, მაგარი გუნდი მუშაობს, როლანდიც არაჩვეულებრივი პარტნიორია. ამ სცენის თამაში გამიმარტივა, მაგრამ ვფიქრობ, რომ უკეთესადაც შეიძლებოდა. კიდევ თუ მაწამებენ, ნამუშევარი აუცილებლად უკეთესი იქნება (იცინის).
- წყალში რომ ჩაგაყოფინეს თავი, არც ეს იქნებოდა ადვილი.
- ცოტა წყალიც ვყლაპე და თან, ვლაპარაკობდი (იცინის) კიდეც. სხვათა შორის, წყალი ძალიან ცივი იყო.
- მიუხედავად იმისა, რომ არ ხარ მსახიობი, შენი ნათამაშები როლი ძალიან დამაჯერებელი იყო. ამასობაში, მსახიობადაც ჩამოყალიბდი.
- იმდენად მიხარია ჩემს შესრულებასთან დაკავშირებული კომპლიმენტები, რომ სიხარულს ვერ ვმალავ (იცინის). ამ ეტაპზე ყველაზე სასიამოვნო და მნიშვნელოვანი ქათინაური ეს არის ჩემთვის. თან, ამ ჯერზე ისეთმა ადამიანებმა შემაქეს, მომწერეს და დამირეკეს, რომ რამდენიმე დღეა, "დაკრეჭილი" დავდივარ (იცინის). კარგია, მართლა პროგრესი თუ შეინიშნება, ეს ჩემთვის დიდი სტიმულია, რომ საკუთარ თავზე მეტი ვიმუშავო.
- როგორ ფიქრობ, ასეთი სცენებისთვის ამ სეზონზე სცენარისტი და გადამღები ჯგუფი კიდევ გაგიმეტებს?
- არ ვიცი, ასეთი სცენებისთვის კიდევ გამიმეტებენ თუ არა, არასდროს არაფერი ვიცი, რა როდის მოხდება, მოულოდნელობით აღსავსეა ჩვენი სცენარი, ამიტომაც არის უზომოდ კარგი სამუშაო.
- დედამ რა გითხრა, როდესაც ეკრანზე ისე დალურჯებული გნახა?
- ჯერ "კურიერში" ნახა ჩემი ინტერვიუ ჩალურჯებული სახით რომ ვიყავი და ბუნებრივია, სანამ მიხვდა, რაში იყო საქმე, რამდენიმე წამი ინერვიულა. სერიისთვის ერთად არ გვიყურებია, მაგრამ აუცილებლად შეეცოდებოდა ის ბახვა ტელევიზორში. დედაა და, რა თქმა უნდა, მოეწონა ჩვენი სცენა, ძალიან ბუნებრივი იყო და ვინერვიულეო.
- ისე, მართლა რამე ხომ არ დაიზიანე?
- კედელზე მინარცხებისას ცოტა თავი მეტკინა, სანთებელით ხელიც მოვიწვი, თუმცა თავის დაზოგვა თუ დამიჯერებთ, არც მიცდია, რადგანაც ძალიან კარგი ეპიზოდი მინდოდა, რომ გამოსულიყო და ამაზე ვფიქრობდი... ამ სცენამ ამხელა აჟიოტაჟი რომ გამოიწვია, ვიმეორებ, როლანდის დიდი დამსახურებაც არის.
- თავი ვიტკინეო, - ამბობ, მე კი მეგონა, საერთოდ ფეხზე წამოდგომა გაგიჭირდებოდა, რადგანაც შენმა პარტნიორმა (როლანდი) ისე მოგისროლა და მიგანარცხა კედელზე. ამას ელოდი და იყო ასეთი მითითება რეჟისორიგან?
- რეჟისორის და როლანდის პროფესიონალიზმის დამსახურება იყო, რომ ძლიერი მინარცხების მიუხედავად, სერიოზულად არ დავშავდი, მაგრამ ზოგს ძალიან შეეცოდა ბახვა, ზოგმაც ბევრი იცინა. ხომ ვამბობ, ის იყო, რომ ერთ-ერთ დუბლში ოდნავ თავი მივარტყი (რადგანაც სწორად არ დავიჭირე) და მეტკინა, მოკლედ, ჩემი ბრალი იყო, მაგრამ ეს იქ არ მითქვამს, - ხომ გეუბნებით, თავის დაზოგვაზე საერთოდ არ ვფიქრობდი. მნიშვნელოვანი იყო, სცენა კარგი გამოსულიყო. მოკლედ, ამისთვის ხანდახან შეიძლება რაღაც იტკინო კიდეც.
- ცოტაშვილის ნაცვლად შენ რომ მოგხვდა, ცოტნეს ცემას არ აპირებ?
- ეს შეკითხვა ქეთი დევდარიანს ეკუთვნის. რას იზამს ბახვა, თუ სხვა პერსონაჟი, მხოლოდ ქეთიმ იცის.
- ე.ი. პარტნიორებში გიმართლებს.
- კი, როლანდი არაჩვეულებრივი პარტნიორია, ხომ გეუბნებით, მართლაც საკმაოდ რთული სცენა ძალიან მალე გადავიღეთ და როგორც ვთქვი, ეს მისი დიდი დამსახურებაა. სწორად აღნიშნეთ, კარგი პარტნიორებით განებივრებული ვარ. ჩემ გვერდით ძალიან მაგარი მსახიობები ტრიალებენ, მაგალითად, გიორგი ბახუტაშვილი, რომელთანაც ყველაზე მეტი გადაღება მაქვს ხოლმე, მიმაჩნია, რომ ქართულ კინოში აღმოჩენაა და მომავალში კიდევ ბევრჯერ გააოცებს თავისი ნიჭითა და პროფესიონალიზმით როგორც ქართველ, ისე უცხოელ მაყურებელსაც.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ იყოფა მეუღლეთა თანასაკუთრებაში არსებული ქონება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
