მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როდის და რატომ დაარსდა "თბილისობა" - დღესასწაულის ამსახველი პირველი ისტორიული კადრები
02:14 / 07-10-2017
თბილისობა ყოველწლიური საშემოდგომო დღესასწაულია. პირველად 1979 წლის 28 ოქტომბერს აღინიშნა და იქიდან მოყოლებული, ყოველწლიურ ტრადიციად იქცა. როგორც ამბობენ, პირველივე თბილისობამ განსაზღვრა მისი ხასიათი და გადაწყდა, დღესასწაული ყოველწლიურად აღნიშნულიყო, რასაც ოქტომბრის ბოლო ან ბოლოს წინა შაბათ-კვირა დაეთმობოდა. [იხილეთ გალერეა]
თბილისობის მოწყობის იდეა, თავიდან ასეთი იყო, - დედაქალაქში წარსულისა და აწმყოს შეხვედრა უნდა მომხდარიყო, - გაცოცხლებულიყო ძველი ცხოვრების სურათები: თბილისის ისტორიულ უბნებში ყარაჩოღელებს, კინტოებს, ეროვნულ სამოსში გამოწყობილ ადამიანებს უნდა ევლოთ, ესეირნათ ფაეტონით, მტკვარზე ტივი ჩაშვებულიყო, თბილისურ აივნებზე ფარდაგები გადმოკიდულიყო და იქ თბილისელი "კნეინები"გადმომდგარიყვნენ, გლეხებს სოფლებიდან სანოვაგე ჩამოეტანათ, დედაქალაქში მათი ჭირნახულის გამოფენა-გაყიდვაც გამართულიყო, რომ საქართველოს სხვადასხვა კუთხე წარმოეჩინათ, შეეწვათ მწვადი, საწნახელში ყურძენი დაეწურათ, სადღეგრძელოები ეთქვათ, გამართულიყო თეატრალური სანახაობები, სხვადასხვა სპორტული შეჯიბრება, კონცერტი, წაეკითხათ ლექსები და აერჩიათ საპატიო მოქალაქეები... იდეა მალე რელობად იქცა, მასში საქართველოს მოსახლეობა სიამოვნებით და აქტიურად ჩაერთო, წლიდან წლამდე ამ დღესასწაულს სიხარულით ელოდებოდნენ...
თბილისი ყოველთვის მრავალეროვანი ქალაქი იყო, სადაც ერთმანეთის გვერდით განსხვავებული და თვითმყოფადი კულტურები თანაარსებობდნენ. ეს ნიშან-თვისება აბანოთუბანში გამართულ საზეიმო ღონისძიებებშიც გამოიხატებოდა, რადგანაც დღესასწაულში დედაქალაქში მცხოვრები სხვადასხვა ერის წარმომადგენლებიც მონაწილებდნენ... მაგრამ 1990-იანი წლების დასაწყისში, რამდენიმე წელიწადი, ქვეყანაში არსებული მძიმე ვითარების გამო, თბილისობის აღნიშვნა შეწყდა... ხოლო პაუზის შემდეგ კი, 1995 წელს განახლდა, რის მერეც კვლავ ყოველწლიური ტრადიციაა... თბილისობის დადგომასთან ერთად, ქუჩებში ისევ იმართება სანახაობები, ქალაქი, როგორც იტყვიან, ამ დღეს დროში მოგზაურობს...
თბილისობის მსგავსი სანახაობა ძველ თბილისში ყეენობა იყო, რომელსაც ხალხური თამაშობები: კოჭაობა, ჯირითი, რიქთაფელა ამშვენებდა. ჭიდაობის საასპარეზო ადგილად კი დიდუბე მიიჩნეოდა...
ახლაც უამრავი კულტურული და სპორტული ღონისძიება იგეგმება, რომლიც დედაქალაქის ქუჩებში იმართება. დღესასწაული ყოველთვის სანახაობრივად დატვირთული და მრავალფეროვანია. თბილისობის საფინალო აკორდი კი სხვადასხვა სფეროში მოღვაწე გამოჩენილი ადამიანებისთვის საზეიმო ვითარებაში საპატიო მოქალაქის წოდების მინიჭებაა...შემოდგომის ეს დღესასწაული თბილისის სტუმრებს საშუალებას აძლევს, არამარტო მასპინძელი ქალაქის, არამედ ქვეყნის სხვადასხვა კუთხის ტრადიციებს გაეცნონ, დააგემოვნონ ქართული სამზარეულოს კერძები და სამახსოვროდ ხელნაკეთი სუვენირები შეიძინონ. ეს დღესასწაული განსაკუთრებით უყვართ პატარებს, რადგანაც ამ დღეს ქალაქში ლაღად გასეირნების საშუალება ეძლევათ...
AMBEBI.GE
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
